Vilja stöðva Hillary

"Að stöðva Hillary Rodham Clinton er það mikilvægasta sem þú og ég getum gert sem Repúblikanar á næstu tveimur árum," segir Stephen Minarik, formaður Repúblikanaflokksins í New York, í bréfi sem hann sendi í fjáröflunarskyni til félaga sinna í flokknum.

Vara við norrænum brögðum

Varað hefur verið við erindi frá sænska fyrirtækinu Nordisk Industri þar sem óskað er skriflegrar staðfestingar á faxi með ýmsum upplýsingum, til dæmis um símanúmer og heimilisfang.

Borða minnst af ávöxtum

Íslensk og spænsk skólabörn borða allra barna minnst af ávöxtum í Evrópu. Portúgölsk skólabörn borða hinsvegar allra barna mest af ávöxtum.

Beitir sér á svæði Actavis

Starfsgreinasambandið hefur miðlað upplýsingum og fræðslu og beitt sér fyrir bættum kjörum starfsmanna hjá íslenskum fyrirtækjum erlendis, til dæmis á svæði Actavis í Búlgaríu, Serbíu og á Möltu, og hyggst gera það áfram.

Þreyttir á löngum úthöldum

Oddur Friðriksson, aðaltrúnaðarmaður á Kárahnjúkum, segist telja að Íslendingarnir sem vinna hjá Impregilo á Kárahnjúkum séu þreyttir á löngum úthöldum.

Gölluð reglugerð

Alþýðusambandið gagnrýnir nýja reglugerð félagsmálaráðuneytisins um atvinuréttindi útlendinga og telur að hún sé meingölluð. Vinnumálastofnun sé látin um að túlka stefnu stjórnvalda í þessum málaflokki á hverjum tíma.

Stórar umbúðir utan um lítið

Össur Skarphéðinsson gefur ekki mikið fyrir hugtakið umræðustjórnmál og segir það ofnotað. Hann segir Framtíðarhóp Samfylkingarinnar fámennan og lokaðan hóp.

Tugþúsundir barna í vændi

Talið er að tugþúsundir rússneskra barna séu neyddar í vændi og framleiðslu barnakláms. Mikil fátækt og eymd gerir heimilislaus börn að auðveldum fórnarlömbum klámiðnaðarins í Rússlandi.

Bæta aðgang innflytjenda

Læknir telur að bæta megi aðgang innflytjenda að heilbrigðiskerfinu hér á landi, þótt þeir séu ýmsu vanir frá sínu heimalandi og kvarti ekki. 

Dýrahátíð í Reiðhöllinni

Troðfullt var í reiðhöllinni í Víðidal í dag á mikilli dýrahátíð sem þar var haldin. Boðið var upp á fjölbreytta dagskrá, auk þess sem hunda- og kattaræktarfélög Íslands kynntu gestum og gangandi mismunandi tegundir dýranna.

Lokað vegna símabilunar

Vegna bilunar í símalínu var ekki hægt að afgreiða bensín eða díselolíu á Vopnafirði frá morgni síðastliðins miðvikudags og fram eftir degi.

Gabríela fulltrúi Íslands

Myndlistarmaðurinn Gabríela Friðriksdóttir hefur verið valin sem fulltrúi Íslands á Feneyjatvíæringnum, sem opnar 10. júní. Gabríela, sem fædd er árið 1971, er yngsti fulltrúinn sem Íslendingar hafa sent til þessa.

Fékk krók í öxlina

Skipverji á togaranum Snorra Sturlusyni slasaðist illa í fyrrinótt þegar hann fékk gilskrók í öxlina. Þyrla frá varnarliðinu sótti manninn, og flutti hann á Keflavíkurflugvöll, þar sem læknir tók á móti honum og fylgdi honum á sjúkrahúsið í Keflavík.

Skiptar skoðanir um sameiningu

Kosið verður um sameiningu sveitarfélaga í Borgarfirði norðan Skarðsheiðar þann 23. apríl. Skoðanir um sameiningu eru skiptar í Skorradalshreppi, minnsta sveitarfélaginu, sem hefur 64 íbúa. Áhugi fyrir sameiningu er mun meiri í stærsta sveitarfélaginu, Borgarbyggð.

Brýnt að reisa nýtt fangelsi

Fangavarðafélag Íslands skorar á stjórnvöld að standa við áform um byggingu nýs fangelsis sem koma á í staðinn fyrir bæði Hegningarhúsið við Skólavörðustíg og Fangelsið að Kópavogsbraut 17.

Vilja ekki gagnrýna Kúbu

Um fjögur þúsund manns hvaðanæva að úr heiminum skora á aðildarríki Sameinuðu þjóðanna að hafna ályktunartillögu um mannréttindabrot Kúbustjórnar síðar í mánuðinum. Bandaríkin eru meðal þeirra ríkja sem leggja tillöguna fram.

Engin flóðbylgja

Þúsundir manna flúðu heimili sín á eyjunni Súmötru í Indónesíu þegar snarpur neðansjávarjarðskjálfti reið yfir í gær. Skjálftinn mældist 6,8 stig á Richter en enginn flóðbylgja myndaðist af völdum hans.

Leitað aftur án árangurs

Á laugardaginn gengu björgunarsveitarmenn fjörur frá Þjórsá til Herdísarvíkur í leit að Brasilíumanninum Ricardo Correia Dantas, sem ekkert hefur spurst til síðan hann hvarf á Stokkseyri fyrir rúmri viku. Leitin bar engan árangur.

Erum í kapphlaupi við tímann

Mohammed El Baradei, yfirmaður Alþjóðlegu kjarnorkumálastofnunarinnar, segir stofnunina hafa áreiðanlegar upplýsingar um að hryðjuverkasamtökin al Kaída reyni nú ákaft að verða sér úti um kjarnorkuvopn.

Úrbóta þörf í fangelsismálum

Fangavarðafélag Íslands fagnar þeirri stefnumörkun sem fram hefur komið með áformum um byggingu nýs fangelsis. Félagið segir löngu orðið tímabært að horft sé til framtíðar í fangelsismálum

Var að sækja einn þjóðhöfðingjanna

Flugvélin sem var neydd til að lenda fyrir utan Róm í gær um leið og útför páfa stóð yfir, vegna gruns um að sprengja væri um borð, reyndist vera á leið til borgarinnar að sækja forseta Makedóníu sem var við útförina.

Tekinn á 162 km hraða

Lögreglan á Blönduósi stöðvaði ungan ökumann á 162 kílómetra hraða á Norðurlandsvegi í gærkvöldi en alls stöðvaði hún fimmtán ökumenn vegna hraðaksturs á þremur klukkustundum. Flestir voru á 105-110 kílómetra hraða en nokkrir á yfir 120.

Fimmtán hermenn teknir af lífi

Fimmtán hermenn fórust í skotárás uppreisnarmanna í Bagdad í morgun. Hermennirnir, sem voru allir írakskir, voru í bíl sem uppreisnarmennirnir þvinguðu af veginum, ráku hermennina út og tóku af lífi.

Stuðningsmenn Össurar mótmæla

Stuðningsmenn Össurar Skarphéðinssonar í formannskjöri Samfylkingarinnar mótmæla afskiptum fyrirtækisins Plúsinn.is af innanflokksmálum Samfylkingarinnar og benda á að fyrirtækið hafi sent frá sér áróður í formi skoðanakönnunar í þágu Ingibjargar Sólrúnar Gísladóttur.

Sauðfjárbóndi vann kvæðakeppnina

Sigurvegari í kvæðakeppni Hins konunglega fjelags, sem efnt var til vegna brúðkaups Karls Bretaprins og Camillu Parker Bowles, er Einar Kolbeinsson, sauðfjárbóndi og háskólanemi í Bólstaðarhlíð í Húnavatnssýslu. Sigurkvæði Einars nefnis „Prinsinn af Wales - kveðja frá íslensku þjóðinni.“

Lokaundirbúningur brúðkaupsins

Nú er verið að leggja lokahönd á undirbúninginn fyrir brúðkaup Karls Bretaprins og Camillu Parker Bowles sem verður í dag en brúðhjónin hafa beðið þess í árafjöld að geta gengið í það heilaga.

Hrafnseyrarheiði ófær vegna flóða

Hrafnseyrarheiði er ófær vegna snjóflóða. Snjóþekja er á Dynjandisheiði og Steingrímsfjarðarheiði. Hálkublettir eru á Hellisheiði, Þrengslum og á Holtavörðuheiði. Hálka er á Möðrudalsöræfum og snjóþekja eða hálka víða á Austurlandi.

Grýttu japanska sendiráðið

Kínverskir mótmælendur grýttu japanska sendiráðið í Peking, höfuðborg Kína, í dag. Mikil reiði blossaði upp í Kína á dögunum þegar ný bók sem notuð er í sögukennslu í japönskum skólum leit dagsins ljós því Kínverjar halda því fram að í henni hvítþvoi Japanar sig af grimmdarverkum sem þeir frömdu í Síðari heimsstyrjöldinni.

Misnotuð og grafin lifandi

Flórídabúar eru slegnir óhugnaði vegna morðs á níu ára stúlku sem var grafin lifandi eftir að hafa verið misþyrmt kynferðislega.

Neita afskiptum af Samfylkingunni

Forsvarsmenn Plússins.is segjast ekki hafa skipt sér af innanflokksmálum Samfylkingarinnar eins og stuðningsmenn Össurar Skarphéðinssonar í formannskjöri flokksins hafa haldið fram.

Og lifðu hamingjusöm til ...

Rúmlega þrjátíu ára ástarsaga fékk farsælan endi rétt fyrir hádegi þegar Karl Bretaprins og Camilla Parker Bowles gengu í hjónaband.

Bíll endaði inni í garði

Fólksbíll endaði inni í garði húseiganda í Kópavogi rétt upp úr hádegi eftir að hafa keyrt aftan á jeppabifreið á ofsahraða. Ökumaður fólksbílsins slasaðist og var fluttur á slysadeild en meiðsl hans voru talin minniháttar. Þrír voru í jeppanum og sluppu þeir ómeiddir.

500 manna slysavarnaæfing

Um 500 manns koma að Landsæfingu slysvarnafélagsins Landsbjargar 2005 sem hófst milli klukkan fjögur og fimm í morgun á Egilsstöðum og nágrenni. Þyrla Landhelgisgæslunnar og björgunarsveitarmenn af landinu öllu vinna um 50 björgunarverkefni alls af ýmsum toga, bæði í dreifbýli og þéttbýli.

Karl olli hneykslan með handabandi

Karl Bretaprins olli hneykslan við útför páfa fyrir að taka í höndina á Robert Mugabe, forseta Simbabwe. Við útförina í gær sat Karl einu sæti frá Mugabe sem er ekki hátt skrifaður í Bretlandi vegna stjórnarfarsins í Simbabwe.

Tveir Palestínumenn drepnir

Ísraelskir hermenn drápu tvo Palestínumenn við Rafah-flóttamannabúðirnar á Gaza í dag. Að sögn talsmanns Ísraelshers nálguðust mennirnir við þriðja mann varðstöð hersins við landamæri Ísraels og sinntu engu viðvörunarskotum hermanna.

Bláa lónið í Leifsstöð

Bláa Lónið hf. og Flugstöð Leifs Eiríkssonar hafa gert með sér samning um rekstur BLUE LAGOON verslunar innan verslunar Íslensks markaðar í flugstöðinni. Á vef Víkurfrétta segir að samningurinn sé einn þáttur í að auka fjölbreytni verslunar í flugstöðvarbyggingunni og veita fleiri einkaaðilum kost á að vera með eigin rekstur á svæðinu.

Fjallgöngumenn drepnir í Nepal

Að minnsta kosti tveir létust og fimmtán særðust þegar sprengjuárás var gerð á rútu í Nepal í dag. Tveir hinna særðu eru Rússar, að öllum líkindum fjallgöngumenn því þeir voru á leið að búðum við rætur Mount Everest.

Enn ófært vegna snjóflóða

Hrafnseyrarheiði er enn ófær vegna snjóflóða sem féllu þar í morgun. Ökumönnum er bent á að fara varlega á Hellisheiði, í Þrengslum og á Holtavörðuheiði því þar leynast hálkublettir. 

Khatami afneitar handabandi

Mohammad Khatami Íransforseti harðneitaði því í gær að hann hefði tekist í hendur og spjallað við Moshe Katsav Ísraelsforseta við jarðarför Jóhannesar Páls II páfa í Róm á föstudag. Eftir útförina hafði Katsav látið hafa eftir sér að hann hefði hitt Khatami og Assad Sýrlandsforseta, en Íran og Sýrland eru erkióvinir Ísraelsríkis.

Þúsundir mótmæla í Bagdad

Tugir þúsunda mótmælenda hrópuðu "Nei við Ameríku" á fjölmennustu mótmælasamkomu sem fram hefur farið í Bagdad frá því landið var hernumið af Bandaríkjamönnum og bandamönnum þeirra.

Vopnahléið kvatt?

Palestínskir skæruliðar hafa hafið árásir á landnemabyggðir gyðinga á Gaza eftir að ísraelskir hermenn drápu þrjá Palestínumenn við Rafah-flóttamannabúðirnar fyrr í dag. Útlit er því fyrir að vopnahléi Palestínumanna og Ísraela, sem komið var á í febrúar, sé lokið.

Camilla virðir minningu Díönu

Rúmlega þrjátíu ára ástarsaga náði hápunkti í dag þegar Karl Bretaprins og Camilla Parker Bowles gengu í hjónaband. Camilla er nú tæknilega orðin prinsessan af Wales en vill ekki nota þann titil vegna minningarinnar um Díönu. Í stað þess ber hún titilinn hertogaynjan af Cornwall.

Skrúfað fyrir fjölmiðlaviðtöl

Kardinálaráð kaþólsku kirkjunnar ákvað í gær að meðlimir þess skyldu hætta þegar í stað að veita nokkur fjölmiðlaviðtöl eða tjá sig opinberlega. Gildir bannið uns kardinálarnir hafa komist að niðurstöðu um það hver úr þeirra röðum muni setjast næstur á páfastól, að Jóhannesi Páli II gengnum.

9 ára fangelsi vegna póstsendinga

Bandaríkjamaður hefur verið dæmdur í níu ára fangelsi fyrir að senda ruslpóst úr tölvunni sinni í milljónavís.

Þögn ofbeldis rofin á Arnarhóli

Þögnin í kringum ofbeldi var rofin á Arnarhóli í dag þegar fjöldi fólks hengdi upp boli til að sýna í verki að það þyrði að tala um ofbeldi sem það hefði orðið fyrir.