Innlent

Tvö innbrot í Vínbúð á skömmum tíma

Jón Hákon Halldórsson skrifar
Brotist var inn í Vínbúðina í Stekkjarbakka í síðustu viku. Mynd/ Anton Brink.
Brotist var inn í Vínbúðina í Stekkjarbakka í síðustu viku. Mynd/ Anton Brink.
Innbrotið í Vínbúðina í Skeifunni í nótt er annað innbrotið í verslun Vínbúðanna á skömmum tíma. Í síðustu viku var brotist inn í verslun við Stekkjarbakka og þaðan stolið nokkrum áfengisflöskum, að sögn Sigrúnar Óskar Sigurðardóttur aðstoðarforstjóra Vínbúðanna.

Vegsummerki eftir innbrotin voru með svipuðum hætti í báðum tilfellum. Brotin var rúða í verslununum og vínflöskur hirtar úr hillum. Sigrún Ósk segir að blessunarlega hafi Vínbúðin verið laus við slík innbrot í langan tíma enda sé öryggiskerfið í verslununum gott.



Mest lesið


Fleiri fréttir

Sjá meira


×

Mest lesið