Þyrla Landhelgisgæslunnar sækir slasaðan ökumann

Þyrla Landhelgisgæslunnar, TF Gná, var kölluð út laust fyrir klukkan sex í kvöld til að ná í slasaðan ökumann til Breiðdalsvíkur. Maðurinn slasaðist í bílslysi í Berufirði.

Einkavæðing leikskóla ekki lausn á manneklu

Einkavæðing leikskóla er ekki lausn á núverandi manneklu að mati Sigrúnar Elsu Smáradóttur, borgarfulltrúa og fulltrúa Samfylkingarinnar í leikskólaráði Reykjavíkur. Hún gagnrýnir ummæli formanns leikskólaráðs sem segist vilja kanna einkarekstur til að draga úr manneklu.

Seinheppinn þjófur brýst inn í karateskóla

Kólumbískur þjófur í Santander héraðinu skammt frá höfuðborginni Bogota hefði eflaust geta fundið betri stað til að ræna en karateskóla. Nemendur skólans voru ekki lengi að afvopna þjófinn sem nú liggur illa slasaður á spítala eftir hina misheppnuðu ránsferð.

Mörg umferðaróhöpp í höfuðborginni

Óvenju mörg umferðaróhöpp urðu á höfuðborgarsvæðinu í dag milli klukkan þrjú og sjö síðdegis. Að sögn lögreglu var í öllum tilvikum um að ræða minniháttar slys.

Fundu þrjú grömm af hassi í bifreið

Lögreglan á Blöndósi lagði í dag hald á um þrjú grömm af hassi en efnin fundust í bifreið tveggja ungmenna. Að sögn lögreglu var bíllinn stöðvaður við reglubundið eftirlit. Fólkið þótti hins vegar grunsamlegt og var ákveðið að láta fíkniefnahund leita í bifreiðinni.

Keyrt á ölvaðan reiðhjólamann

Keyrt var á reiðhjólamann í Lækjargötu laust eftir klukkan sjö í dag. Maðurinn, sem er á sextugsaldri, slasaðist ekki en við nánari skoðun kom í ljós að hann var ölvaður.

Segir frekari hryðjuverkaárásir á Bandaríkin mögulegar

Bandaríkjamönnum hefur enn ekki tekist að koma veg fyrir að hægt sé að gera hryðjuverkaárás þar í landi. Þetta kemur fram í ræðu Osama bin Laden, leiðtoga Al Kaída samtakanna, í myndbandi sem gert var í tilefni af því að sex ár eru liðin frá árásinni á tvíburaturnana í New York. Sérfræðingum hefur ekki tekist að sannreyna að myndbandið sé nýtt.

Vistaskipti í utanríkisráðuneytinu

Þórir Ibsen, skrifstofustjóri auðlinda- og umhverfisskrifstofu, og Jón Egill Egilsson, skrifstofustjóri varnarmálaskrifstofu, munu hafa hlutverkaskipti í næst viku. Þetta kemur fram í tilkynningu frá utanríkisráðuneytinu.

Háskólanám hafið á Sólheimum í Grímsnesi

Háskólanám hófst í dag á Sólheimum í Grímsnesi. Á meðan hinn landskunni Reynir Pétur Ingvarsson sýslar við lífrænt ræktaðar tómatplöntur leggja bandarískir háskólastúdentar stund á nám í umhverfisfræðum á Sólheimum.

Á annan tug kvenna of feitar fyrir tæknifrjóvgun hjá Art Medica

Á annan tug kvenna getur ekki farið í tæknifrjóvgun hjá Art Medica á ári hverju vegna ofþyngdar. Læknar þar segja of feitar konur vera í meiri hættu að fá sjúkdóma á meðgöngu og auknar líkur séu á fæðingargöllum.

Bæjarins beztu 70 ára og pylsan á 20 kall um helgina

Elsti veitingastaður landsins, Bæjarins beztu, er 70 ára í dag. Í tilefni afmælisins fæst pylsan og kókið á 20 krónur um helgina, laugardag og sunnudag. Öll velta helgarinnar fer til stuðnings Konukoti.

Jafnlaunastefna KÍ úrelt

Formaður leikskólaráðs Reykjavíkur efast um að opinbert kerfi leikskóla þrífist í markaðsdrifnu hagkerfi Íslands. Hún segir jafnlaunastefnu Kennarasambandsins úrelta í þjóðfélaginu í dag.

Eðlilegt að ráða erlenda flugmenn til starfa

Flug Icelandair gæti raskast um helgina vegna kjaradeilu við íslenska flugmenn. Forstjóri félagsins segir fullkomlega eðlilegt að ráða erlenda flugmenn til starfa hjá fyrirtækjum sem félagið rekur út í heimi, íslenskir flugmenn hafi ekki forgang að þeim störfum.

Astrópía valtar yfir Bourne Ultimatum

Aðsókn á kvikmyndina Astrópíu hefur vakið athygli langt út fyrir landsteinana. Fjallað er um málið í nýjasta tölublaði bandaríska kvikmyndablaðsins Screen International. Þar þykir það eftirtektarvert að á sama tíma og aðsókn á stórmyndina Bourne Ultimatum dregst saman hérlendis eykst aðsókn á Astrópíu.

Samson fjárfestir fyrir milljarða í miðborginni

Samson Properties hefur fjárfest í húseignum á Laugavegi og nágrenni hans fyrir um tíu milljarða króna. Félagið hyggur á mikla uppbyggingu í miðborginni.

Vilja rannsóknarnefnd um Gjástykki

Fulltrúar þrennra náttúruverndarsamtaka kröfðust þess á fundum tveggja þingnefnda í dag að Alþingi skipaði sérstaka rannsóknarnefnd til kafa ofan í ákvörðun fyrrverandi iðnaðarráðherra að veita Landsvirkjun rannsóknarleyfi í Gjástykki tveimur dögum fyrir síðustu þingkosningar.

Móðir Madeleine grunuð

Lögreglurannsókn í Portúgal vegna hvarfs breskrar stúlku síðastliðið vor beinist nú að foreldrum stúlkunnar. Móðir Madeleine McCann fékk í dag stöðu grunaðrar hjá yfirvöldum í Portúgal og verið er að yfirheyra föðurinn.

Orka Þjórsár boðin öðrum til kaups

Forgangur Alcan í Straumsvík að orku Þjórsárvirkjana er úr sögunni og hefur Landsvirkjun þegar hafið viðræður við önnur fyrirtæki. Ekki er þó búið að loka á Alcan.

Fyrstu etanólbílarnir komnir til Íslands

Nú eru komnir til landsins þrír bílar, einn Saab og tveir Volvoar, sem eru knúðir af etanólblöndu. Etanól er umhverfisvænt eldsneyti, tiltölulega ódýrt og auðvelt í dreifingu.

Ósanngjörn, óþolandi og ómálefnaleg gagnrýni

Gagnrýni Afls, starfsgreinasambands, á þann frest sem Vinnumálastofnun veitti verktökum á Kárahnjúkasvæðinu í gær er ósanngjörn, ómálefnaleg og óþolandi að mati forstjóra stofnunarinnar. Hann segir gagnrýni starfgreinasambandsins fara langt út fyrir öll mörk og varla sé mark takandi á henni.

Einhliða upptaka ekki sniðug

Einhliða upptaka evru nú gæti leitt til atvinnuleysis segir framkvæmdastjóri ASÍ. Hann telur skynsamlegast að Ísland gangi í Evrópusambandið í framtíðinni.

Hvetja fólk til að velja annan ferðatíma á morgnana

Ökumenn á höfuðborgarsvæðinu eru hvattir til að velja annan ferðatíma á morgnana til vinnu eigi þeir þess kost til að draga úr umferðarþunga. Þetta kemur fram í frétt frá framkvæmdasviði Reykjavíkurborgar. Aðstoðarsviðsstjóri segir ekki hægt að hanna gatnakerfi sem getur annað þeim umferðarþunga sem verður þegar allir leggja af stað á sama tíma.

Ráðherra hafði heimild til að veita rannsóknarleyfi

Formaður iðnarðarnefndar segir að Jóni Sigurðssyni, fyrrverandi iðnaðarráðherra, hafi verið heimilt að veita Landsvirkjun rannsóknarleyfi við Gjástykki skömmu fyrir kosningar í vor. Hún telur samt að snyrtilegra hefði verið að leita aftur umsagnar hjá stofnunum, en Landsvirkjun sótti um leyfi til rannsókna á staðnum fyrir um þremur árum.

Ráðherrabílaflotinn metinn á 90 milljónir

Ráðuneyti Stjórnarráðsins hefur á að skipa fríðum flota bifreiða. Samkvæmt upplýsingum úr fjármálaráðuneytinu er bifreiðar í eigu ráðuneytana 26 talsins. Lauslega áætlað má ætla að bílarnir séu metnir á um 90 milljónir króna.

Landspítalinn hefur ekki efni á Morgunblaðinu

Landspítalinn hefur ekki efni á áskrift af Morgunblaðinu. Þetta leiddu eins og hálfs árs samningaviðræður Finns Thorlacius yfirmanns dreifingardeildar Morgunblaðsins við heilbrigðisráðuneytið og stjórnendur Landspítalans í ljós. Finnur segir að Morgunblaðið hafi af miklu örlæti gefið spítalanum blaðið í mörg ár.

Rússaflug ógnar farþegaflugi

Rússnesku sprengjuflugvélarnar sem nú sveima í vaxandi mæli yfir Norður-Atlantshafi tilkynna aldrei um ferðir sínar og skapa því vissa hættu fyrir borgaralegt flug. Flugumferðarstjórar senda farþegavélum þær upplýsingar sem þeir hafa um Rússana og breyta stefnu og flughæð farþegavélanna ef þörf krefur. Rússar eru þeir einu sem senda herflugvélar af stað án þess að tilkynna um þær.

Náfrændi Björgólfs ekki ráðinn til Eimskips í gegnum klíku

Eimskip réð Guðmund Davíðsson forstjóra yfir starfsemi félagsins á Íslandi. Guðmundur er bróðursonur Björgólfs Guðmundssonar, en félag í hans eigu á 33,15% í Eimskip. Hann neitar því að hafa verið ráðinn í gegnum klíku. Ásgeir Friðgeirsson talsmaður Björgólfs segir Guðmund njóta stuðnings meirihluta eigenda Eimskips.

Boðar átak gegn svikafyrirtækjum

Félagsmálaráðneytið hefur óskað eftir því við ASÍ að sambandið komi að eftirlitsátaki og hertum aðgerðum Vinnumálastofnunar vegna fyrirtækja sem ekki hafa skráð erlenda starfsmenn hér á landi og upplýst um réttindi þeirra. Forsvarsmenn AFLs Starfsgreinafélags undirbúa aðgerðir vegna seinagangs stjórnvalda í málinu.

Ákærður fyrir árás á mann á sjötugsaldri

Átján ára gamall piltur hefur verið ákærður fyrir líkamsárás á 63 ára gamlan karlmann. Pilturinn er sagður hafa ráðist að manninum þar sem hann sat í bifreið sinni. Margsinnis slegið hann hnefahöggum í andlit og í líkama og sparkað í hann.

Segja oddvita hreppsnefndar ekki mæla fyrir hönd meirihlutans

Fulltrúar Sólar á Suðurlandi, sem berjast gegn virkjunum í neðri hluta Þjórsár, mótmæla þeim orðum oddvita Skeiða- og Gnúpverjahrepps í sjónvarpi í vikunni að meirihluti heimamanna sé hlynntur Holta- og Hvammsvirkjunum og að ekki séu neinar sérstakar náttúruperlur í sveitinni.

Sýknaðir af ákæru um íkveikju á Stokkseyri

Héraðsdómur Suðurlands sýknaði í dag tvo menn af ákæru um að hafa lagt á ráðin um að kveikja í verslunarhúsi á Stokkseyri. Segir dómurinn að þrátt fyrir að frásögn mannanna sé með ólíkindablæ sé ekki hægt að útiloka að aðrir hafi verið þar að verki.

Vörn í estrógeni

Brottnám eggjastokka getur aukið líkur á taugasjúkdómnum Parkinson og valdið minnistruflunum hjá konum, sérstaklega ef aðgerðin er framkvæmd fyrir tíðahvörf. Þá er talið að áhættan aukist um helming hjá ungum konum. Þetta kemur fram í rannsókn sem birt var í tímaritinu Neurology Journal og byggir á viðtölum við þúsundir kvenna sem höfðu farið í slíka aðgerð fyrir að meðaltali 27 árum.

Kýldur í andlitið fyrir utan Prikið

Nítján ára karlmaður hefur verið ákærður fyrir að kýla 22 ára mann einu hnefahöggi í andlitið fyrir utan skemmtistaðinn Prikið þann 10. september á síðasta ári. Þolandinn hlaut kjálkabrot auk þess sem tennur brotnuðu.

Við erum plötuð í stórmörkuðum

Heldur þú að þú vitir hvað þú kaupir þegar þú ferð út í búð ? Onei. Háskólaprófessor við Verslunarháskólann í Stokkhólmi segir að stórmarkaðir geti haft 70 prósent stjórn á því hvað fólk kaupir inn. Þegar um er að ræða einstakar vörur geta markaðirnir aukið sölu á þeim um 1000 prósent með því að stilla þeim rétt upp. Jens Nordfält prófessur hefur gert lista yfir nokkur brögð sem viðskiptavinirnir eru beittir.

Nikulás Úlfar nýr forstöðumaður húsafriðunarnefndar

Þorgerður Katrín Gunnarsdóttir menntamálaráðherra hefur skipað Nikulás Úlfar Másson arkitekt í embætti forstöðumanns húsafriðunarnefndar ríkisins til fimm ára frá og með 1. nóvember næstkomandi. Hann tekur við af Magnúsi Skúlasyni.

Kannar ástæður þess að lögreglumenn hafa sagt upp

Ríkislögreglustjóri hefur ákveðið að gera ítarlega athugun á ástæðum þess að lögreglumenn hafa sagt upp á undanförnum fimm árum en eins og fram hefur komið hefur verið skortur á faglærðum lögreglumönnum að undanförnu.

Ákærður fyrir að kýla mann og taka hann hálstaki

Tuttugu og fjögurra ára karlmaður hefur verið ákærður fyrir líkamsárás. Honum er gefið að sök að hafa að morgni sunnudagsins 4. febrúar 2007, í Suðurholti 1 í Hafnarfirði, veist að 37 ára gömlum erlendum karlmanni.

Nítján létust í sprengjuárás í Alsír

Nítján létust og 107 særðust í sjálfsmorðssprengjutilræði í Alsír í morgun. Sprengingin varð í bænum Batna, um 450 kílómetra frá höfuðborginni Alsír. Árásarmaðurinn sprengdi sig í loft í stórum hópi fólks sem beið þess að bílalest forseta landins, Abdelaziz Bouteflika, færi hjá.

Nemendafjöldi tvöfaldast í Hjallaskólum á einu ári

Nemendafjöldi í Hjallaskólum hefur tvöfaldast á milli ára samkvæmt ársreikningi Hjallastefnunnar. Veltan jókst verulega.

Vill gera friðarsamning við Norður-Kóreu

Bush Bandaríkjaforseti sagðist í dag reiðubúinn að gera friðarsamning við Norður-Kóreu, gegn því að Norður-Kóreumenn gæfust endanlega upp á að framleiða kjarnorkuvopn.

Gera kröfu um rannsóknarnefnd vegna Gjástykkis

Þrenn náttúruverndarsamtök kröfðust þess á fundi umhverfisnefndar Alþingis í morgun að þingið skipaði rannsóknarnefnd um hvernig staðið var að útgáfu rannsóknarleyfis til Landsvirkjunar vegna Gjástykkis tveimur dögum fyrir kosningarnar í vor. Iðnaðarnefnd Alþingis mun einnig fjalla um málið í dag.

Ástand olíustöðvarinnar í Hvalfirði óljóst

Olíudreifing hefur áhuga á olíubirgðastöðinni í Hvalfirði en fyrirtækið hefur ekki lagt fram tilboð. Framkvæmdastjóri fyrirtækisins segir að enn sé mörgum spurningum ósvarað hvað varðar ástand stöðvarinnar. Sögursagnir eru um að tankarnir hafi verið fylltir af sjó.

Sveitarfélögin taki á fortíðarvanda Strætós

Tap Strætós byggðasamlags var um 80 milljónir króna á fyrri helmingi þessa árs samkvæmt árshlutareikningi sem stjórn fyrirtækisins samþykkti í síðustu viku. Um töluverðan bata í rekstri er að ræða á milli ára því tapið á fyrri helmingi síðasta árs var 395 milljónir. Byggðasamlagið glímir hins vegar við uppsafnaðan rekstarvanda upp á 650 milljónir og hefur stjórn þess leitað eftir því að sveitarfélögin leysi þann vanda.

Skoða evruna fordómalaust

Það á að skoða einhliða upptöku evru fordómalaust, segir stjórnarformaður Kaupþings, sem telur það vel gerlegt og hreint ekki sprenghlægilegt eins og fyrrverandi forsætisráðherra og núverandi seðlabankastjóra, Davíð Oddssyni.

Pókerspilarar vonast eftir Bermúdaskál

„Við vonum að sjálfsögðu að við fáum aðra Bermúdaskál til landsins,“ segir Davíð Hansson formaður Pókersambands Íslands en íslenska liðið á heimsbikarmótinu í póker í Barcelona náði í fjögurra liða úrslitin á mótinu. Hefst spilamennska í úrslitunum kl. 16.30 í dag. Hin liðin þrjú eru Rúmenía, Kanada og Bandaríkin.