Sinueldur kviknaði við bensín­stöð

Þetta staðfestir Guðjón Ingason, varðstjóri hjá slökkviliðinu á höfuðborgarsvæðinu, en Rúv greindi fyrst frá.

Tilkynningin barst um tuttugu mínútur í fjögur og var einn dælubíll sendur á vettvang. Starfsmenn bensínstöðvarinnar höfðu þá tekið sig til og sprautað á eldinn. Enginn eldur var eftir þegar slökkviliðið bar að garði.

Fyrr í vikunni varaði slökkvilið höfuðborgarsvæðisins við aukinni hættu á gróðureldum vegna langvarandi þurrka. 

„Gróður er ekki farinn að taka við sér og er því þurr gamall gróður og mikið um sinu til staðar sem getur skapað hættu á gróðureldum,“ sagði í tilkynningu frá slökkviliðinu á Facebook.