Kjaraviðræður á viðkvæmu stigi

Viðræður samningsnefnda grunnskólakennara og sveitarfélaga eru á mjög viðkvæmu stigi. Þær hafa sammælst um að Ásmundur Stefánsson ríkissáttasemjari greini frá niðustöðu funda þeirra. Ásmundur segir fréttir engar af viðræðum gærdagsins. Nefndinar hafi að mestu fundað í sitt hvoru lagi. "Formenn samninganefndanna funduðu bæði klukkan ellefu og um fimm leytið. Fyrst og fremst hafa menn samt verið að skoða málin í sínum hópi og viðræður milli aðila ekki miklar. Engin tilboð hafa gengið á milli þeirra," segir Ásmundur.