Stjórnendur Facebook gagnrýndir

Stjórnendur samskiptasíðunnar Facebook eru harðlega gagnrýndir fyrir að tryggja ekki persónuvernd notenda sinna. Forstjóri Facebook boðar breytingarnar.

Á sjötta tug látnir í Indlandi

Að minnsta kosti 65 eru látnir eftir að tvær lestir rákust saman í norðausturhluta Indlands í nótt. Yfirvöld telja að skemmdaverk hafa verið unnin á lestarteinunum sem varð til þess lest með yfir 200 farþega og flutningalest lentu saman.

Rafmagnstruflanir í Reykjavík

Háspennubilun varð í aðveitustöð Orkuveitunnar við Meistaravelli í Reykjavík laust upp úr klukkan fimm í morgun og varð rafmagnslaust á Seltjarnarnesi og frá Kaplaskjólsvegi að Umferðarmiðstöðinni. Bilunarinnar varð vart víða í borginni í formi rafmagnsflökts, en rafmagn komst á fyrrnefnd svæði innan hálftíma. Orkuveitan tilgreinir ekki orsakir bilunarinnar, í tilkynningu um málið.

Eldgos í Guatemala

Eldgos hófst í fjallinu Pacaya skammt frá höfuðborg Mið-Ameríkuríksins Guatemala í gærkvöldi. Mikið öskufall hefur orðið í höfuðborginni og hafa á annað þúsund íbúar þurft að flýja heimili sín. Þá hefur alþjóðaflugvellinum í borginni verið lokað. Eldfjallið er 25 kílómetra suður af höfuðborginni.

Flutt inn í Downingstræti 10

David Cameron, forsætisráðherra Bretlands, og fjölskylda hans fluttu í gær formlega inn í embættisbústað ráðherrans í Downingstræti 10. Cameron greindi frá því í samtali við breska ríkisútvarpið að fjölskyldan muni sakna hússins í Notting Hill í vesturhluta Lundúna þar sem þau hafa búið undanfarin ár. Þeirra allra, og ekki síst barnanna sem eru sex og fjögurra ára gömul, bíði samt sem áður mikil ævintýri.

Vonast eftir betri niðurstöðu í kosningunum

„Þetta eru nú ákveðin vonbrigði. Ég stóð í þeirri trú að við myndum bæta við okkur jafnt og þétt. Ég hef stefnt að því allan tímann að ná hreinum meirihluta til að við getum staðið fyrir einhverjum alvöru breytingum í borginni,“ segir Jón Gnarr, efsti maður á lista Besta flokksins.

D-listinn vinnur mann af Besta flokknum í borginni

Stuðningur við Sjálfstæðis-flokkinn í Reykjavík hefur aukist síðustu vikuna, á meðan dregur úr fylgi Samfylkingarinnar og Besta flokksins, samkvæmt skoðanakönnun Fréttablaðsins og Stöðvar 2, sem gerð var í gærkvöldi.

Frumvarp um stjórnarráð kemur eftir helgi

Reyna á að leggja frumvarp um breytingar á stjórnarráði fyrir Alþingi eftir helgi. Frumvarpið var rætt í þingflokkum stjórnarflokkanna í gær, en Vinstri græn frestuðu umræðunni fram á mánudag. Vonir standa til að frumvarpið verði að lögum á þessu þingi og breytingarnar að veruleika um áramótin.

Lagalegir fyrirvarar vefjast fyrir Bretum

Bjartsýnustu menn bjuggust jafnvel við fundi um Icesave-deiluna fyrir helgi, en ljóst er að það gengur ekki eftir. Það var ekki síst vegna aðkomu Svía að málinu að þær vonir vöknuðu. Þeir hafa átt í óformlegum samskiptum við Breta og Hollendinga og vonuðust sjálfir til að þáttaskil yrðu fljótlega í málinu. Sama bjartsýni ríkir ekki í íslenska stjórnkerfinu.

Stöðvuðu útflutning á sjö veikum hrossum

Frá því að vart varð við smitandi hósta í hrossum í byrjun apríl hafa verið flutt út til Evrópu 59 hross í þeim mánuði og 57 hross í maí. 5. maí fóru ellefu hross til Mið-Evrópu, en 8. maí fóru 46 hestar til Norðurlandanna. Sjö hestar voru teknir úr þeim hópi við útflutningsskoðun vegna gruns um sýkingu. Þetta segir Gunnar Örn Guðmundsson héraðsdýralæknir Gullbringu- og Kjósarumdæmis.

Slátruðu nítján lömbum í gámi

Tveir karlmenn og ein kona hafa verið sýknuð af ólögmætri sauðfjárslátrun með því að hafa slátrað lömbum í gámi. Héraðsdómur Vesturlands kvað upp dóminn.

72 milljónir lítra lekið í flóann

Mexíkó, ap Olíuslysið í Mexíkóflóa er það stærsta í sögu Bandaríkjanna. Samkvæmt varlegu mati vísindamanna hafa næstum 72 milljónir lítra af olíu lekið í sjóinn frá því að borpallur brann og sökk í apríl. Útreikningar vísindamanna gefa til kynna að á bilinu 1,9 og 3,8 milljónir lítra af olíu hafa lekið í sjóinn á hverjum degi frá því að slysið varð.

Raðmorðingi vann að doktorsritgerð um morð

Stephen Griffiths, fertugur karlmaður í Yorkshire á Englandi hefur verið ákærður fyrir morð á þremur vændiskonum. Eitt morðið náðist á öryggismyndavél en þar sést Griffiths skjóta ör úr lásboga í höfuð konunnar. Málið hefur vakið mikla athygli í Bretlandi en margt þykir líkt með morðunum nú og þeim sem Peter Sutcliff framdi á sama svæði en hann var kallaður „The Yorkshire Ripper“ af fjölmiðlum.

Þórunn vonar að aðrir hugsi sinn gang

Þórunn Sveinbjarnardóttir þingflokksformaður Samfylkingarinnar segist vonast til að afsögn Steinunnar Valdísar Óskarsdóttur setji þrýsting á stjórnmálamenn í öðrum flokkum.

Hermenn á Jamaica sakaðir um morð á óbreyttum borgurum

Íbúar í Tivoli Gardens, fátækrahverfinu í Kingston á Jamaica sem hafa þurft að búa við kúlnaregn og ofbeldi síðustu daga fullyrða að hermenn og lögregla hafi myrt fjölda óbreyttra og óvopnaðra manna í hverfinu síðustu daga.

Treysti á að fólk dæmi okkur af verkunum

Ármann Kr. Ólafsson, oddviti sjálfstæðismanna í Kópavogi segist treysta því að fólk dæmi flokkinn af verkum sínum á kjördag. Samkvæmt skoðannakönnun Stöðvar 2 og Fréttablaðsins sem greint var frá í kvöldfréttum Stöðvar 2 er meirihluti Sjálfstæðisflokks og framsóknarmanna fallinn í bænum.

Meirihlutinn fallinn í Kópavogi

Meirihlutinn er fallinn í Kópavogi samkvæmt nýrri skoðanakönnun Stöðvar 2 og Fréttablaðsins. Tvö ný framboð ná manni inn á kostnað Samfylkingarinnar og Sjálfstæðisflokksins.

Öflugur skjálfti í Suður Kyrrahafi

Öflugur jarðskjálfti reið yfir í Suður Kyrrahafi undir kvöld. Skjálftinn mældist 7,2 að stærð og var fljóðbylgjuviðvörun gefin út á Salómón eyjum, Vanúatú og í Nýju Kaledóníu. Viðvörunin var afturkölluð skömmu síðar.

Mörður inn fyrir Steinunni Valdísi

Mörður Árnason er fyrsti varaþingmaður Samfylkingarinnar í Reykjavík norður og mun því taka sæti Steinunnar Valdísar Óskarsdóttur sem sagði af sér þingmennsku í dag.

Steinunn Valdís segir af sér þingmennsku

Steinunn Valdís Óskarsdóttir hefur ákveðið að segja af sér sem þingmaður Samfylkingarinnar í Reykjavík.

Stefnt á að hefja hvalveiðar í kringum 17. júní

Hvalur hf. undirbýr nú stórhvelaveiðar sumarsins og var hvalveiðibátur fyrirtækisins, Hvalur 8, tekinn upp í slipp í Reykjavíkurhöfn nú síðdegis til botnhreinsunar.

Þurfum aðstoð ef Hera vinnur

Tilfinningarnar eru blendnar. Þetta segir Páll Magnússon útvarpsstjóri um þá velgengni sem íslenska lagið í Eurovisjón á að fagna í Evrópu. Hann bendir á að Norðmenn hafa varið meira fé til keppninnar en því sem RÚV veltir á ári. Ef Íslands sigraði í keppninni þyrfti að leita samstarfs við önnur lönd.

Braut gegn dóttur sinni og vinkonu hennar

Hæstiréttur staðfesti í dag 10 mánaða fangelsisdóm yfir karlmanni sem ákærður var fyrir kynferðisbrot gangvart dóttur sinni og vinkonu hennar fyrir tveimur árum. Stúlkurnar voru þá 12 ára gamlar.

Hreyfingin gagnrýnir Stöð 2 harðlega

Þingmenn Hreyfingarinnar mótmæla harðlega vinnubrögðum Stöðvar 2 nú í aðdraganda sveitarstjórnarkosninga en stöðin hyggst gera upp á milli framboða í Reykjavík með því að bjóða aðeins sumum framboðum að koma fram í umræðuþætti annað kvöld. Þetta kom fram í tilkynningu frá Hreyfingunni sem hún sendi frá sér fyrr í dag.

Embættismenn ræða Icesave en ekki samninganefndir

Hollendingar og Bretar hafa verið ófáanlegir til þess að setjast við samningaborðið vegna Icesave en kosningar eru nýafstaðnar í báðum löndunum. Þó eru enn þá samskipti í gangi að sögn Steingríms J. Sigfússonar, fjármálaráðherra.

Fréttablaðskössum og lausasölustöðum fjölgar

Breytingar verða gerðar á frídreifingu og lausasölu Fréttablaðsins um næstu mánaðamót. Skilin verða skerpt, þannig að blaðinu er dreift ókeypis í lúgur og svokallaða Fréttablaðskassa á kjarnadreifingarsvæði, en annars staðar verður blaðið selt á kr. 150 eintakið.

Isavia semur við Félag flugmálastarfsmanna

Félag flugmálastarfsmanna ríkisins samþykkti kjarasamning við Isavia / SA sem undirritaður var 7. maí sl. Já sögðu 106 eða 63,10%, nei sögðu 53 eða 31,55% og 9 skiluðu auðu eða 5,36%.

70 ár frá því litlu skipin björguðu Bretlandi

Í maí árið 1940 hafði þýski herinn hrakið á undan sér um 400 þúsund breska hermenn í gegnum Belgíu og Frakkland.

Oddviti L-listans: Bíðum róleg

„Við erum róleg og vitum að að leikurinn er ekki búinn fyrr en dómarinn flautar. Við bíðum því róleg eftir því hvað kemur upp úr kjörkössunum," segir Geir Kristinn Aðalsteinsson sem skipar fyrsta sæti á framboðslista L-listans, lista fólksins, á Akureyri.

Vegagerðin dregur stórlega úr þjónustu

Þar sem fjármagn til viðhalds og þjónustu vegakerfisins verður töluvert minna en á síðustu árum er óhjákvæmilegt annað en að draga úr viðhaldi og sumarþjónustu í ár hjá Vegagerðinni.

Lítið ber í milli í fráveitudeilu Hafnarfjarðar og Garðabæjar

„Garðabær væntir þess að málinu ljúki með sanngjarnri niðurstöðu fyrir báða aðila eins og bærinn leitast jafnan við í samningum við sína viðskiptavini,“ segir í tilkynningu frá bæjarstjórn Garðabæjar vegna deilunnar um fráveituna sem Garðbæingar nýta sér en Hafnfirðingar borga fyrir.

Stefnir í stórsigur L-listans á Akureyri

L-listinn, listi fólksins, vinnur stórsigur í bæjarstjórnarkosningunum á Akureyri á laugardag og fær fimm bæjarfulltrúa af ellefu, samkvæmt könnun Capacent Gallup fyrir fréttamiðilinn Vikudag. Núverandi meirihlutaflokkar mælast með þrjá bæjarfulltrúa.

Frestað að skipa í rannsóknarnefnd Reykjavíkur

Þorleifur Gunnlaugsson, borgarfulltrúi Vinstrihreyfingarinnar græns framboðs, sakar meirihluta borgarstjórnar, um að draga lappirnar í skipun rannsóknarnefndar Reykjavíkurborgar sem á að skoða mál borgarinnar líkt og rannsóknarnefnd Alþingis gerði. Skipa átti í nefndina í dag en þegar hafa 30 einstaklingar sótt um starfið að sögn Þorleifs.

Fékk á sig brotsjó

Björgunarsveitin Sigurvon í Sandgerði og Suðurnes í Reykjanesbæ voru kallaðar út á tólfta tímanum í dag þegar tilkynning barst um að bátur hefði fengið á sig brotsjó og væri að sökkva. Báturinn var þá staddur um þremur sjómílum suðvestur af Garðskaga. Einn maður var um borð.

Noti grímur vegna öskufjúks

Mikið öskufjúk hefur undanfarna daga verið víða í nágrenni Eyjafjallajökuls. Verst var ástandið undir Eyjafjöllum í gær þegar skyggni var um tíma innan við 100 metrar.

Rauða kross námskeið fyrir talibana

Alþjóða Rauði krossinn hefur varið þær gjörðir sínar að halda námskeið í hjálp í viðlögum fyrir talibana í Afganistan. Slík þriggja daga námskeið hafa verið haldin í fjögur ár.

Vill færa réttarhöld nímenningana inn í leikhús

„Við hvetjum bara fólk til þess að mæta og verða vitni af þessu áður en það fer í vinnuna,“ segir Birgitta Jónsdóttir, þingmaður Hreyfingarinnar, um sérkennilegan tíma Héraðsdóms Reykjavíkur á þinghaldi yfir svokölluðum nímenningum sem hafa meðal annars verið ákærðir fyrir að ráðast á Alþingi.

Tilkynnt um reyk hjá Össuri

Slökkviliði höfuðborgarsvæðisins barst skömmu eftir klukkan eitt í dag tilkynning um brunalykt og reyk í húsnæði stoðtækjafyrirtækisins Össurar á Grjóthálsi 5. Dælu- og sjúkrabílar voru sendir á vettvang og slökkviliðsmenn ekki orðið vart við eld.

Réðst á ungling vopnaður hafnaboltakylfu

Fullorðinn karlmaður réðist á táningspilt vopnaður hafnaboltakylfu á leiksvæði á Egilsstöðum um helgina samkvæmt fréttavef Austurgluggans, agl.is. Þar segir að árásin hafi verið kærð til lögreglunnar.

Losna úr farbanni á morgun

Hreiðar Már Sigurðsson, Magnús Guðmundsson, Ingólfur Helgason og Steingrímur Kárason, fyrrverandi stjórnendur hjá Kaupþingi, losna allir úr farbanni á morgun.

Best að ljúka Icesave málinu við samningaborðið

Fjármálaráðherra segir að stjórnvöld muni taka til varna vegna áminningar ESA. Vænlegast sé þó að ljúka Icesave málinu við samningaborðið, ef ásættanleg niðurstaða fáist. Ákveðin áhætta felist í því ef málið fer fyrir EFTA dómstólinn.

Jón birtir svörin á íslensku

Svör sjávarútvegs- og landbúnaðarráðuneytisins við spurningum framkvæmdastjórnar Evrópusambandsins um sjávarútvegsmál í tengslum við aðildarumsókn Íslands að ESB hafa verið þýdd yfir á íslensku í samræmi við ákvörðun Jón Bjarnasonar, sjávarútvegs- og landbúnaðarráðherra.

Framboðsfundur í Hafnarfirði í kvöld

Stjórnmálaflokkarnir sem bjóða fram til bæjarstjórnar í Hafnarfirði boða til sameiginlegs framboðsfundar í Hafnarborg í kvöld. Talsmenn flokkanna verða með framsögu og svara síðan fyrirspurnum áheyrenda í sal.

Aðgerðir gegn akstri utan vega

Umhverfisráðuneytið hefur unnið aðgerðaráætlun gegn akstri utan vega til þriggja ára, undir heitinu Ávallt á vegi. Svandís Svavarsdóttir, umhverfisráðherra, kynnir áætlunina í dag.

Samfylkingin auglýsir mest

Mikill munur er á auglýsingakostnaði stjórnmálaflokkanna vegna sveitarstjórnarkosninganna næstkomandi laugardag. Samfylkingin ver mestu fé en Framsóknarflokkurinn minnstu.