Barði mann með flösku á Njálsgötu

26 ára karlmaður var í dag dæmdur í fimm mánaða fangelsi í Héraðsdómi Reykjavíkur, fyrir sérstaklega hættulega líkamsárás. Dómurinn er skilorðsbundinn.

Maðurinn er dæmdur fyrir að hafa slegið 23 ára pilt í höfuðið að morgni laugardagsins 9. júní 2008. Atvikið átti sér stað á Njálsgötu við Vitastíg. Hinn ákærði játaði skýlaust brot sitt. Þótti því sannað að maðurinn hefði framið brotið.

Í því ljósi og með hliðsjón af sakarefni málsins var refsing hans ákveðin fangelsi í 5 mánuði. Fullnustu refsingar verður þó frestað, haldi maðurinn almennt skilorð.

Það var Símon Sigvaldason sem kvað upp dóminn.