Hver fræðir um orkumálin?

Fulltrúar minnihluta sjálfstæðismanna og VG í borgarráði vilja svör um möguleg viðbrögð Reykjavíkur­borgar við því að fræðslu- og ferðaþjónustuverkefni Orkuveitu Reykjavíkur hafi verið aflögð. Mikill safnkostur liggi undir skemmdum ef ekkert verði aðhafst.

Fyrrverandi þingmenn vilja á stjórnlagaþing

Fimm fyrrverandi þingmenn og ráðherrar gefa kost á sér til stjórnlagaþings. Fyrr í dag var birtur listi með nöfnum frambjóðenda til stjórnlagaþings en kosið verður laugardaginn 27. nóvember.

Ronnie Wood: Keith skilur mig

Rolling Stones-goðsögnin Keith Richards er hættur að láta heilsusamlegri lífsstíl félaganna í hljómsveitinni fara í taugarnar á sér. Þetta segir Ronnie Wood, gítarleikari Rolling Stones, sem hefur verið edrú í rúmlega sex mánuði en hann var á góðri leið með að drekka sig í heil.

Kynntu áherslur ASÍ

Forystumenn ríkisstjórnarflokkanna áttu í dag fund með forystu ASÍ þar sem forsvarsmenn sambandsins kynntu áherslur og ályktanir ársfundar ASÍ.

Obama: Sprengjuefni í pökkunum

Barack Obama, forseti Bandaríkjanna, segir að sprengjuefni hafi verið í pökkunum sem sendir voru frá Jemen til Bandaríkjanna. Pakkarnir voru stílaðir á tvö bænahús gyðinga í Chicago. Talið er að hryðjuverkasamtökin al Kaída beri ábyrgð á pökkunum. Þetta kom fram í máli forsetans á blaðamannafundi í Hvíta húsinu í kvöld.

Skjálftarnir höfðu ekki áhrif á stíflur við Blöndulón

Undanfarna daga hafa orðið nokkrir jarðskjálftar á Norðvesturlandi, sá stærsti að styrkleika 3,7 á Richter. Skjálftarnir eiga upptök sín undir sunnanverðu Blöndulóni og sunnan við lónið samkvæmt staðsetningu Veðurstofu. Stærsti skjálftinn átti sér stað nú í morgun.

Listi frambjóðenda liggur fyrir

Bátur bilaði norður af Engey

Björgunarsveitirnar Ársæll úr Reykjavík og Hjálparsveit skáta Kópavogi voru kallaðar út rétt fyrir klukkan 18:30 í kvöld vegna vélarvana báts sem staddur var um 3-4 mílur norður af Engey.

Kristján nýr formaður

Á nýafstöðnum aðalfundi Vímulausrar æsku - Foreldrahúss var Kristján Guðmundsson kjörinn formaður aðalstjórnar samtakanna. Ólöf Ásta Farestveit, sem gegnt hefur formennsku í 4 ár, hætti í stjórn samtakanna.

Trukkarnir koma á Búðarháls

Ístak flutti í dag fyrstu tæki sín að Búðarhálsi. Óvissa ríkir þó áfram um hvenær virkjunarframkvæmdir þar komast á fullt skrið því verksamningurinn er háður því að Landsvirkjun fái lán á hagstæðum kjörum.

Óheppilegt að halda í Halldór Ásgrímsson

Forsætisráðherra telur óheppilegt að ráðningarsamningur var endurnýjaður við Halldór Ásgrímsson í embætti framkvæmdastjóra norrænu ráðherranefndarinnar.

Vildu að Íslandsbanki þvingaði starfsmenn í yfirheyrslur

Lögmaður slitastjórnar Glitnis lagði að stjórnendum Íslandsbanka að grípa til aðgerða vegna starfsmanns bankans sem neitaði að koma í skýrslutöku hjá slitastjórn í tengslum við hundruð milljarða skaðabótamál. Fréttastofa hefur tölvupósta sem staðfesta þetta undir höndum.

Telja ný gjaldþrotalög engu breyta

Frumvarp til gjaldþrotalaga breytir litlu fyrir gjaldþrota heimili að mati lögmanna. Fjármálaráðherra segir að frumvarpið verða betrumbætt í meðförum þingsins.

Of lág laun grafa undan vinnusiðferði

Of lág laun eru að grafa undan vinnusiðferði í landinu og hvetja fólk til að vera fremur á atvinnuleysis- og örorkubótum. Þetta sagði formaður Vinnumálastofnunar á ársfundi hennar í dag og sagði nauðsynlegt að hækka lægstu laun.

Al Kaída að æfa sig?

Mikill viðbúnaður var á flugvöllum í Bretlandi og Bandaríkjunum í dag eftir að tortryggilegar pakkar fundust um borð í flutningaflugvél sem millilenti í Bretlandi á leið til Bandaríkjanna frá Jemen. Ekki var um sprengju að ræða að sögn, bresku lögreglunnar. Í yfirlýsingu frá Hvíta húsinu segir að bandarísk yfirvöld hafi grípið til viðunandi aðgerða og leitað í nokkrum flutningaflugvélum á flugvöllum í New Jersey og Pennsylvaníu. Á sama tíma var leitað í bílum flutningafyrirtækja. Bandarísk stjórnvöld rannsaka nú hvort að hryðjuverkasamtökin al-Kaída í Jemen beri ábyrgð á pökkunum en talið er að um æfingu hafi verið að ræða.

Ljóst hverjir bjóða sig fram til stjórnlagaþings

Birtur hefur verið listi með nöfnum frambjóðenda til stjórnlagaþings. Landskjörstjórn lauk yfirferð sinni yfir framkomin framboð í vikunni. Frambjóðendum hefur verið raðað í starfrófsröð en fyrsta nafn í röðinni var valið að handahófi í viðurvist sýslumannsins í Reykjavík. Enn fremur var frambjóðendum úthlutað auðkennistölu í viðurvist sýslumanns í Reykjavík, sem kjósendur færa á kjörseðil í kosningunum. Á listanum koma fram upplýsingar um nöfn frambjóðenda og auðkennistölu, svo og starfsheiti þeirra og sveitarfélag þar sem þeir eru búsettir.

Dæmd fyrir að flytja inn sýru

Kona á fimmtugsaldri var dæmd í fjögurra mánaða fangelsi í dag fyrir innflutning á fíkniefnum. Konan, sem var dæmd í Héraðsdómi Reykjavíkur, játaði brot sín skýlaust.

Sprengja í flugvél í Lundúnum

Flugvél frá Yemen var stöðvuð í Lundúnum í dag þegar sprengja fannst um borð. Sprengjan var í fragtrými og hafði verið dulbúin sem blekhylki fyrir prentara. Í kjölfarið hefur verið fyrirskipuð nákvæm leit í flugvélum sem eru í ferðum til og frá Bandaríkjunum. Þessi frétt var að berast og nánari upplýsingar liggja ekki fyrir.

Ögmundur og Jón Steinar sammála

Dómsmálaráðherra er sammála Jóni Steinari Gunnlaugssyni hæstaréttardómara og Róbert Spanó, deildarforseta lagadeildar Háskóla Íslands, um að setja skuli á fót millidómstól og draga þannig úr álagi á Hæstarétt. Hann bendir á að þau viðhorf sem Jón Steinar hafi reifað virðist vera samdóma álit úr stétt lögmanna og dómara. Það hafi hann fengið staðfest á málþingi sem hann sótti á dögunum.

Veðurstofan varar við stormi

Veðurstofa Íslands varar við stormi austantil á landinu og á Miðhálendinu í nótt og fram eftir morgundegi. Ferðafólki sem hyggur á ferðalag á milli landshluta, einkum norðan- og austanlands, síðdegis og á morgun er bent á fylgjast grannt með fréttum af veðri og færð.

Sólheimar í stöðugum árekstrum við kerfið

Áhyggjur stjórnar og fulltrúaráðs Sólheima í Grímsnesi af rekstrargrundvelli heimilisins eru meðal annars tilkomnar vegna þess sem þeir telja vera stöðuga tregðu og árekstra í kerfinu. Til dæmis segja þeir að Sólheimar hafi ekki fengið endurmat á þjónustuþörf fatlaðra íbúa í átta ár. Þó séu skýr ákvæði í lögum um að slíkt mat eigi að gera árlega.

Hópuppsögn á Flateyri: „Staðan er skelfileg“

„Það lá fyrir þegar við keyptum eignirnar af Kambi að þetta yrði gríðarlega erfitt,“ segir Kristján Erlingsson, stjórnarmaður og einn af aðaleigendum Eyrarodda á Flateyri, en fjörtíu og tveimur starfsmönnum fiskvinnslunnar var sagt upp í dag.

New York Times fjallar um Bæjarins bestu

Bandaríska stórblaðið New York Times fjallaði hinn 25. þessa mánaðar um einstæðan áhrifamátt Clintons fyrrverandi forseta. Hann nær jafnvel til veitingastaða. Ef Clinton borðar á einhverjum matsölustað kemur fólk þangað í kippum og biður um það sama og forsetinn borðaði.

Gríðarlegur kostnaður vegna tafa í dómskerfinu

Afar brýnt er að uppgjöri þeirra mála sem komið hafa til kasta dómstólanna í kölfar hruns íslenska efnahagskerfisins verði hraðað.

Kínverjar ráðast á Thorbjörn Jagland

Kínverskir ríkisfjölmiðlar gera persónulegar árásir á Thorbjörn Jagland, formann norsku nóbelnefndarinnar. Kínverjar eru í mikilli geðshræringu yfir því að andófsmaðurinn Liu Xiaobo fékk friðarverðlaun Nóbels í ár.

Vífilfell: Engin hættuleg litarefni í Powerade

Vegna frétta um litarefni í Powerade íþróttadrykkjum hefur Vífilfell, dreifingaraðili drykkjanna, sent frá yfirlýsingu þar sem því er vísað á bug að í bláum Powerade drykkjum séu asó-litarefni. Þá er því einnig hafnað að litarefnið sem er í bláum Powerade sé bannað í fjölda Evrópulanda, þvert á móti sé drykkurinn seldur í öllum löndum Evrópu.

100 prósent verðmunur í efnalaugum

Verðlagseftirlit ASÍ kannaði verð á hreinsun og þvotti í þvottahúsum og efnalaugum á höfuðborgarsvæðinu miðvikudaginn 27. október samkvæmt tilkynningu á síðu þeirra.

Kvennalið Gerplu fær þrjár milljónir frá ríkisstjórninni

Ríkisstjórnin samþykkti á fundi sínum í morgun að styrkja kvennalið Gerplu, nýkrýnda Evrópumeistara í hópfimleikum, um þrjár milljónir króna. Kvennalið Gerplu í fimleikum náði þeim einstaka árangri að vinna til gullverðlauna á Evrópumótinu í hópfimleikum, sem fram fór í Malmö í Svíþjóð í október 2010. Ríkisstjórnin fagnar þessum frábæra árangri liðsins og samþykkti í tilefni af honum að veita liðinu þrjár milljónir króna til undirbúnings fyrir þátttöku þess í Norðurlandamóti sem fram fer í Noregi árið 2011.

Nánast enginn munur á lægstu launum og bótum

Eitt af þeim vandamálum sem ráðgjafar og vinnumiðlarar Vinnumálastofnunar standa frammi fyrir er að lítill eða enginn munur er á lægstu launum og atvinnuleysisbótum, segir Runólfur Ágústsson, formaður stjórnar Vinnumálastofnunar. Ársfundur Vinnumálastofnunar er haldinn í

Vill að liðkað verði fyrir þjóðaratkvæðagreiðslum

Ólafur Ragnar Grímsson forseti Íslands sagði í Reykjavík síðdegis á Bylgjunni í gær að hann fylgdist vel með þjóðmálaumræðunni og þeirri ólgu sem verið hafi í samfélaginu að undanförnu. Hann hefði hins vegar ekki og myndi ekki tjá sig um mál sem væru til umfjöllunar og afgreiðslu á vettvangi Alþingis.

Forseti lagadeildar sammála Jóni Steinari

Forseti lagadeildar Háskóla Íslands tekur undir með Jóni Steinari Gunnlaugssyni hæstaréttardómara að tilefni sé til að stofna millidómsstig á Íslandi.

Fjölskylduhjálpin opnar á Akureyri: Vonandi kemur enginn

Fjölskylduhjálp Íslands opnar nýja starfsstöð á Akureyri um miðjan nóvember. Gerður Jónsdóttir verkefnisstjóri vonast til að sem fæstir mæti enda væri það til marks um að þörfin væri ekki til staðar. „Vonandi kemur enginn,“ segir hún. Fjölskylduhjálpin hefur fengið húsnæði að Freyjunesi 4 á Akureyri og óskar eftir sjálfboðaliðum. „Ég er bara ein enn sem komið er,“ segir Gerður.

Stakk ekki blóðugum fingri í munn lögregluþjóns

Karlmaður var sýknaður í dag í Héraðsdómi Reykjavíkur af því að hafa stungið blóðugum fingri í munn lögregluþjóns. Maðurinn sem var ákærður fyrir hættulegt brot á sóttvarnarlögum, reyndist vera smitaður af lifrabólgu C.

Íslendingar í Árósum berjast fyrir félagslífinu sínu

Íslendingar í Árósum í Danmörku virðast tilbúnir til þess að berjast fyrir lífi Íslendingafélagsins þar í borg en Vísir greindi frá því í gær að til stæði að leggja félagið niður. Aðeins einn maður mætti á aðalfund félagsins fyrr í vikunni og því tókst ekki að mynda nýja stjórn.

Gátlisti rjúpnaveiðimannsins

Undanfarin ár hafa björgunarsveitir ítrekað verið kallaðar út til að leita að rjúpnaveiðimönnum. Slysavarnafélagið Landsbjörg vekja athygli á að veðurspá helgarinnar er afleit, sérstaklega á Austur- og Suðausturlandi og vill því koma á framfæri nokkrum góðum ferðareglum sem rétt er að hafa í huga áður en lagt er af stað í veiðiferðina.

Vill millidómsstig og færri hæstaréttardómara

Jón Steinar Gunnlaugsson hæstaréttardómari vill að þegar í stað verði hugmynd um millidómstig hrint í framkvæmd. Það dómstig þurfi bæði að fjalla um einkamál og sakamál. Kostnaðurinn við það sé mun minni en margir telji.

Íslendingafélög í útrýmingarhættu

Starf Íslendingafélaga í Danmörku er í mikilli lægð ef marka má dræma mætingu á aðalfundi þeirra. Aðeins tíu manns mættu á aðalfund Íslendingafélagsins í Kaupmannahöfn sem haldinn var í gær. „Það er betri mæting á fundi prjónafélagsins," segir Sigurður Einarsson, formaður félagsins, heldur vonsvikinn.

Hvalurinn í Vejle-firði var 140 ára gamall

Langreyður ein stór og mikil sem synti á land í Vejle firði í Danmörku í sumar hefur nú verið aldursgreind og í ljós kom að dýrið var á bilinu 135 til 140 ára gamalt. Vísindamenn frá danska náttúrufræðisafninu komust að þessu en í nýútkominni hvalabók eftir þá Jón Baldur Hlíðberg og Sigurð Ægisson segir að elsta dýr af þessari tegund sem vitað sé um hafi náð 114 ára aldri.

Niðurskurður skilar litlum sparnaði

Raunsparnaður af 185 milljóna króna niðurskurði á fjárframlögum til Heilbrigðisstofnunar Vestfjarða , yrði aðeins 28 milljónir króna, þegar búið væri að taka tillit til sjúkraflutningakostnaðar, tilfærslu verkefna og tekjumissi ríkissjóðs vegna uppsagna.

Níu lögreglumenn myrtir í Mexíkó

Níu lögreglumenn voru skotnir til bana í fyrirsát í vesturhluta Mexíkó í gær. Eins er saknað. 20 lögreglumenn voru í leiðangri í Jalisco héraði í gær þegar þeir voru bornir ofurliði af glæpagengi sem umkringdi þá á lúxusjeppabifreiðum og hófu skothríð. Lögreglumennirnir tíu sem lifðu árásina af börðust við gengið í rúma klukkustund. Margir þeirra eru sárir, að sögn mexíkóskra fjölmiðla. Árásarmennirnir voru þungvopnaðir og notuðu handsprengjur og hríðskotariffla.

Pilturinn fundinn

Pilturinn sem lögregla lýsti eftir í gærkvöldi er kominn í leitirnar og var hann heill á húfi. Lögrreglan þakkar veitta aðstoð og segir að fjölmargar ábendingar hafi borist til lögreglu eftir að lýst var eftir drengnum í fjölmiðlum.

Veðrið kemur rjúpunni til bjargar í bili

Rjúpnaveiðitíminn hófst á miðnætti og má skjóta rjúpur á föstudögum, laugardögum og sunnudögum þar til 18 dögum er náð.

Reykspólandi á átta gata kagga

Lögreglan á Selfossi stóð ungan ökumann óvænt að verki þegar hann var að reykspóla á átta gata amerískum kagga á Austurveginum, við mjólkurbúið í gærkvöldi, en Austurvegurinn er þjóðvegurinn í gegnum bæinn.

Dregur úr skjálftavirkni undir Blöndulóni

Eftir tvo snarpa skjálfta, sem víðar varð vart í gærkvöldi, hefur dregið töluvert úr skjálftavirkni undir Blöndulóni, norðvestur af Hveravöllum.

Tekin með vasa fulla af kardimommudropum

Kona í annarlegu ástandi brást ókvæða við þegar starfsmaður í sólarhringsverslun í Hafnarfirði hafði afskipti af henni upp úr miðnætti, þar sem hann grunaði að hún hafi verið að hnupla.