Myndasyrpa: Að minnsta kosti tvö þúsund hús brunnin í Los Angeles

Samúel Karl Ólason skrifar 9. janúar 2025 14:53

Par skoðar rústir húss þeirra. AP/Ethan Swope

Enn loga miklir eldar í Los Angeles en vind hefur tekið að lægja en talið er að veðrið muni lítið hjálpa við slökkvistörf fyrr en annað kvöld. Þrír stórir eldar hafa brennt stór svæði í úthverfum borgarinnar en að minnsta kosti fimm eru látnir og rúmlega tvö þúsund byggingar hafa brunnið.

Allir sem vitað er að hafa dáið fundust í Altadena en þau létust vegna Eaton-eldsins svokallaða. Hann dreifði gífurlega hratt úr sér á þriðjudaginn og höfðu íbúar mjög takmarkaðan tíma til að flýja. Óttast er að fleiri hafi dáið en vitað sé.

Sjá einnig: „Skóli barnanna er farinn, flestar verslanir og ég veit ekki hversu mörg hús“

Að minnsta kosti 130 þúsund manns hafa þurft að flýja heimili sín vegna eldanna. LA Times segir þetta einhverja skæðustu gróðurelda svæðisins í manna minnum.

Kort frá CalFire sem sýnir fjóra ef eldunum í Los Angeles.

Enn sem komið er hafa eldarnir að mestu brunnið stjórnlausir og hefur slökkviliðsmönnum ekkert gengið að ná tökum á þeim. Þeir eru sagðir verulega þreyttir eftir linnulaus störf undanfarna daga en tveir nýir eldar kviknuðu í gærkvöldi.

Mikill og þurr vindur hefur verið á svæðinu og hefur það gert slökkvistarf sérstaklega erfitt. Þó dregið hafi úr vindi er talið að veðrið muni lítið hjálpa fyrr en í fyrsta lagi í annað kvöld.

Hér að neðan má sjá nokkrar myndir frá Los Angeles sem flestar voru teknar af ljósmyndurum AP fréttaveitunnar í morgun og í gærkvöldi.

Gervihnattarmynd af Eaton-eldinum í gærkvöldi.AP/Maxar

Maður gengur hjá brunnu húsi í Altadena.AP/Ethan Swope

Brennt tré í Altadena. Mikill vindur hefur dreift glóðum víða.AP/Nic Coury

Stytta sem varð eldi að bráð í Pacific Palisades.AP/Damian Dovarganes

Hjólreiðamaður í Altadena.(AP/Chris Pizzello

Kona fyrir framan brunnið heimili hennar í Palisades.AP/Etienne Laurent

Borgarar hjálpa slökkviliðsmanni í Altadena.AP/Chris Pizzello

Slökkviliðsmaður að störfum í Altadena.AP/Ethan Swope

Aðstður hafa verið mjög erfiðar fyrir slökkviliðsmenn.AP/Ethan Swope

Rúmlega tvö þúsund hús hafa orðið eldi að bráð.AP/Stephen Lam

Slökkviliðsmenn reyna að bjarga húsi í Palisades hverfinu.AP/Etienne Laurent

Af Palisades eldinum.AP/Damian Dovarganes

Tveir eldanna í Los Angeles eru mjög stórir.AP/Stephen Lam

Frá Altadena, þar sem fjölmörg hús hafa brunnið.AP/Stephen Lam

Fólk virðir eldana fyrir sér úr fjarska.AP/Etienne Laurent

Vatni varpað á eld úr lofti.AP/Ethan Swope

Hæðarnar kringum Los Angeles eru skógi vaxnar og gróðurinn þar er mjög þurr.AP/Etienne Laurent

Slökkviliðsmaður horfir á brennandi hús í Pacific Palisades.AP/Etienne Laurent

Bandaríkin Náttúruhamfarir Gróðureldar í Kaliforníu

Tengdar fréttir

Sögufrægur golfvöllur í hættu vegna eldanna í Los Angeles

Gróðureldarnir miklu sem geisa nú við Los Angeles ógna Rivera-golfvellinum sögufræga sem hýsir árlegt PGA-mót. Völlurinn er innan rýmingarsvæðis vegna eldanna en hefur ekki enn orðið fyrir skemmdum.

9. janúar 2025 10:32

Harmleikur í Hollywood: Hús fræga fólksins fuðra upp

Mikill fjöldi Hollywood stjarna hefur neyðst til að flýja heimili sín vegna þeirra gríðarlegu skógarelda sem nú brenna í úthverfum Los Angeles borgar. Þá hefur töluverður fjöldi stjarna misst heimili sín í úthverfi borgarinnar, Pacific Palisades og í Malibu.

9. janúar 2025 10:30

Eldar brenna stjórnlaust um alla Los Angeles

Eldarnir í Los Angeles brenna enn glatt og nú er staðan þannig að sjö aðskildir eldar brenna nú víðsvegar um úthverfi borgarinnar, þar á meðal í Hollywood hæðum þar sem stjörnurnar búa.

9. janúar 2025 06:33

Mest lesið

Fleiri fréttir