Bestu genin í íslensku konunni

„Við búumst við um 18 keppendum og konurnar koma úr mismunandi áttum," segir Gemma Taylor Magnússon, fyrrum sterkasta kona Bretlands, en hún ásamt eiginmanni sínum, Benedikt Magnússyni, skipuleggur nú keppnina Sterkustu konu Íslands sem fram fer í Vetrargarðinum í Smáralind í október.

Skógar sækja á vegna hlýnunar

Hlýnun jarðar hefur orðið þess valdandi að tré skjóta nú rótum á svæðum þar sem áður var of kalt til að þau gætu þrifist. Þetta er niðurstaða fyrstu rannsóknarinnar sem gerð hefur verið á áhrifum loftslagsbreytinga á trjálínur, ystu mörk þeirra svæða þar sem skógar fást þrifist.

Vandræðaleg samtöl í Kjós

„Sé um vanskil að ræða hefur starfsmaður á skrifstofu hreppsins samband við viðkomandi, en það eru að öllu jöfnu vandræðaleg samskipti,“ segir Sigurbjörn Hjaltason oddviti á heimasíðu Kjósarhrepps um milda innheimtustefnu hreppsins sem byggist á því á að treysta á skilvísi gjaldenda.

Nouri al-Maliki einn á báti

Tveir stærstu flokkar sjía-múslima á Íraksþingi hafa myndað með sér bandalag, ásamt litlum flokkum súnní-múslima, en í andstöðu við Nouri al-Maliki, forsætisráðherra, sem sjálfur er sjía-múslimi og hefur til þessa notið stuðnings flokka sjía á þinginu.

Árni Johnsen: Sigmundur Ernir hefur bara ákveðinn stíl

„Ég fann ekkert athugavert við hann,“ segir Árni Johnsen, þingmaður Sjálfstæðisflokksins á Suðurlandi en hann sat í þingsal og hlustaði á eldræðu Sigmundar Ernis Rúnarssonar á fimmtudagskvöldinu.

Kviknaði í manni eftir rafstuð frá lögreglu

Lögreglan í Ohio kveikti óvart í hinum heimilislausa Daniel Wood á dögunum þegar þeir gáfu honum rafstuð með sérstökum rafbyssum.

Leiðrétting: Þingflokksformaður ræddi sérstaklega við Sigmund

Þingflokksformaður Samfylkingarinnar ræddi sérstaklega við Sigmund Erni Rúnarsson eftir eldræðu mikla sem hann hélt á fimmtudagskvöldinu síðasta. Samtal þeirra var í einrúmi en tilefnið var sérkennilega framganga Sigmundar í sölum Alþingis á fimmtudagskvöldinu síðasta.

Hugsanlega lærbrotinn eftir vélhjólaslys

Fjórir einstaklingar voru fluttir á spítala eftir að vélhjól og bifreið lentu í árekstri á Korpúlfsstaðarvegi í Grafarvogi í kvöld. Atvikið átti sér stað á áttunda tímanum.

Magnús Ármann stendur í ströngu

Í nægu er að snúast hjá Magnúsi Ármann þessa daganna. Kaupþing hefur stefnt honum, sérstakur sakskóknari rannsakar meinta markaðsmisnotkun í viðskiptum sem félag í hans eigu átti auk þess sem ríkisskattstjóri rannsakar greiðslukortanotkun hans.

Hugsanlega í mál við útrásavíkinga og bankastjóra

Fjármálaráðherra segir ekki útilokað að eigendur og stjórnendur gömlu bankanna verði meðal þeirra sem skaðabótamál verði höfðuð gegn, verði sýnt fram á að þeir hafi bakað ríkinu og almenningi tjóni með athöfnum sínum fyrir og eftir bankahrun.

Íslenskir lögreglumenn norðulandameistarar í golfi

Íslenskir lögreglumenn sigruðu norðurlandamót lögreglumanna í Golfi í Danmörku í lok síðustu viku samkvæmt tilkynningu á fréttavef lögreglunnar.

Meintur mannræningi með 500 E-töflur

Maðurinn sem var dæmdur í tíu mánaða fangelsi fyrir að hafa haft undir höndum tæplega 500 E-töflur var handtekinn fyrir stuttu vegna mannráns á Akureyri. Maðurinn heitir Eyþór Helgi Guðmundsson og er tuttugu og fimm ára gamall Akureyringur.

Mannleg mistök gerð við útkall á Herðubreið

Mannleg mistök voru gerð við útkall þegar maður varð bráðkvaddur á Herðubreið síðastliðinn laugardag, segir í tilkynningu frá Landsstjórn Slysavarnarfélagsins Landsbjargar. Farið var út fyrir faglega vinnuferla og misbrestur varð í samskiptum þeirra sem að komu.

Játar ábyrgð á sprengjuhótuninni

Maðurinn sem var handtekinn í gær vegna sprengjuhótunar í Borgarholtsskóla hefur játað að hafa hringt í skólann með hótanir um að sprengju væri þar að finna. Hann er laus úr haldi lögreglu.

Stúdentar ræða við Svandísi um frekari niðurgreiðslu í strætó

Stúdentaráð Háskóla Íslands á í viðræðum við Svandísi Svavarsdóttur, umhverfisráðherra, um frekari niðurgreiðslu á nemakortum í strætó. Sveitarfélögin á höfuðborgarsvæðinu greiða niður hvert nemakort sem framhalds- og háskólanemendur kaupa hjá Strætó bs. um 15 þúsund krónur.

Icesave afgreitt úr fjárlaganefnd

Icesave frumvarpið var afgreitt úr fjárlaganefnd rétt í þessu með stuðningi allra aðila nefndarinnar nema Höskuldar Þórhallssonar, þingmanns Framsóknarflokksins. Samkvæmt heimildum Vísis var samþykktur nýr fyrirvari við ríkisábyrgðina þess efnis að ríkisábyrgð tæki ekki gildi nema að Bretar og Hollendingar samþykktu þá efnahagslegu- og lögfræðilegu fyrirvara sem hefðu þegar verið gerðir.

Dæmdur fyrir vörslu á tæplega 500 E-töflum

Maður var á föstudag dæmdur í tíu mánaða fangelsi fyrir vörslu á 487 E-töflum. Dómurinn var kveðinn upp í héraðsdómi Norðulands. Maðurinn var einnig dæmdur fyrir þjófnað á rakspíraog dömuilmvatni, sem og fyrir vörslu á lítilræði af hassi.

Þótti fagnaðarlætin við heimkomu Lockerbie morðingjans ógeðfelld

Gordon Brown, forsætisráðherra Bretlands, segir að fagnaðarlætin við heimkomu hryðjuverkamannsins Abdulbaset Ali Mohmed al Megrahi til Líbýu hafa verið einkar ógeðfelld. Hingað til hefur Brown farið eins og köttur í kringum heitan graut og ekki fengist til tjá sig um málið.

Fíkniefnamálið er harmsaga

„Þetta er harmsaga sem vindur ofan á sig og það er verið að rembast við að vinda ofan af henni," segir Sigurður Hilmar Ólason. Hann fékk í gær tilkynningu frá Ríkissaksóknara um að fíkniefnamál gegn honum yrði látið niður falla. Sigurður var grunaður um að hafa staðið að innflutningi á umtalsverðu magni af amfetamíni til landsins og sat í gæsluvarðhaldi um þriggja vikna skeið í júní vegna þess.

Barði mann með flösku á Njálsgötu

26 ára karlmaður var í dag dæmdur í fimm mánaða fangelsi í Héraðsdómi Reykjavíkur, fyrir sérstaklega hættulega líkamsárás. Maðurinn barði mann með flösku í höfuðið í fyrrasumar. Dómurinn er skilorðsbundinn.

Umferð mun þyngjast á höfuðborgarsvæðinu

Í ljósi þess að framhaldsskólar á höfuðborgarsvæðinu eru teknir til starfa eftir sumarleyfi má búast við að umferð þyngist á álagstímum. Eru ökumenn beðnir um að hafa þetta í huga og gera ráð fyrir að ferðatími, sérstaklega á morgnana milli klukkan átta og níu, kunni að lengjast frá því sem verið hefur. Í tilkynningu frá lögreglunni kemur fram reynsla síðustu ára hafi sýnt að umferðaróhöppum fjölgi í september, samanborið við mánuðina þar á undan. Til mikils er því að vinna fyrir vegfarendur að aka varlega og þá sérstaklega næstu vikur þegar umferðin kemur til með að aukast mikið og nýir vegfarendur bætast í hópinn.

Lögreglan leitar að eiganda hálsmens

Forláta hálsmen er í vörslu lögreglunnar á höfuðborgarsvæðinu sem nú leitar eiganda þess. Frekari upplýsingar eru veittar í síma 444-1000. Menið er hið glæsilegasta eins og sést á meðfylgjandi mynd.

Tvö innbrot í Vínbúð á skömmum tíma

Innbrotið í Vínbúðina í Skeifunni í nótt er annað innbrotið í verslun Vínbúðanna á skömmum tíma. Í síðustu viku var brotist inn í verslun við Stekkjarbakka og þaðan stolið nokkrum áfengisflöskum, að sögn Sigrúnar Óskar Sigurðardóttur aðstoðarforstjóra Vínbúðanna.

Beaty átti „árangursríkan“ fund við Steingrím

Ross Beaty, forstjóri og aðaleigandi Magma Energy hitti Steingrím J. Sigfússon fjármálaráðherra að máli í morgun. Beaty segir í samtali við fréttastofu að fundurinn hafi verið árangursríkur þó ekki hafi fengist klár niðurstaða. „Við skiptumst á skoðunum og hugmyndum en eigum eftir að ræða betur saman," segir Beaty.

Gleymdu að lýsa fjögurra milljarða króna kröfu í Straum

Lögmannsstofa sem átti að lýsa fjögurra milljarða króna kröfu í Straum fyrir lífeyrissjóðinn Stapa gleymdi að lýsa kröfunni fyrir þann frest sem gefinn var. Nú þarf að leita samþykkis annarra kröfuhafa til að unnt verði að endurheimta einhvern hluta þessarar kröfu, annars tapast fjárhæðin að öllu leyti.

Enn vantar um 70 starfsmenn á frístundaheimilin

Enn vantar um 70 manns til starfa á frístundaheimilum Reykjavíkurborgar. Sótt hefur verið um vistun fyrir hátt í 2900 börn, en það eru öllu fleiri en fjárheimildir gera ráð fyrir en búist var við um 2100 börnum.

Lögreglumenn leiðbeina ekki grunskólabörnum vegna fjárskorts

Lögreglumenn sjást ekki lengur við grunnskólana, fyrstu dagana eftir að skólastarfið hefst, eins og venjan hefur verið til að tryggja öryggi barnanna á meðan þau eru að venjast aðstæðum.

Yfirheyrður í hádeginu vegna sprengjuhótunarinnar

Maðurinn sem var handtekinn í gær vegna sprengjuhótunar í Borgarholtsskóla verður yfirheyrður nú í hádeginu. Hann er grunaður um að hafa hringt í skólann í gær með hótanir um að sprengju væri þar að finna. Skólinn var rýmdur á svipstundu en sprengjuleitarmenn Landhelgisgæslunnar fundu enga sprengju í skólanum, um gabb reynist að ræða.

Borgin niðurgreiðir nemakort í Strætó

Reykjavíkurborg niðurgreiðir í vetur hvert nemakort sem reykvískir framhalds- og háskólanemendur kaupa hjá Strætó bs. um 15 þúsund krónur.

Forsendur kannaðar fyrir málsókn á hendur sökudólgum bankahrunsins

Sérstakur starfshópur verður stofnaður á næstunni til þess að undirbúa hugsanleg skaðabótamál á hendur þeim sem sýnt þykir að valdið hafi ríki og almenningi fjárhagslegu tjóni með athöfnum sínum í bankahruninu og aðdraganda þess. Tillaga þessa efnis var samþykkt á ríkisstjórnarfundi sem haldinn var í morgun.

Lokaumræðan um Icesave á morgun

Fjárlaganefnd Alþingis tókst ekki að ljúka umfjöllun sinni um fyrirvaranna við Icesave frumvarpið á fundi sínum í nótt en nefndin kemur saman á nýjan leik klukkan tvö. Þingflokkarnir funda áður um málið. Guðbjartur Hannesson, formaður fjárlaganefndar, segir að skapist sátt um afgreiðslu málsins í nefndinni verði málið af öllum líkindum tekið til lokaumræðu á morgun.

Stal peningum úr gjaldkerakassa í tvígang

Viðskiptavinur Íslandsbanka í Vestmannaeyjum hefur verið kærður fyrir að stela peningum úr kassa gjaldkera í tvígang. Fyrra brotið komst ekki upp fyrr en einstaklingurinn endurtók leikinn, þremur mánuðum síðar.

Fundu fíkniefni í Grafarholti

Fíkniefni fundust við húsleit í íbúð í Grafarholti eftir hádegi í gær. Um var að ræða um 1,5 kíló af hassi, ríflega 600 grömm af marijúana og kókaín í neysluskömmtum. Að sögn lögreglu voru tveir menn á þrítugsaldri handteknir og yfirheyrðir í tengslum við rannsókn málsins.

Framkvæmdastjóri þingflokksins yfirgefur Valhöll

Árni Helgason framkvæmdastjóri þingflokks Sjálfstæðisflokksins er á förum úr Valhöll. Hann hefur ráðið sig til starfa hjá lögfræðistofunni JS-lögmenn og mun láta af störfum sem framkvæmdastjóri þingflokksins um mánaðarmótin. Árni er lögfræðingur að mennt og hefur starfað fyrir þingflokkinn í rúm tvö ár, eða frá því í júní 2007.

Ákvörðun um risavaxið gagnaver tekin í september

Ákvörðun um hvort að risavaxið gagnaver rísi á Íslandi verður tekin í september. Framkvæmdir geta hafist innan við þremur mánuðum eftir undirritun samkomulags þess efnis en áður þurfa stjórnvöld að tryggja verkefninu orku. Þetta segir forsvarmaður fyrirtækis sem vill reisa gagnaver hér á landi sem samsvarar átta knattspyrnuvöllum að stærð.

Audi kominn í leitirnar - þjófarnir fá fundarlaunin

Audi bifreiðin sem lýst var eftir hér á Vísi í gærdag, er komin í leitirnar. Eigandi bifreiðarinnar hét fundarlaunum fyrir þann sem veitt gæti upplýsingar um bifreiðina. Eigandinn fór krókaleiðir til að finna bílinn.

Málið gegn Sigurði Óla látið niður falla

Ríkissaksóknari hefur látið falla niður mál gegn Sigurði Hilmari Ólasyni sem sat í gæsluvarðhaldi í þrjár vikur í júní grunaður um umfangsmikið fíkniefnasmygl til landsins. Brynjar Níelsson, verjandi Sigurðar, segir að hann hafi fengið bréf frá Ríkissaksóknara þess efnis.

Brown ræðir við Netanyahu

Gordon Brown forsætisráðherra Breta ætlar að hitta Benjamin Netanyahu forsætisráðherra Ísraela í dag til að ræða friðarferlið í Mið-Austurlöndum.

Ísraelar gera loftárás á smyglaragöng

Að minnsta kosti þrír palestínumenn létu lífið í loftárás Ísraela sem gerð var í morgun. Margir eru slasaðir að sögn sjónarvotta en árásin varð gerð á undirgöng sem liggja frá Gaza svæðinu og yfir til Egyptalands. Árásin er gerð í kjölfar þess að eldflaug var skotið á Suður-Ísrael í gær með þeim afleiðingum að einn hermaður slasaðist. Undirgöngin munu hafa verið notuð til að smygla vopnum inn á Gaza.

Legið með Marylin til eilífðarnóns

Fyrir 590 milljónir króna getur maður legið fyrir ofan Marylin Monroe til eilífðarnóns. Kynbomban Marylin Monroe er grafin í Westwood kirkjugarðinum í Los Angeles í eins konar grafhýsi þar sem kistum hinna látnu er komið fyrir í skápum hver ofan á annari.

Fylgi Verkamannaflokksins í sögulegu lágmarki

Breski íhaldsflokkurinn hefur sextán prósenta forystu á Verkamannaflokk Gordons Brown ef marka má nýja skoðanakönnunn sem birt er í dagblaðinu Guardian í dag. 41 prósent kjósenda segist ætla að kjósa íhaldsmenn í næstu kosningum en aðeins 25 prósent Verkamannaflokkinn.

Tóbaksrisi dæmdur til að greiða skaðabætur

Kviðdómur í Bandaríkjunum hefur dæmt tóbaksrisann Philp Morris til þess að greiða dóttur konu sem sem lést úr lungnakrabba af völdum reykinga tæpar 14 milljónir dollara í skaðabætur. Það samsvarar tæpum tveimur milljörðum íslenskra króna.

Sérstakur saksóknari skipaður vegna yfirheyrsluaðferða CIA

Bandaríkjamenn hafa skipað sérstakan saksóknara sem ætlað er að rannsaka ásakanir þess efnis að leyniþjónustan CIA hafi níðst á mönnum sem grunaðir voru um hryðjuverk. Skipun saksóknarans, Johns Durham, kemur í kjölfar þess að skýrsla sem varpar ljósi á afar óhefðbundnar yfirheyrsluaðferðir leyniþjónustunnar var gerð opinber.

Stálu tveimur ginflöskum í Skeifunni

Tveir menn brutu rúðu í áfengisversluninni í Skeifunni rétt fyrir klukkan fjögur í nótt og fór annar þeirra inn í verslunina og stal þaðan tveimur ginflöskum.

Geimskoti frestað vegna veðurs

Bandaríska geimferðastofnunin frestaði í morgun flugtaki geimferjunnar Discovery vegna slæms veðurs á Canaveral höfða í Flórída. Næsta tækifæri til geimskots er eftir sólarhring. Ferjan á að fara með sjö manna áhöfn í þrettán daga ferð til alþjóðlegu geimstöðvarinnar með vistir og varahluti. Auk hinna mennsku geimfara verða nokkrar mýs með í för, sem nota á til rannsókna á þéttleika beina.