Júlíus Viggó endurkjörinn formaður Heimdallar

Magnús Jochum Pálsson skrifar 10. apríl 2024 22:27

Júlíus Viggó verður áfram formaður Heimdallar.

Júlíus Viggó Ólafsson var í kvöld endurkjörinn formaður Heimdallar, félags ungra sjálfstæðismanna í Reykjavík á aðalfundi félagsins í Valhöll. Hvorki bárust mótframboð í embætti formanns eða stjórnar og töldust því allir frambjóðendur sjálfkjörnir.

Júlíus Viggó var fyrst kjörinn formaður Heimdallar í fyrra þegar hann hafði betur gegn Páli Orra Pálssyni. Júlíus tók þá við embætti af Gunnari Smára Þorsteinssyni, lögfræðingi.

Júlíus hefur einnig verið virkur innan Vöku, félags lýðræðissinnaðra stúdenta við Háskóla Íslands, sem náði nýlega naumum meirihluta í Stúdentaráði. Júlíus er í fyrsta sæti Vöku á félagsvísindasviði og er nokkur skörun á stjórn Heimdallar og fulltrúalista Vöku.

Ný stjórn Heimdallar fyrir starfsárið 2024-2025 er eftirfarandi:

Formaður, Júlíus Viggó Ólafsson, hagfræðinemi
Sonja Dís Johnson Guðlaugsdóttir, laganemi
Oddur Stefánsson, viðskiptafræðingur
Arent Orri J. Claessen, laganemi
Daníel Hjörvar Guðmundsson, laganemi
Kristín Alda Jörgensdóttir, íþróttakona
Logi Stefánsson, viðskiptafræðinemi
Erling Edwald, framhaldsskólanemi
Pétur Melax, hagfræðingur
Sigurbjörg Nanna Vignisdóttir, laganemi
Tinna Eyvindardóttir, sálfræðinemi
Brynhildur Glúmsdóttir, framhaldsskólanemi
Stephanie Sara Drífudóttir, laganemi
Oliver Einar Norquist, framhaldsskólanemi
Hólmfríður Kolbrún Gunnarsdóttir, íþróttakona
Magnús Daði Eyjólfsson, viðskiptafræðingur
Alda María Þórðardóttir, hagfræðinemi
Geir Zoëga, viðskiptafræðingur

Sjálfstæðisflokkurinn Reykjavík

Tengdar fréttir

Leggja til sameiningu Reykjavíkur og Malmö

Heimdellingar leggja til að Reykjavík verði færð undir Malmö í sameinuðu sveitarfélagi Malmövíkur. Þannig megi bæta fjárhag borgarinnar.

22. ágúst 2023 14:42

Júlíus Viggó hafði betur í formannskosningu Heimdallar

Júlíus Viggó Ólafsson er nýr formaður Heimdallar, félags ungra Sjálfstæðismanna í Reykjavík. Hann hafði betur gegn Páli Orra Pálssyni, með 53 prósentum greiddra atkvæða gegn 47.

4. apríl 2023 22:30

Júlíus Viggó vill leiða Heimdall

Júlíus Viggó Ólafsson gefur kost á sér í formannsæti Heimdallar, félags ungra Sjálfstæðismanna í Reykjavík. Magnús Benediktsson er varaformannsefni framboðslistans en kosið verður í Valhöll á þriðjudaginn kemur.

31. mars 2023 21:24

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.