Tíma­mót á HM: Enginn leik­maður frá Real Madrid í liði Spánar

Töluverð tíðindi í vali landsliðsþjálfarans Luis de la Fuente en gengi Real Madrid á nýafstöðnu tímabili stóðst alls ekki væntingar og endaði liðið átta stigum á eftir Spánarmeisturum Barcelona í spænsku úrvalsdeildinni. 

Þetta er í fyrsta sinn í sögu heimsmeistaramóts karla í fótbolta sem spænska landsliðið mun ekki vera með leikmann frá Real Madrid í sínum hópi. 

Tímamót í 92 ára sögu spænska landsliðsins á HM að enginn leikmaður frá sigursælasta liði Spánar frá upphafi sé í landsliðshópnum. 

Komandi heimsmeistaramót verður það sautjánda í sögunni hjá spænska landsliðinu sem hefur einu sinni orðið heimsmeistari. 

Þetta er ekki í fyrsta sinn sem spænska landsliðið heldur á stórmót án leikmanns frá Real Madrid. Það gerði liðið einnig fyrir EM 2020 undir stjórn Luis Enrique. Spánn er ríkjandi Evrópumeistari eftir sigur gegn Englandi í úrslitaleiknum í Þýskalandi árið 2024.

Á komandi heimsmeistaramóti spilar Spánn í H-riðli með Grænhöfðaeyjum, Sádi-Arabíu og Úrúgvæ.