Fann dóttur sína á lífi sjö árum eftir flóðbylgju

Það eru ekki oft sem kraftaverk gerast en það má með sanni segja að sagan af litlu stúlkunni sem talið var að hefði týnt líf í flóðbylgjunni í Indónesíu árið 2004, sé kraftaverki líkust.

Flokkum jólasorpið og mokum frá ruslatunnum

Sorphirða Reykjavíkurborgar hvetur fólk til að halda leiðum að sorpskýlum opnum og flokka jólasorpið til endurvinnslu.

"Þetta er eins og tifandi tímasprengja hérna“

Opinberir lífeyrissjóðir eru tifandi tímasprengja vegna mikils fjárhagsvanda sem við þeim blasir að mati hagfræðings. Útlit sé fyrir að tveir stærstu sjóðirnir tæmist innan fárra ára ef ekkert verður að gert.

Líst ljómandi vel á lífeyrissjóðirnir kaupi helming í Landsvirkjun

Stjórnarformanni eins stærsta lífeyrissjóðs landsins líst ljómandi vel á að lífeyrissjóðirnir kaupi allt að helmingshlut í Landsvirkjun á móti ríkinu og telur að þannig vinni allir. Hægt sé að tryggja að lífeyrissjóðirnir selji hlutinn ekki áfram.

Ákvörðun Kjararáðs sparar tíma fyrir önnur stéttarfélög

„Ég hef alltaf verið stuðningsmaður launahækkana," segir Guðmundur Gunnarsson, fyrrverandi formaður Rafiðnaðarsambands Íslands. Hann segir að með því að draga launalækkanir alþingismanna og ráðherra til baka sé Kjararáð að spara stéttarfélögum og öðrum aðilum á almennum vinnumarkaði, miklu vinnu þegar sest verður að fundarborðunum í janúar.

Soberriders bjóða upp á andskötusúpu

Vélhjólasamtökin Soberriders munu bjóða upp á andskötusúpu fyrir framan Landsbankannn á Laugavegi á milli klukkan fjögur og niu á morgun. Eins og heitið á réttinum gefur til kynna er þarna um að ræða fiskisúpu sem er ekki unnin úr skötu. Friðþjófur Johnson, einn af Soberriders, segir að þetta sé í fjórða sinn sem þetta er gert á þorláksmessu. Súpan er ókeypis en frjálsum framlögum er safnað og renna þau alltaf til góðra málefna.

Launalækkanir ráðamanna afnumdar

Kjararáð ákvað í gær að draga til baka allar þær launalækkanir sem ráðist var í fyrst eftir bankahrunið. Ákvörðun ráðsins er tekin á grundvelli heimildar frá Alþingi. Samkvæmt ákvörðuninni um launalækkunina sem tekin var haustið 2008 var kjararáði gert að lækka laun alþingismanna og ráðherra um 5-15% og lækka í kjölfarið laun annarra sem undir ráðið heyra til samræmis. Nú hefur sú ákvörðun verið numin úr gildi og er sú ákvörðun afturvirk til 1. október síðastliðins.

Þurfa að greiða að fullu kostnað vegna fyrstu tæknifrjóvgunar

Barnlaus pör og einhleypar barnlausar konur munu greiða að fullu kostnað vegna fyrstu meðferðar við tæknifrjóvgun frá og með næstu áramótum. Þurfi fólk á fleiri meðferðum að halda greiða Sjúkratryggingar Íslands sem nemur 65% kostnaðar samkvæmt gjaldskrá stofnunarinnar fyrir aðra, þriðju og fjórðu meðferð.

Tæplega þrjú þúsund njóta góðs af Hjálparstarfi kirkjunnar

Um 1000 umsóknir hafa verið afgreiddar í jólaaðstoð Hjálparstarfs kirkjunnar nú í desember samkvæmt tilkynningu frá kirkjunni.

Harður árekstur á Akureyri

Harður árekstur varð á gatnamótum Gránufélagsgötu og Glerárgötu á Akureyri um hálf átta leytið í kvöld. Samkvæmt upplýsingum frá varðstjóra er talið að ökumaður annars bílsins hafi ekki virt biðskyldu. Þrír voru í öðrum bílnum og einn í hinum. Einn kvartaði yfir eymslum og ætlaði að leita til læknis í fyrramálið en annar bíllinn er mikið skemmdur og þurfti að draga hann burt með kranabíl.

Meintir skotárásarmenn áfram í gæsluvarðhaldi

Tveir karlar hafa á grundvelli almannahagsmuna verið úrskurðaðir í áframhaldandi gæsluvarðhald til 19. janúar að kröfu lögreglunnar á höfuðborgarsvæðinu í tengslum við rannsókn hennar á skotárás í austurborginni föstudaginn 18. nóvember síðastliðnum.

Fundu 150 kannabisplöntur

Fíkniefni fundust við húsleit á þremur stöðum á höfuðborgarsvæðinu í gær. Mestmegnis voru þetta kannabisefni en á einum staðnum var um ræða kannabisræktun sem taldi 150 plöntur.

Bronsstytta af Steve Jobs afhjúpuð í Búdapest

Ungverskt hugbúnaðarfyrirtæki hefur reist bronsstyttu af Steve Jobs, stofnanda og fyrrverandi stjórnarformanns Apple.

Hjálparsíminn og athvörf Rauða krossins opin yfir hátíðirnar

Einmana fólk sem sumt á engan að hringir mikið í Hjálparsíma Rauða krossins 1717 yfir hátíðirnar. Svarað er í símann allan sólarhringinn, allan ársins hring en um eitthundrað vel þjálfaðir sjálfboðaliðar, margir í námi í félagsráðgjöf og sálfræði í Háskóla Íslands sjá um að vakta Hjálparsímann.

Borgarbúar hvattir til þess að huga að ruslinu um jólin

Um hátíðarnar fyllast sorpílát yfirleitt hjá flestum. Sorphirða Reykjavíkurborgar vill því ítreka að mikilvægt er að aðgengi að sorpílátum og sorpskýlum sé með besta móti svo sorphirðan geti gengið snurðulaust fyrir sig.

Gervitunglamyndir varpa ljósi á daglegt líf í Norður-Kóreu

Bandaríska fyrirtækið IHS Jane's hefur birt gervitunglamyndir sem teknar voru af helstu kennileitum Norður-Kóreu og höfuðborgarinnar Pyongyang.

Langflestir borða hangikjöt á jóladag

Hangikjötsilmur verður ríkjandi á flestum heimilum landsmanna á jóladag, því samkvæmt niðurstöðum nýrrar könnunar MMR ætla um 72% landsmanna að borða hangikjöt í aðalrétt þann daginn. Þetta er nánast sami fjöldi og sagðist ætla að borða hangikjöt á jóladag í fyrra. Um 7,8% ætla að borða hamborgarhrygg á jóladag og um 4% ætla að borða kalkúun. Íbúar á landsbyggðinni segjast frekar ætla að borða hangikjöt á jóladag en höfuðborgarbúar eða um 78% á móti 68%.

Konur með sílikon hvattar til þess að hafa samband við skurðlækni

Lyfjastofnun ráðleggur íslenskum konum, sem fengið hafa sílikonfyllta brjóstapúða, að hafa samráð við sinn skurðlækni, hafi þær áhyggjur eða finna fyrir eymslum í brjóstum.

Google Maps vísar leiðina til Mordor

Tolkien aðdáendur sem þrá að komast frá Héraðinu til Mordor er velkomið að biðja um leiðbeiningar í Google Maps. Forritið hefur þó áríðandi skilaboð til þeirra sem höfðu hugsað sér að rölta þangað.

Söfnuðu 15 milljónum fyrir krabbameinssjúk börn

Hjónin Signý Gunnarsdóttir og Sveinn Benedikt Rögnvaldsson söfnuðu alls rúmum 15 milljónum í átakinu Hetjur fyrir hetjur - Meðan fæturnir bera mig. Söfnuninni lauk endanlega nú í desember.

Dæmd til þess að greiða átta milljónir vegna dularfullra smelluhljóða

Héraðsdómur Reykjaness dæmdi í dag par til þess að greiða konu rúmar átta milljónir króna vegna galla á fasteign sem þau seldu henni árið 2007. Ástæðan var meðal annars dularfullt smelluhljóð sem var vel yfir hávaðamörkum.

Bandaríkjaher viðurkennir ábyrgð eftir loftárás í Afganistan

Bandaríski herinn viðurkennir ábyrgð sína í máli 24 pakistanskra hermanna sem féllu í aðgerðum hersins í síðasta mánuði. Mennirnir féllu í loftárás í suðurhluta Afganistan.

Boðar ný gögn í Lockerbie málinu

Maðurinn sem dæmdur var fyrir að sprengja vél Pan Am flugfélagsins yfir Lockerbie í Skotlandi árið 1988 boðaði í morgun að ný gögn myndu koma fram í málinu sem gætu hreinsað nafn hans.

Vill kjósa um ESB um leið og "efnisleg“ niðurstaða liggur fyrir

Ögmundur Jónasson innanríkisráðherra er ósammála félaga sínum í ríkisstjórninni Össuri Skarphéðinssyni utanríkisráðherra og vill láta kjósa efnislega um ESB í næstu kosningum.

Sögulegur "fyrsti koss"

Lesbískt par í sjóher Bandaríkjanna braut blað í réttindabaráttu samkynhneigðra í gær. Ákveðið var að parið myndi heiðra rótgróna hefð á herskipum sjóhersins og það fyrir framan myndavélarnar.

Máttu vísa Vítisenglum úr landi

Íslenska ríkið var sýknað af kröfum tveggja norskra Vítisengla í Héraðsdómi Reykjavíkur í morgun. Mennirnir höfðu stefnt ríkinu til þess að fá hnekkt ákvörðun Útlendingastofnunar, sem ráðuneyti dómsmála staðfesti síðar, um að þeim yrði vísað úr landi í byrjun síðasta árs. Annar þeirra sem vísað var úr landi er Leif Ivar Kristiansen, en hann er forsprakki Vítisenglanna í Noregi.

Mikið mengunarslys í uppsiglingu í Nígeríu

Gríðarlegt mengunarslys virðist í uppsiglingu undan ströndum Nígeríu. Óhapp átti sér stað þegar verið var að dæla olíu af borpalli Royal Dutch Shell og yfir í tankskip. Borpallinum hefur nú verið lokað en mikið magn olíu fór í sjóinn. Olían hefur nú dreift úr sér um 100 sjómílna langt svæði og búast yfirvöld í Nígeríu við því að olían nái að ströndum landsins í dag. Líklegt þykir að slysið sé það versta við strendur Nígeríu í áratug.

Kannar leiðir til þess að byggja útilaug við Sundhöll Reykjavíkur

Borgarráð ákvað á fundi sínum í morgun að kanna leiðir til að byggja útilaug fyrir almenning og aðstöðu fyrir heilsutengda ferðaþjónustu á auðri lóð við hlið Sundhallarinnar í Reykjavík. Þannig greinir Dagur B. Eggertsson, borgarfulltrú Samfylkingarinnar frá því að hugmyndin sé ekki ný en auð lóð er við hlið Sundhallarinnar og hefur verið sýnt fram á að hægt er að koma fyrir útilaug og annarri starfsemi þar þannig að vel fari.

Tveir vilja leigja Gæslunni þyrlu

Tilboð vegna tímabundinnar leigu á þyrlu til Landhelgisgæslunnar voru opnuð á mánudag. Gæslan þarf þyrlu á meðan TF-LÍF verður í skoðun í Noregi, en skoðunin mun standa til 10. mars.

Kópavogur styrkir Mæðrastyrksnefnd

Bæjarráð Kópavogs ákvað á fundi sínum í morgun að styrkja Mæðrastyrksnefnd Kópavogs um eina og hálfa milljón króna, en með því vill bærinn styðja við þá sem höllum fæti standa um jólin.

Að minnsta kosti 63 fórust í Bagdad

Nú er komið í ljós að 63 létust hið minnsta og 183 eru særðir eftir röð sprengjuárása í Bagdad í Írak í morgun. Að minnsta kosti fjórtán sprengjur sprungu víðsvegar um borgina að sögn yfirvalda.

Náttúruundur fylgdu fráfalli Kim Jong-il

Enn syrgja íbúar Norður-Kóreu en nú eru þrír dagar liðnir síðan tilkynnt var um fráfall Kim Jong-il, einræðisherra og andlegs leiðtoga kjarnorkuveldisins. Stjórnvöld í Norður-Kóreu hafa nú birt ótrúlegar lýsingar á náttúrufyrirbærum sem áttu sér stað þegar leiðtoginn féll frá.

TF-SIF kemur heim - þurftu að færa jólatréð í flugskýlinu

TF-SIF flugvél Landhelgisgæslunnar lenti á Reykjavíkurflugvelli síðdegis í gær eftir tveggja mánaða fjarveru við verkefni á vegum landamærastofnunar Evrópusambandsins að því er fram kemur á heimasíðu gæslunnar.

Búist við mikilli umferð við kirkjugarðana

Búast má við talsverðri umferð við kirkjugarða á höfuðborgarsvæðinu á aðfangadag. Lögreglan mun fylgjast sérstaklega með umferð við Fossvogskirkjugarð og Gufuneskirkjugarð og greiða fyrir umferð eins og hægt er.

Síminn vill að símhleranir færist yfir til lögreglunnar

Síminn hefur ritað innanríkisráðuneytinu bréf þar um að fjarskiptafyrirtæki séu losuð undan því að annast tengingar þegar símhleranir eru notaðar við rannsóknir sakamála. Lögregla sjái um málin sjálf.

Amagermaðurinn í lífstíðarfangelsi

Marcel Lychau Hansen, 46 ára gamall karlmaður sem danskir fjölmiðlar kalla Amagermanninn, var dæmdur í lífstíðarfangelsi í morgun fyrir tvö morð og fjölmargar nauðganir. Þegar Jacob Scherfig, aðaldómari í málinu, las upp dóminn var klappað í réttarsalnum. Á meðal þeirra sem voru samankomnir í réttarsalnum voru nokkrir þeirra sem hinn dæmdi hafði ráðist á. Það var undirréttur í Kaupmannahöfn sem kvað upp dóminn.

Akstur Strætó um jól og áramót

Breytingar verða á akstri Strætó bs. um jól og áramót, eins og jafnan á stórhátíðum. Á Þorláksmessu, föstudaginn 23. desember, verður ekið samkvæmt hefðbundinni áætlun á virkum degi.

Mest sæði sent úr Grábotna

Lokadagur vertíðar sauðfjársæðingastöðva var í gær, að því er fram kemur á vef Landssambands sauðfjárbænda.

Staðfesta sakhæfismatið á Breivik

Nefnd réttargeðlækna, sem hafði það hlutverk að yfirfara geðlæknismatið á Anders Breivik fjöldamorðingja, gerir engar efnislegar athugasemdir við við matið. Áður höfðu réttargeðlæknar, sem töluðu við Breivik og mátu sakhæfi hans, komist að þeirri niðurstöðu að hann væri ósakhæfur sökum geðveiki.

Segir fréttaskrif í beinni úr dómsal hafa spillt málinu

Verjandi Baldurs Guðlaugssonar, fyrrverandi ráðuneytisstjóra í fjármálaráðuneytinu, telur að fréttaflutningur af málinu úr dómsal hafi spillt fyrir því. Hann gagnrýnir héraðsdómara harðlega í greinargerð sem lögð hefur verið fyrir Hæstarétt.

Heimsóknir á söfn tvöfaldast

Heildarfjöldi safngesta hefur nærri því tvöfaldast frá árinu 1995. Samkvæmt tölum Hagstofunnar var áætluð aðsókn að söfnum og tengdri starfsemi á síðasta ári ríflega 1,6 milljón gesta en þeir voru 829 þúsund árið 1995.

Óskarinn fyrir Citizen Kane fór á hundrað milljónir

Óskarsverðlaunastyttan sem Orson Welles fékk fyrir að skrifa handritið að kvikmyndinni Citizen Kane árið 1941 seldist á uppboði í Kalíforníu í gær á 850 þúsund dollara eða rúmar hundrað milljónir króna.

Leiga þarf að hækka og ójafnvægi ríkir á markaði

Leiga þarf að vera þriðjungi hærri em markaðurinn vill borga til að standa undir ávöxtun fjárfesta sem myndu standa að leigufélagi. Kaupverð íbúða þarf líka að hækka til að jafnvægi náist við byggingarkostnað.

Rannsókn lýkur varla fyrir jól

Ólíklegt er að lögreglan á höfuðborgarsvæðinu muni ljúka rannsókn sinni á máli þar sem átján ára stúlka hefur kært Egil Einarsson og unnustu hans fyrir nauðgun fyrir jól, að sögn Björgvins Björgvinssonar, yfirmanns kynferðisbrotadeildar lögreglunnar á höfuðborgarsvæðinu.

Finnar kyrrsetja skip: Patriot flaugar merktar sem flugeldar

Hafnaryfirvöld í finnsku borginni Kotka hafa stöðvað för flutningaskips sem siglir undir fána eyjarinnar Manar. Skipið var á leið til Kína en um borð fundust bandarískar Patriot eldflaugar og öflugt sprengjuefni. Innanríkisráðherra Finnlands segir að í farmskrá hafi eldflaugarnar, sem eru af fullkominni gerð, verið skráðar sem flugeldar. Skipið, sem heitir MS Thor Liberty, var að koma frá Þýskalandi.