Höfðað til yngri leikhúsgesta á Akureyri

Dagskrá Leikfélags Akureyrar verður viðameiri í vetur en nokkru sinni, segir leikhússtjórinn. Áfram verður unnið eftir þeirri stefnu að höfða til yngri leikhúsgesta og verður fyrsta frumsýning vetrarins á fjölskylduleikritinu Óvitar!

1400 nýnemar í grunnskólum Reykjavíkur

Skólahald í grunnskólum borgarinnar hófst í dag. Rúmlega 14700 börn eru skráð í grunnskólana í vetur og rúm fjórtán hundruð börn hefja sína skólagöngu í fyrsta sinn.

Slapp lítið slasaður úr flugslysi

Tvítugur Kanadamaður vann frækilegt afrek þegar hann bjargaði Íslendingi og kanadískri konu úr flaki flugvélarinnar sem hrapaði í Kanada á laugardaginn. Faðir Íslendingsins segir hann hafa sloppið vel. Annar Íslendingur fórst í slysinu en hann flaug flugvélinni.

Hefur ekki mikil áhrif á arðsemi virkjunarinnar

Friðrik Sophusson, forstjóri Landsvirkjunar, segir að matið á vatnsréttindum landeigenda við Jökulsdal og Fljótsdal hafi ekki mikil áhrif á arðsemi Kárahnjúkavirkjunar. „Þetta mat upp á 1,6 milljarða króna er að vísu umtalsvert hærra en þær tæpu 400 milljónir króna sem við gerðum ráð fyrir í okkar áætlunum," segir Friðrik.

Mun erfiðara að eignast fyrstu íbúð eftir innreið banka á fasteignamarkað

Mun erfiðara er fyrir fólk að eignast sína fyrstu íbúð núna en fyrir þremur árum þegar bankarnir héldu innreið sína á íbúðalánamarkaðinn.

Slasaðist í bílveltu í Vatnsdal

Einn var fluttur á sjúkrahús eftir að Ford Taurus bifreið valt út í skurð við Þrístapa í Vatnsdal rétt fyrir miðnætti í gær. Samkvæmt upplýsingum frá lögreglunni á Blönduósi missti ökumaður stjórn á bílnum með þeim afleiðingum að hann fór utan vegar.

Þingmenn vilja ekki í fíkniefnapróf

Þingmenn á serbneska þinginu deila nú hart um tillögu þessa efnis að þingmönnum verði framvegis gert skylt að fara í fíkniefnapróf. Stjórnarandstaðan segir tillöguna vera móðgandi.

Ratsjárstöðvum verði stýrt frá Bolafjalli í stað Miðnesheiðar

Bæjarráð Bolungarvíkur samþykkti bókun á fundi sínum í dag þar sem lögð er áhersla á að stöfum fækki ekki í Bolungarvík í tengslum við uppsagnir starfsmanna Ratstjárstofnunar. Þá óskar bæjarráð eftir því að skoðað verði hvort mögulegt geti verið að öðrum ratsjárstöðvum á Íslandi verði fjarstýrt frá Bolafjalli í stað Miðnesheiðar.

Slasaðist eftir árekstur í miðborginni

Ökumaður bifreiðar var fluttur á slysadeild Landspítala-Háskólasjúkrahúss eftir að tveir bílar rákust saman. Slysið varð á gatnamótum Austurstrætis og Pósthússtrætis um 10 leytið í morgun. Að sögn sjúkraflutningamanna voru meiðsl mannsins minniháttar. Nokkurn tíma tók að hreinsa upp olíu og frostlög sem lak úr bílunum eftir áreksturinn.

Eru öll vatnsréttindi landsins 15 milljarða kr. virði spyr landeigandi

„Ég veit ekki hvort á að hlæja eða gráta. Þessir menn eru með óráði," segir Jakob Bjarnar Grétarsson blaðamaður en hann er einn fjölmargra landeigenda við Jökulsá á Dal. Og Jakob spyr hvort þessi niðurstaða sýni að öll vatnsaflsréttindi landsins séu aðeins 15 milljarða kr. virði?

Átján stiga hiti á Hallormsstað í morgun

Átján stiga hiti mældist klukkan níu á morgun í Hallormsstað á Austurlandi og á Skjaldþingsstöðum við Vopnafjörð var hitinn kominn í rúmar 17 gráður klukkan níu

Lögreglan í Kaupmannhöfn ræðst gegn fíkniefnasölum í Kristjaníu

Fjölmenn liðsveit frá lögreglunni í Kaupmannahöfn kom sér fyrir á götum Kristjaníu í morgun. Aðgerðir lögreglu beinast fyrst og fremst að sölu ólöglegra fíkniefna á svæðinu.

Biskup þegir í bili um könnun presta

Herra Karl Sigurbjörnsson, biskup Íslands, mun að líkindum ekki tjá sig um niðurstöðu nýrrar viðhorfskönnunar meðal presta um heimild til að staðfesta samvist samkynhneigðra, að minnsta kosti ekki meðan kenningarnefnd Þjóðkirkjunnar fjallar um málið.

Stálu bílum og tölvubúnaði fyrir milljónir króna

Tveir 25 ára gamlir menn hafa verið ákærðir fyrir stórfelld og ítrekuð hegningarlagabrot. Ákærulistinn er langur. Mennirnir eru meðal annars sakaðir um að hafa stolið bílum og tölvubúnaði fyrir milljónir króna. Einnig eru þeir ákærðir fyrir fjölmörg innbrot, lyfjaakstur og umferðarlagabrot. Málið var þingfest í Héraðsdómi Reykjavíkur í gær.

Hörð átök milli stúdenta og lögreglu í Bangladesh

Einn maður lét lífið og yfir þrjú hundruð særðust í átökum sem brutust út milli lögreglu og stúdenta í borginni Dhaka í Bangladesh í morgun. Mótmælin hófust á mánudaginn þegar hermenn réðust á stúdenta sem voru að mótmæla veru þeirra á háskólalóðinni.

Bóndi á Jökuldal segir matið hreinan dónaskap

Vilhjálmur Snædal, bóndi á Skjöldólfsstöðum á Jökuldal, segir að niðurstaða matsnefndarinnar á vatnsréttindum í tengslum við Kárahnjúkavirkjun sé hreinn dónaskapur í garð landeigenda. „Það er eins og þeir hafi tekið Blöndusamninginn og framreiknað hann," segir Vilhjálmur. Þórður Bogason, lögmaður Landsvirkjunnar, segir að þarna sé um hærri upphæðir að ræða fyrir vatnsréttindi en áður hafa þekkst.

Konur hafa bleik gen

Ný rannsókn hefur leitt í ljós að ást á bleika litnum er í genum kvenna. Anya Hurlbert sem er prófessor við háskólann í Newcastle telur að það megi rekja til aftur til steinaldar þegar mannskepnan lifði á veiðum og tínslu. Karlmennirnir veiddu dýr en konurnar tíndu ávexti og annan jarðargróður í matinn.

Kona deyr af völdum fuglaflensu í Indónesíu

Heilbrigðisyfirvöld í Indónesíu hafa staðfest að kona sem lést á spítala á eyjunni Bali í gærmorgun hafi látist af völdum H5N1 veirunnar sem veldur fuglaflensu. Konan, sem verslaði með fuglakjöt, var aðeins 28 ára gömul.

Sérálit um vatnsréttindin upp á 10 milljarða kr.

Matsnefnd sú sem skipuð var til að meta vatnsréttindin sem tapast á Jökuldal og efrihluta Fljótsdals vegna Kárahnjúkavirkjunnar telur þau nema um 1,6 milljörðum kr. Greint var frá þessu á Egilsstöðum nú fyrir nokkrum mínútum að viðstöddum lögmönnum Landsvirkjunnar og landeigenda. Einn nefndarmanna skilaði séráliti þar sem réttindin eru metin á 10 milljarða kr.

Hannar töskur úr fiskiroði

Ágústa Margrét Arnardóttir hannar töskur úr íslensku fiskiroði og leðri. Hún var lengi til sjós en hefur lagt sjógallan á hilluna og meðhöndlar nú fiskinn á annan hátt. Brynja Dögg Friðriksdóttir heimsótti Ágústu á Djúpavog.

Kolbrún Halldórsdóttir undirbýr frumvarp um hjónavígslur samkynhneigðra

Kolbrún Halldórsdóttir, þingmaður VG, hyggst leggja fram frumvarp sem heimilar hjónavígslur samkynhneigðra. Þetta sagði Kolbrún í samtali við Vísi í kvöld. Hún fagnar því hve margir prestar eru hlynntir því að heimila staðfesta sambúð fólks af sama kyni.

Nýtt fangelsi á Akureyri

Nýtt fangelsi verður tekið í notkun á Akureyri innan tíðar. Þar verður stórbættur aðbúnaður, enda gamla fangelsið barn síns tíma. Vinna við nýja fangelsið á Akureyri gengur vel og þá er verið að stækka fangelsið á Kvíabryggju. Ekki er allt upptalið því fyrirhuguð er enduruppbygging á Litla hrauni og nýtt fangelsi fyrirhugað á höfuðborgarsvæðinu.

Styrktarsjóður Baugs úthlutaði rúmum 38 milljónum í dag

Í dag var 45 aðilum úthlutað 38,4 milljónum króna úr Styrktarsjóði Baugs Group. Jóhannes Jónsson og Ingibjörg S. Pálmadóttir afhentu styrkina fyrir hönd sjóðsins en auk þess er vert að geta þess að styrkþegarnir Hljómsveitin Bertel og meðlimir úr Stórsveit Samúels Jóns Samúelssonar stigu á stokk og fluttu nokkur lög.

Dregur úr styrk Deans

Fellibylurinn Dean skall á Júkatan skaga í Mexíkó í dag. Heldur dró úr veðurofsanum þegar bylurinn fór yfir land en óttast að hann sæki í sig veðrið þegar hann fer yfir Mexíkóflóa.

Deilan harðnar um Grímseyjarferju

Deila ríkisendurskoðanda og fjármálaráðherra vegna heimilda Vegagerðarinnar til kaupa og endurbyggingar á nýrri Grímseyjarferju harnaði í dag þegar báðir aðilar sendu frá sér yfirlýsingar og sökuðu hvorn annan um skilja ekki fjárlög né önnur lög.

65% þjóðkirkjupresta hlynnt staðfestri sambúð samkynhneigðra

65 % þjóðkirkjupresta eru hlynnt því að þeim verði veitt heimild til að staðfesta samvist samkynhneigðra. Kvenprestar eru mun hlynntari því en karlprestar.

Tugþúsundir í skólavörur

Barnmargar fjölskyldur greiða sumar hverjar tugi þúsunda fyrir skólavörurnar sem börnum þeirra er gert að kaupa fyrir veturinn. Langflestir grunnskólar landsins verða settir á morgun og venju samkvæmt eru allar skólavörubúðir troðfullar þessa síðustu daga fyrir skólasetningu.

Skipulagstillögum á Nónhæð hafnað

Skipulagsnefnd Kópavogsbæjar hafnaði á fundi sínum síðdegis í dag skipulagstillögum á Nónhæð og Arnarsmára 32. Ákvörðunin tekur til allra þriggja skipulagsstiga.

Danski pósturinn sparar 3 milljónir á 5 kílómetrum

Danski pósturinn hefur sparað 3 milljónir íslenskra króna í eldsneytiskostnað á einu ári með því að lækka hámarkshraða póstflutningabíla sinna. Hámarkshraði íslenskra póstbíla hefur ekki verið lækkaður en Íslandspóstur hefur umhverfisvætt hluta bílaflotans.

Nauðgunarmáli vísað til Mannréttindadómstóls Evrópu

Lögmaður konu sem var nauðgað fyrir fimm árum hefur vísað máli hennar til Mannréttindadómstóls Evrópu þar sem ríkissaksóknari neitaði endurupptöku málsins vegna sönnunarskorts. Konan þurfti að gangast undir lýtaaðgerð á kynfærum eftir nauðgunina.

Vatnsréttindi framseld til Landsvirkjunar rétt fyrir kosningar

Meirihluti vatnsréttinda í neðri Þjórsá var framseldur til Landsvirkjunar nokkrum dögum fyrir kosningar. Fráleitt er að gera slíkt samkomulag án samþykkis Alþingis, segir meðlimur í stjórn Náttúruverndarsamtaka Suðurlands, og bætir við að verknaðurinn sé siðlaus.

Réttur lóðaleigjenda í frístundabyggðum verði aukinn

Talsmaður neytenda vill að leigjendur lóða í skipulögðum frístundabyggðum fái forgangsrétt til áframhaldandi leigu undir frístundahús sitt tryggðan með lögum. Þá vill hann að sett verði ákvæði um gerðardóm ef ágreiningur rís um endurskoðun leigufjárhæðar eða forleigurétt.

Bíræfinn þjófur ók undir áhrifum lyfja

Karlmaður um fertugt var handtekinn í Kópavogi í gær. Í bíl hans fundust fjölmargir hlutir sem talið er að séu stolnir. Maðurinn stal einnig bíl í gær og tók úr honum ýmsa muni.

Gæti verið elsta þekkta fótsporið

Fornleifafræðingar í Egyptalandi hafa fundið mennskt fótspor sem gæti verið það elsta sem fundist hefur. Sporið fannst á steini í Siwa eyðimerkurvininni í vestari eyðimörk landsins. Það hefur verið stigið í leðju sem síðan hefur orðið að steini.

Vildi jómfrúrskoðun á þúsundum stúlkna

Hávær mótmæli urðu til þess að héraðsskólameistari í Indónesíu féll frá því að láta skoða þúsundir ungra námsmeyja til þess að gá hvort þær væru óspjallaðar. Meistarinn fékk þessa hugmynd þegar myndir af tveimur nemendum í ástarleik fóru að ganga á milli farsíma. Indónesía er fjölmennasta múslimaríki heims og þar er ætlast til skírlífis kvenna þartil þær giftast.

Bróðir dómsmálaráðherra Frakka dæmdur fyrir eituryfjasmygl

Áfrýjunardómstóll í Frakklandi dæmdi í dag bróður dómsmálaráðherra Frakka, sem áður hafði verið dæmdur fyrir eiturlyfjasmygl, í ársfangelsi fyrir neyslu og sölu heróíns, einungis nokkrum klukkustundum eftir að systir hans kom því í gegn að refsingar fyrir endurtekin lögbrot yrðu hertar.

Fullur og án ökuréttinda á hjólagröfu

Karl á fimmtugsaldri var handtekinn í Súðarvogi í gær en sá ók hjólagröfu sem rakst í Elliðaárbrúna á mótum Sæbrautar og Reykjanesbrautar. Við það kvarnaðist lítilsháttar úr brúnni en brotin lentu á aðvífandi bíl sem rispaðist eitthvað.

Aðeins eiga að vera ein hjúskaparlög í landinu

Frosti Jónson, formaður Samtakanna 78, segir nýja könnun á afstöðu presta til þess hvort heimila eigi prestum að staðfesta samvist samkynhneigðra, skref í rétta átt en það sé afstaða samtakanna að það eigi aðeins að vera ein hjúskaparlög í landinu.

Geimferjan Endeavour lent

Geimferjan Endeavour lenti heilu og höldnu á Florida klukkan 16:32 í dag að íslenskum tíma. Ferjan lenti nákvæmlega á réttum tíma eftir tveggja vikna dvöl í geimnum þar sem hún var tengd við Alþjóðlegu geimstöðina. Nokkur uggur var í mönnum fyrir lendinguna vegna skemmda á hitaskildi í flugtakinu. En allt fór að óskum. Sjö manna áhöfn var um borð í Endeavour.

Gíslataka í París

Vopnaður maður ruddist fyrir stundu inn í tískuverslun í París og heldur þar fólki í gíslingu. Ekki er vitað hversu mörgum. Lögreglan hefur girt verslunina af. Verslunarstjórinn sagði í samtali við franska sjónvarpsstöð að maðurinn segði að hann væri fórnarlamb franskrar réttvísi. Hann væri hinsvegar rólegur og biði eftir því að lögreglan hefði samband.

Geimferjan lent

Geimferjan Endeavour lenti heilu og höldnu á Florida klukkan 16:32 í dag að íslenskum tíma. Ferjan lenti nákvæmlega á réttum tíma eftir tveggja vikna dvöl í geimnum þar sem hún var tengd við Alþjóðlegu geimstöðina. Nokkur uggur var í mönnum fyrir lendinguna vegna skemmda á hitaskildi í flugtakinu. En allt fór að óskum. Sjö manna áhöfn var um borð í Endeavour.

18 ára afbrotaunglingur í héraðsdómi

Í dag voru þingfestar í Héraðsdómi Reykjavíkur heilar sautján ákærur á hendur 18 ára reykvískum afbrotaunglingi. Ákærða, sem er fæddur 1989, er gefið að sök ýmis afbrot, svo sem þjófnað, fíkniefnalagabrot og vopnalagabrot. Flest brotanna játaði drengurinn að hafa framið, en hann neitaði sök í nokkrum ákæruliðum.

Dauðadrukkin á grafarbakkanum

Þýsk kona sem var á leið í kirkjugarðinn til að votta látnum ættingja virðingu sína fékk sér full mikið í aðra tána áður en hún lagði af stað. Að sögn lögreglu í Mitterteich í Þýskalandi missti hún stjórn á bíl sínum, þar sem hún keyrði á vegi sem liggur gegnum garðinn. Hún keyrði niður legsteina og grafhýsi áður en hún staðnæmdist í opinni gröf og komst ekki upp.

Icelandair hlýtur samgönguverðlaun samgöngurráðuneytisins

Icelandair Group hlaut samgönguverðlaun samgönguráðherra sem veitt voru í fyrsta sinn í dag. Eftir því sem fram kemur í tilkynningu frá samgönguráðuneytinu hlýtur fyrirtækið og fyrirrennarar þess verðlaunin fyrir brautryðjendastarf og áratuga uppbyggingu á flugsamgöngum um Ísland og milli landa.

Vilja einkaleyfi á orðið Þuklaraball

Um næstu helgi verður haldin stórhátíð í Sauðfjársetinu í Sævangi á Ströndum með tilheyrandi hrútaþukli og landskeppni í ullarspuna. Um kvöldið verður svo þuklaraballið haldið í félagsheimilinu á Hólmavík. Arnar S. Jónsson framkvæmdastjóri Sauðfjársetursins segir að þar á bæ ætli menn að fá sér einkaleyfi á orðinu Þuklaraball svipað og gerst hefur með Húkkaraballið í Eyjum.