Aron Einar og Lúkas í fyrsta hópi Arnars

Sindri Sverrisson skrifar 12. mars 2025 13:06

Aron Einar Gunnarsson hefur spilað 104 A-landsleiki og gæti bætt við þá tölu gegn Kósovó. Getty/Will Palmer

Arnar Gunnlaugsson hefur valið fyrsta landsliðshóp sinn, fyrir komandi leiki við Kósovó í umspilinu um sæti í B-deild Þjóðadeildarinnar í fótbolta.

Aron Einar Gunnarsson er í landsliðshópnum en félagar hans af gullkynslóðinni, Gylfi Þór Sigurðsson og Jóhann Berg Guðmundsson, eru hins vegar ekki með.

Lúkas J. Blöndal Petersson, sonur handboltakappans Alexanders Petersson, er einn af markvörðum hópsins og sá eini sem ekki hefur spilað A-landsleik.

Aron hefur spilað 104 landsleiki og er langreynslumestur í hópnum þegar kemur að landsleikjum. Næstir á eftir honum eru Arnór Ingvi Traustason með 63 landsleiki og Sverrir Ingi Ingason með 55 leiki.

Lúkas kemur í hópinn í stað Patriks Sigurðar Gunnarssonar sem hefur ekkert spilað með liði sínu Kortrijk í Belgíu á þessu ári.

Hákon Arnar Haraldsson og Albert Guðmundsson, sem misst hafa af síðustu landsleikjum vegna meiðsla, eru báðir í hópnum. Bjarki Steinn Bjarkason, Þórir Jóhann Helgason og Kristian Nökkvi Hlynsson koma einnig inn í hópinn á ný.

Daníel Leó Grétarsson, Kolbeinn Birgir Finnsson, Alfons Sampsted, Sævar Atli Magnússon og Arnór Sigurðsson eru auk Jóhanns og Gylfa á meðal þeirra sem ekki eru í hópnum að þessu sinni.

Landsliðshópur Íslands gegn Kósovó:

Elías Rafn Ólafsson - FC Midtjylland - 6 leikir

Hákon Rafn Valdimarsson - Brentford F.C. - 17 leikir

Lúkas J. Blöndal Petersson - TSG Hoffenheim

Valgeir Lunddal Friðriksson - Fortuna Düsseldorf - 15 leikir

Bjarki Steinn Bjarkason - Venezia FC - 4 leikir

Sverrir Ingi Ingason - Panathinaikos F.C. - 55 leikir, 3 mörk

Aron Einar Gunnarsson - Al-Gharafa SC - 104 leikir, 5 mörk

Guðlaugur Victor Pálsson - Plymouth Argyle F.C. - 47 leikir, 2 mörk

Logi Tómasson - Stromsgodset - 7 leikir, 1 mark

Mikael Neville Anderson - AGF - 31 leikur, 2 mörk

Hákon Arnar Haraldsson - LOSC Lille - 19 leikir, 3 mörk