Fékk svar frá forsætisráðherra Dana

„Mér finnst gott að hann svari,“ segir Grímur Atlason, sveitarstjóri í Dalabyggð. Hann fékk í fyrradag svar við tölvupósti sem hann sendi Lars Lökke Rasmussen, forsætisráðherra Danmerkur. Þar gerði hann athugasemdir við yfirlýsingar ráðherrans vegna frétta um meðferð Dana á 22 grænlenskum börnum, sem voru tekin af foreldrum sínum og flutt til Danmerkur á sjötta áratugnum.

Venjulegar skuldir í hendur handrukkara

Handrukkarar eru farnir að banka upp á hjá fólki til að rukka það um skuldir sem stofnað er til með lögmætum hætti. Lögreglan á höfuðborgarsvæðinu hefur tvö slík mál til rannsóknar.

Ekki lengur ehf. ekki lengur til

Ekki lengur ehf. hefur verið tekið til gjaldþrotaskipta en það var gert með úrskurði Héraðsdóms Reykjaness uppkveðnum 21.apríl 2009. Skiptum á búinu var hinsvegar ekki lokið fyrr en 21.september síðast liðinn.

„You ain´t seen nothing yet“

Íslendingar eru djarfir, harðir í horn að taka og áhættusæknir. Þess vegna, meðal annars, hafa útrásarvíkingarnir unnið slíka sigra á erlendri grundu, sagði Ólafur Ragnar Grímsson, forseti Íslands, í ræðu í Lundúnum árið 2005 þar sem hann freistaði þess að útskýra hvað íslenskir athafnamenn hefðu framyfir útlenda.

Ördeyða í útboðum í vegagerð á næsta ári

Engin stór verkefni í vegagerð verða boðin út á næsta ári. Þá eru allar framkvæmdir, sem nefndar eru í stöðugleikasáttmála, ýmist í uppnámi eða óvissu. Vonir um að eitthvað færi í gang nú í haust hafa brugðist.

Lífeyrissjóðirnir svipað öflugir og olíusjóðir Norðmanna

Fjármálaráðherra mælti fyrir mesta kreppu fjárlagafrumvarpi lýðveldistímans á Alþingi í dag þar sem stefnt er að því að minnka hallann á ríkissjóði um hundrað milljarða króna. Ráðherrann segir allar forsendur til að Íslendingar vinni sig út úr vandanum á fjórum árum. Til að mynda séu sjóðir lífeyrissjóðanna svipað öflugir og olíusjóður Norðmanna.

Nær til 90% þjóðarinnar þrátt fyrir breytinguna

Ari Edwald útgáfustjóri Fréttablaðsins og forstjóri 365 segir fríblaðsformið síður en svo vera dautt þrátt fyrir að Fréttablaðið hafi dregið saman seglin í frídreifingu hér á landi. Um næstu mánaðarmót verður blaðinu dreift frítt á höfuðborgar­svæðinu og á suðvesturhorninu, Borgarnesi, Akranesi, Árborg og Reykjanesi, og Akureyri. Á öðrum stöðum mun Fréttablaðið fást í lausasölu á kostnaðarverði.

Komin úr öndunarvél

Konan sem varð fyrir alvarlegri árás í Hörðalandi í Fossvogi gærmorgun er á batavegi. Að sögn vakthafandi lækni á gjörgæsludeild er konan komin úr öndunarvél.

Tveggja ára dómi snúið við í Hæstarétti

Hæstiréttur sýknaði í dag karlmann sem ákærður var fyrir líkamsárás og rán með því að hafa í félagi við óþekktan mann slegið annan mann nokkrum sinnum í andlitið og rænt hann farsíma og seðlaveski sem í voru 100 þúsund krónur. Áður hafði héraðsdómur dæmt manninn í tveggja ára fangelsi og til þess að greiða stefnanda rúmar sjöhundruð þúsund krónur í bætur.

Nauðgaði barnsmóður sinni

Fjölskipaður Hæstiréttur staðfesti í dag dóm Héraðsdóms Suðurlands yfir karlmanni sem í febrúar á þessu ári var dæmdur í í fjögurra og hálfs árs fangelsi fyrir nauðgun og hrottalega líkamsárás gagnvart barnsmóður sinni. Honum var einnig gert að greiða miskabætur að upphæð 662 þúsund krónur.

Konur bannaðar á mótorhjólum

Mótorhjól og skellinöðrur eru þægilegur ferðamáti á þéttbýlli Gaza ströndinni. Góðar til að skjótast á milli bíla og hestvagna.

Forseti ASÍ: Ef þið viljið stríð þá munið þið fá stríð

Gylfi Arnbjörnsson, forseti Alþýðusambands Íslands, telur að launafólk hafi sjaldan eða aldrei staðið frammi fyrir jafn alvarlegri stöðu í efnahags- og atvinnumálum og nú. Hann segir að ef að atvinnurekendur vilji stríð muni þeir fá stríð. Þetta kom fram í ræðu Gylfa á þingi Starfsgreinasambandsins fyrr í dag.

Úrskurði Svandísar stefnt að tekjulágum og atvinnulausum

Bæjarstjórn Reykjanesbæjar mótmælir harðlega úrskurði Svandísar Svavarsdóttur, umhverfisráðherra, um Suðvesturlínu. Að mati bæjarstjórnarinnar er mikilvægri uppbyggingu í atvinnumálum stefnt í tvísýnu með úrskurðinum. Bæjarstjórnin krefst þess að úrskurðurinn verði tafarlaust endurskoðaður því honum sé stefnt gegn tekjulágum og atvinnulausum einstaklingum.

Sex tonn af fornminjum í farangrinum,

Yfirvöld í Íran hafa sakað argentinskan diplomat um stórfelldan þjófnað á verðmætum fornminjum. Tollverðir gerðu ránsfenginn upptækan þegar verið var að undirbúa flutning hans úr landi.

Dagur: Meirihlutinn eykur á veggjakrot

Dagur B. Eggertsson, borgarfulltrúi Samfylkingarinnar, segir að meirihlutinn í Reykjavík auki á veggjakrot. Fjármunir til aðgerða gegn veggjakroti verði skornir niður úr 156 milljónum króna í 61 milljón króna milli áranna 2008 og 2009. Dagur segir að slíkur niðurskurður eigi sér ekki fordæmi í rekstri borgarinnar.

Varað við stormi - björgunarsveitir í viðbragðsstöðu

Gefin hefur verið út viðvörun vegna storms, sunnan og vestan til á landinu, í nótt og á morgun. Af því tilefni vill Slysavarnafélagið Landsbjörg brýna fyrir fólki að gera ráðstafanir svo hægt sé að koma í veg fyrir tjón og óþægindi er vilja fylgja slíkum veðurofsa.

Herta Mueller Nóbelshöfundur

Þýski rithöfundurinn Herta Mueller hlýtur bókmenntaverðlaun Nóbels í ár. Hún er fimmtíu og sex ára gömul, fædd í þýskumælandi hluta Rúmeníu.

Félagsmálaráðherra: Án Icesave verður engin endurreisn

Árni Páll Árnason, félagsmálaráðherra, segir að án samkomulags um Icesave verði engin endurreisn hér á landi og að tafir á framgngi efnahagsáætlunar stjórnvalda valdi sér vonbrigðum. Hann segir samstarfið við Alþjóðagjaldeyrissjóðinn vera til stöðugrar endurskoðunar.

Íranar eru að verða bensínlausir

Sár skortur er á bílabensíni og díselolíu í Íran, einu mesta olíuframleiðsluríki heims. Þótt Íranar framleiði býsnin öll af hráolíu skortir þá hreinsistöðvar til þess að vinna úr henni.

Jóhanna brýnir mikilvægi ESB aðildar fyrir áhorfendum BBC

Það er mjög mikilvægt fyrir íslensku þjóðina að fá samning við Evrópusambandið sem Íslendingar eru sáttir við, sagði Jóhanna Sigurðardóttir forsætisráðherra í samtali við BBC, breska ríkisútvarpið. Jóhanna sagði að það væri jafnframt mikilvægt að fá niðurstöðu í sjávarútvegsmálin sem Íslendingar gætu sætt sig við

Var á bótum í fjóra mánuði - ekkert benti til endurkomubanns

Litháinn Algis Rucanskis var búinn að vera á atvinnuleysisbótum í fjóra mánuði þegar yfirvöld áttuðu sig á því að hann væri hér á landi þrátt fyrir endurkomubann. Að sögn Gissurar Péturssonar, forstjóra Vinnumálastofnunnar, þá sótti Algis um bætur í maí, mánuði eftir að hann rauf endurkomubannið.

Umferðarslysum fækkar og skoðun bifreiða stóreykst

Umferðarslysum hér á landi hefur fækkað um 16,3 prósent á fyrstu sex mánuðum ársins 2009. Ljóst er að töluverð fækkun á sér stað hvað varðar heildarfjölda slasaðra í samanburði við sama tímabil áranna 2008 og 2009 samkvæmt fréttabréfi Umferðarstofu.

Sannfærður um að ESB aðild muni skapa ný atvinnutækifæri

Kristján Gunnarsson, formaður Starfsgreinasambandsins, segist vera sannfærður um að aðild Íslands að Evrópusambandinu muni skapa ný atvinnutækifæri. Hann segir að frjálshyggjutilraun síðustu tveggja áratuga hafi mistekist herfilega og að þjóðin verði áratugi að jafna sig.

Miðbaugsmaddaman neitar sök

Catalina Mikue Ncogo, íslensk kona ættuð frá Miðbaugs-Gíneu, neitaði sök fyrir Héraðsdómi Reykjavíkur í dag en hún hefur verið ákærð fyrir mansal og vændisstarfsemi.

Ferðir frístundastrætós frestast

Frístundastrætó mun ekki aka um Grafarvog fyrr en næsta haust, segir Dorfi Hermannsson varaborgarfulltrúi. Upphaflega var gert ráð fyrir að ferðirnar hæfust í byrjun næsta árs.

Noregsferð Sigmundar og Höskuldar gengur með ágætum

Ferð Sigmundar Davíðs Gunnlaugssonar og Höskuldar Þórhallssonar til Noregs hefur gengið með miklum ágætum. „Gærdagurinn var notaður til að undirbúa fundarhöld dagsins og voru félagar okkar í norska Miðflokknum boðnir og búnir að aðstoða, þrátt fyrir að hafa verið að mynda ríkisstjórn nóttina á undan.“

Dæmdur í endurkomubann og hélt atvinnleysisbótum allan tímann

Litháinn Algis Rucinskis, sem rauf fimm ára endurkomubann fyrir stuttu, var dæmdur í 70 daga fangelsi fyrir brotið í Héraðsdómi Reykjavíkur í hádeginu.

Ísjakar fyrir utan Vestfirði - myndband

Eftirlitsflugvél Landhelgisgæslunnar flug í fyrrakvöld yfir hafsvæðið á milli Íslands og Grænlands og sáust 13 ísjakar út af Vestfjörðum í eftirlitsbúnaði vélarinnar. Þeir ísjakar sem voru næst landi voru 77 sjómílur, eða tæplega 130 kílómetra, vestnorðvestan af Bjargi. Líklegt er að minni ísjakar séu á svæðinu sem geta verið varasamir skipum.

Vígslu vegar frestað vegna veðurs

Vígslu Djúpvegar um Arnkötludal hefur verið frestað vegna veðurs. Til stóð að vígja veginn á morgun en þar sem útlit er fyrir slæmt ferðaveður á vestanverðu landinu á morgun hefur verið ákveðið að vígja veginn næstkomandi miðvikudag. Að því gefnu að veðurguðirnir verði í betra skapi.

Svínaflensan færist í aukana - einn á gjörgæslu

Sóttvarnalæknir segir að H1N1 inflúensan, sem oft er kölluð svínaflensan, sé að færast í aukana á höfuðborgarsvæðinu. Undanfarnir tvær vikur hafa sex verið lagðir inn á spítala vegna flensunnar, þar af tveir á gjörgæsludeild. Búið er að útskrifa annan þeirra þaðan.

Spurt og svarað um aðgerðir vegna skuldavanda heimila

Á upplýsingavefnum Island.is er nú hægt að lesa spurningar og svör þar sem er útskýrt hvað felst í boðuðum aðgerðum stjórnvalda gegn skuldavanda heimilanna sem áætlað er að taki gildi 1. nóvember næstkomandi.

Álfheiður opnaði heimasíðu Krabbameinsfélagsins

Álfheiður Ingadóttir heilbrigðisráðherra opnaði í dag nýja og endurbætta heimasíðu Krabbameinsfélags Íslands að viðstöddum stjórnendum og starfsfólki félagsins. Heimasíðan er mikilvægt tæki fyrir þá sem leita upplýsinga um krabbamein og sem þurfa að nýta sér þjónustu Krabbameinsfélagsins.

Engir friðarsamningar við palestínumenn næstu árin

Utanríkisráðherra Ísraels segir að engir friðarsamningar við palestínumenn séu mögulegir næstu árin.

Slydda og hálka á Reykjanesbrautinni

Slæm færð er nú á Reykjanesbrautinni en um klukkan níu fór að snjóa á svæðinu. Að sögn lögreglunnar á Suðurnesjum hafa engin óhöpp orðið vegna þessa en brýnt er fyrir ökumönnum að fara varlega.

Steingrímur mælti fyrir fjárlagafrumvarpinu

Markmið stöðugleikasáttmálans voru höfð til grundvallar við gerð fjárlagafrumvarpsins fyrir næsta ár, sagði Steingrímur J. Sigfússon fjármálaráðherra. Steingrímur mælti fyrir frumvarpinu við byrjun þingfundar í morgun.

Búið að opna Ólafsfjarðargöng að nýju

Ólafsfjarðargöng voru opnuð aftur í morgun en þeim var lokað í um ellefuleytið í gærkvöld eftir að grjót úr klæðningu féll á veginn. Bifreið var ekið inn í grjóthrúguna en ökumaðurinn slapp sem betur fer ómeiddur. Samkvæmt upplýsingum frá Vegagerðinni þurfti að fjarlægja eitt vörubílshlass af grjóti áður en að göngin voru opnuð.

Brúðkaup aldarinnar í héraðsdómi: Gögnin föst í Dubai

Fyrirtöku vegna skuldamáls Élan production gegn hjónunum Jóni Ásgeiri Jóhannessyni og Ingibjörgu Pálmadóttur var frestað í Héraðsdómi Reykjavíkur í gær. Ástæðan er sú að nauðsynleg gögn var ekki hægt að leggja fram í málinu þar sem þau voru föst í Dubai.

Aldrei fleiri útskrifast úr háskólanámi

Aldrei hafa fleiri nemendur útskrifast af háskólastigi skólaárið 2007 til 2008 en þá útskrifuðust 3588 nemendur með 3611 próf. Konur voru tveir þriðju, eða 66,4%, þeirra sem útskrifuðust með próf á háskólastigi og karlar þriðjungur, 33,6%, útskrifaðra, sem er svipað og verið hefur undanfarin ár. Þetta kemur fram á vef Hagstofu Íslands.

Silvio brattur þrátt fyrir skotleyfi

Silvio Berlusconi forsætisráðherra Ítalíu segir að hann muni halda áfram að stjórna landinu og af enn meiri þrótti, eftir að hæstiréttur landsins svipti hann friðhelgi.

Fyrsti alvöru hauststormurinn

Núna, föstudaginn 9. október, verður austan stormur eða jafnvel ofsaveður sunnanlands og vestan með snörpum vindhviðum allt upp undir 40m/s í námunda við fjöll og háhýsi, þar á meðal í Reykjavík.

Steingrímur mælir fyrir fjárlögum

Fyrsta umræða um fjárlög næsta árs hefst á Alþingi í dag þegar Steingrímur J. Sigfússon, fjármálaráðherra, mælir fyrir frumvarpi þess efnis.

Fundu fíkniefni í bíl við Borgarnes og í húsi á Akureyri

Lögreglumenn í Borgarnesi stöðvuðu í gærkvöldi bifreið á suðurleið rétt norðan við Borgarnes. Tveir menn voru í bílnum, á fertugs- og sextugsaldri og var ökumaðurinn undir áhrifum alls kyns fíkniefna að sögn lögreglu.

Efnahagslegum bata Íslendinga stefnt í hættu

Töfin á endurskoðun Alþjóðagjaldeyrissjóðsins á efnahagsáætlun Íslandinga stefnir efnahagslegum bata Íslendinga í hættu, segir Össur Skarphéðinsson utanríkisráðherra í aðsendri grein sem birtist í breska blaðinu Financial Times í dag.

VG ætlar að halda stjórnarsamstarfinu áfram

Þingflokkur Vinstri grænna er einhuga um að vinna áfram í stjórnarsamstarfi með Samfylkingunni. Þetta varð niðurstaða af löngum þingflokksfundi sem haldinn var í gærkvöld.

Krefjast léttari skattabyrði fyrir lágtekjufólk

Miðstjórn Alþýðusambands Íslands krefst þess að gerðar verði breytingar á fjárlagafrumvarpinu fyrir næsta ár, þar sem staðið verði við fyrirheit um að létta skattbyrði þeirra tekjulægstu og komið verði betur til móts við erfiða greiðslustöðu heimilanna með hækkun barna- og vaxtabóta.