Handtökur hér á landi þegar stór barnaníðssíða var tekin niður Kolbeinn Tumi Daðason skrifar 2. apríl 2025 13:55 Þetta blasir við þeim sem ætla að nýta sér Kidflix í dag. Vefsíðan hefur verið tekin yfir af lögregluyfirvöldum. Europol Alls voru 79 handteknir og um fjórtán hundruð eru undir smásjá Evrópulögreglunnar grunuð um að miðla kynferðislegu efni með börnum á vefsíðunni Kidflix. Lögreglan á höfuðborgarsvæðinu handtók tvo í aðgerðunum sem teygðu sig til 38 landa. 39 börnum var bjargað úr hættulegum aðstæðum. Þýsk yfirvöld stýrðu aðgerðunum og nutu stuðnings Europol. Kidflix var eitt stærsta net fyrir dreifingu og áhorf á kynferðislegu efni tengt börnum í heiminum með nærri tvær milljónir notenda. Fram kemur í norskum miðlum að af 79 handteknum hafi tíu verið handteknir þar í landi. Kidflix var stofnuð árið 2021 og náði hratt miklum vinsældum meðal brotamanna sem stunduðu kynferðislega misnotkun gegn börnum. Á þremur árum hafði síðan safnað um 91 þúsund myndböndum með samtals spilunartíma upp á yfir 6.200 klukkustundir. Þann 11. mars gerðu þýsk og hollensk lögregluyfirvöld árás á netþjón Kidflix, sem þá hýsti um 72.000 myndbönd. Í kjölfarið fór í gang samstillt alþjóðleg lögregluaðgerð undir heitinu „Operation Stream“ þar sem yfir 35 lönd tóku þátt, þar á meðal Ísland. Sumir hinna handteknu eru sagðir hafa ekki aðeins dreift efni heldur einnig sjálfir beitt börn ofbeldi. Lögreglan telur flesta grunuðu vera síbrotamenn sem áður hafa verið þekktir af yfirvöldum. Alls var 39 börnum bjargað úr hættulegum aðstæðum að því er fram kemur í tilkynningu frá Europol. Kidflix var með sérstakt kerfi þar sem notendur gátu bæði halað niður og streymt efni. Notendur greiddu með dulritunargjaldmiðlum sem breytt var í sérstök „tákn“. Þeir sem hlóðu upp efni eða aðstoðuðu við að flokka og lýsa myndböndum gátu aflað sér slíkra tákna, sem síðan mátti nota til að kaupa aðgang að efni í betri gæðum. Að meðaltali voru 3,5 ný myndbönd sett á síðuna á hverri klukkustund. Þetta er í fyrsta sinn sem lögreglu hefur tekist að loka síðu af þessari stærðargráðu sem bauð upp á bæði niðurhal og streymi. Stærsta aðgerðin í sögu Europol gegn kynferðisofbeldi gegn börnum Europol segir að um sé að ræða umfangsmestu aðgerð sem samtökin hafi unnið að í baráttunni gegn barnaníði á netinu. Sérfræðingar í netglæpadeild Europol aðstoðuðu við greiningu á þúsundum myndbanda og komu upplýsingum á framfæri við lögregluyfirvöld annarra þjóða í samræmdu átaki. Mikilvægt var talið að samhæfa aðgerðir þvert á landamæri. Að sögn Magnúsar Brunner, framkvæmdastjóra innanríkis- og innflytjendamála hjá ESB, sýnir þessi aðgerð skýrt hversu mikilvægt er að Evrópusambandið og aðildarríki vinni náið saman gegn skipulagðri glæpastarfsemi sem fer fram þvert á landamæri. Ísland var meðal þeirra 38 landa sem tóku þátt í aðgerðinni. Gunnar Rúnar Sveinbjörnsson, upplýsingafulltrúi lögreglunnar á höfuðborgarsvæðinu, segir tvo hafa verið handtekna hér á landi í aðgerðum lögreglu. Ráðist var í húsleit í híbýlum þeirra beggja og lagt hald á búnað í þágu rannsóknarinnar. Netið gleymir ekki Í nýlegri skýrslu á vegum Evrópusambandsins um alvarlega skipulagða glæpastarfsemi kemur fram að kynferðislegt ofbeldi gegn börnum á netinu sé ein helsta ógnin við öryggi hjá þjóðum sambandsins. Þróun tækninnar hafi gert brotamönnum kleift að hafa samskipti við börn, misnota þau og dreifa efni með áður óþekktum hraða og leynd. Evrópulögreglan minnir á að þótt netheimar virðist nafnlausir, þá hafi rannsóknin leitt í ljós að flestir brotamennirnir eru þegar skráðir í gagnagrunna Europol og séu því þekktir hjá lögreglu. Kynferðisofbeldi Ofbeldi gegn börnum Lögreglumál Mest lesið Veðurvaktin: Snjókoman rétt að byrja og víða erfið færð Veður Snjókoman rétt að byrja Innlent Bílar út af veginum á Reykjanesbraut Innlent Ungur Miðflokksmaður gengst við rasisma og segir af sér Innlent Ráðgjafinn ráðinn í tímabundið starf eftir dýra skreppitúra Innlent Skvísur geti virkað sem hálfgerðir þroskaþjófar Innlent Játar að hafa myrt Shinzo Abe Erlent Viðbragðsaðilar í mikilli hættu vegna bíla á sumardekkjum Innlent Búast við hamförum vegna Melissu Erlent Allur floti Vegagerðar úti að ryðja snjó Veður Fleiri fréttir Segir sameiginlegum gildum Norðurlanda ógnað Fjölmargir farþegar fastir í flugvélum á Keflavíkurflugvelli Ungur Miðflokksmaður gengst við rasisma og segir af sér Sturlað ástand og United vettlingar prjónaðir í bílnum Mesta snjódýpt í Reykjavík sem mælst hefur í október Viðbragðsaðilar í mikilli hættu vegna bíla á sumardekkjum Bílar út af veginum á Reykjanesbraut Vill heimila Samkeppniseftirlitinu að ráðast í húsleitir Snjókoman rétt að byrja Píratar berjist gegn „rísandi bylgju lýðskrums og fasisma“ Skvísur geti virkað sem hálfgerðir þroskaþjófar Ráðgjafinn ráðinn í tímabundið starf eftir dýra skreppitúra Misvægi atkvæða bitnar mest á Kraganum Heitavatnslaust á Suðurnesjum og rafmagnslaust víða um land Skreppiferðir í Jysk meðal þess sem ráðgjafi rukkaði fyrir „Ég tel ekki tilefni til að íhuga stöðu mína“ Áhyggjur af lánaframboði og ógnarlangar biðraðir Vara við ferðum á Fagradalsfjall þar sem aðstæður geti orðið hættulegar Kristmundur verður lögreglustjóri á Austurlandi „Vonandi klárast þetta á morgun“ Sá látni var á rjúpnaveiðum þegar hann varð fyrir voðaskotinu Kvartanir mannsins um ómannúðlega meðferð áður til skoðunar hjá NEL Ungi ökumaðurinn á Ísafirði úr lífshættu Nefnd SÞ gegn pyndingum skráir erindi hælisleitenda sem vísað var frá Íslandi Ófremdarástandi lýst: Þrír stjórar í leyfi, einelti og hrun í starfsánægju Bíða í allt að þrjá tíma: „Ætli það sé ekki bara helvítis veðurspáin“ Alger óvissa í lánamálum og margra tíma bið eftir dekkjaskiptum Kláfur á Ísafirði fari í opinbera kynningu Hófu ekki rannsókn á heimilisofbeldi fyrir misskilning Erfitt að segja til um viðbrögð við nýjum faraldri miðað við Covid-viðbrögð Sjá meira
Þýsk yfirvöld stýrðu aðgerðunum og nutu stuðnings Europol. Kidflix var eitt stærsta net fyrir dreifingu og áhorf á kynferðislegu efni tengt börnum í heiminum með nærri tvær milljónir notenda. Fram kemur í norskum miðlum að af 79 handteknum hafi tíu verið handteknir þar í landi. Kidflix var stofnuð árið 2021 og náði hratt miklum vinsældum meðal brotamanna sem stunduðu kynferðislega misnotkun gegn börnum. Á þremur árum hafði síðan safnað um 91 þúsund myndböndum með samtals spilunartíma upp á yfir 6.200 klukkustundir. Þann 11. mars gerðu þýsk og hollensk lögregluyfirvöld árás á netþjón Kidflix, sem þá hýsti um 72.000 myndbönd. Í kjölfarið fór í gang samstillt alþjóðleg lögregluaðgerð undir heitinu „Operation Stream“ þar sem yfir 35 lönd tóku þátt, þar á meðal Ísland. Sumir hinna handteknu eru sagðir hafa ekki aðeins dreift efni heldur einnig sjálfir beitt börn ofbeldi. Lögreglan telur flesta grunuðu vera síbrotamenn sem áður hafa verið þekktir af yfirvöldum. Alls var 39 börnum bjargað úr hættulegum aðstæðum að því er fram kemur í tilkynningu frá Europol. Kidflix var með sérstakt kerfi þar sem notendur gátu bæði halað niður og streymt efni. Notendur greiddu með dulritunargjaldmiðlum sem breytt var í sérstök „tákn“. Þeir sem hlóðu upp efni eða aðstoðuðu við að flokka og lýsa myndböndum gátu aflað sér slíkra tákna, sem síðan mátti nota til að kaupa aðgang að efni í betri gæðum. Að meðaltali voru 3,5 ný myndbönd sett á síðuna á hverri klukkustund. Þetta er í fyrsta sinn sem lögreglu hefur tekist að loka síðu af þessari stærðargráðu sem bauð upp á bæði niðurhal og streymi. Stærsta aðgerðin í sögu Europol gegn kynferðisofbeldi gegn börnum Europol segir að um sé að ræða umfangsmestu aðgerð sem samtökin hafi unnið að í baráttunni gegn barnaníði á netinu. Sérfræðingar í netglæpadeild Europol aðstoðuðu við greiningu á þúsundum myndbanda og komu upplýsingum á framfæri við lögregluyfirvöld annarra þjóða í samræmdu átaki. Mikilvægt var talið að samhæfa aðgerðir þvert á landamæri. Að sögn Magnúsar Brunner, framkvæmdastjóra innanríkis- og innflytjendamála hjá ESB, sýnir þessi aðgerð skýrt hversu mikilvægt er að Evrópusambandið og aðildarríki vinni náið saman gegn skipulagðri glæpastarfsemi sem fer fram þvert á landamæri. Ísland var meðal þeirra 38 landa sem tóku þátt í aðgerðinni. Gunnar Rúnar Sveinbjörnsson, upplýsingafulltrúi lögreglunnar á höfuðborgarsvæðinu, segir tvo hafa verið handtekna hér á landi í aðgerðum lögreglu. Ráðist var í húsleit í híbýlum þeirra beggja og lagt hald á búnað í þágu rannsóknarinnar. Netið gleymir ekki Í nýlegri skýrslu á vegum Evrópusambandsins um alvarlega skipulagða glæpastarfsemi kemur fram að kynferðislegt ofbeldi gegn börnum á netinu sé ein helsta ógnin við öryggi hjá þjóðum sambandsins. Þróun tækninnar hafi gert brotamönnum kleift að hafa samskipti við börn, misnota þau og dreifa efni með áður óþekktum hraða og leynd. Evrópulögreglan minnir á að þótt netheimar virðist nafnlausir, þá hafi rannsóknin leitt í ljós að flestir brotamennirnir eru þegar skráðir í gagnagrunna Europol og séu því þekktir hjá lögreglu.
Kynferðisofbeldi Ofbeldi gegn börnum Lögreglumál Mest lesið Veðurvaktin: Snjókoman rétt að byrja og víða erfið færð Veður Snjókoman rétt að byrja Innlent Bílar út af veginum á Reykjanesbraut Innlent Ungur Miðflokksmaður gengst við rasisma og segir af sér Innlent Ráðgjafinn ráðinn í tímabundið starf eftir dýra skreppitúra Innlent Skvísur geti virkað sem hálfgerðir þroskaþjófar Innlent Játar að hafa myrt Shinzo Abe Erlent Viðbragðsaðilar í mikilli hættu vegna bíla á sumardekkjum Innlent Búast við hamförum vegna Melissu Erlent Allur floti Vegagerðar úti að ryðja snjó Veður Fleiri fréttir Segir sameiginlegum gildum Norðurlanda ógnað Fjölmargir farþegar fastir í flugvélum á Keflavíkurflugvelli Ungur Miðflokksmaður gengst við rasisma og segir af sér Sturlað ástand og United vettlingar prjónaðir í bílnum Mesta snjódýpt í Reykjavík sem mælst hefur í október Viðbragðsaðilar í mikilli hættu vegna bíla á sumardekkjum Bílar út af veginum á Reykjanesbraut Vill heimila Samkeppniseftirlitinu að ráðast í húsleitir Snjókoman rétt að byrja Píratar berjist gegn „rísandi bylgju lýðskrums og fasisma“ Skvísur geti virkað sem hálfgerðir þroskaþjófar Ráðgjafinn ráðinn í tímabundið starf eftir dýra skreppitúra Misvægi atkvæða bitnar mest á Kraganum Heitavatnslaust á Suðurnesjum og rafmagnslaust víða um land Skreppiferðir í Jysk meðal þess sem ráðgjafi rukkaði fyrir „Ég tel ekki tilefni til að íhuga stöðu mína“ Áhyggjur af lánaframboði og ógnarlangar biðraðir Vara við ferðum á Fagradalsfjall þar sem aðstæður geti orðið hættulegar Kristmundur verður lögreglustjóri á Austurlandi „Vonandi klárast þetta á morgun“ Sá látni var á rjúpnaveiðum þegar hann varð fyrir voðaskotinu Kvartanir mannsins um ómannúðlega meðferð áður til skoðunar hjá NEL Ungi ökumaðurinn á Ísafirði úr lífshættu Nefnd SÞ gegn pyndingum skráir erindi hælisleitenda sem vísað var frá Íslandi Ófremdarástandi lýst: Þrír stjórar í leyfi, einelti og hrun í starfsánægju Bíða í allt að þrjá tíma: „Ætli það sé ekki bara helvítis veðurspáin“ Alger óvissa í lánamálum og margra tíma bið eftir dekkjaskiptum Kláfur á Ísafirði fari í opinbera kynningu Hófu ekki rannsókn á heimilisofbeldi fyrir misskilning Erfitt að segja til um viðbrögð við nýjum faraldri miðað við Covid-viðbrögð Sjá meira