Hverfa aftur til fyrra skipulags aðgengis að Grindavík

Árni Sæberg skrifar 5. febrúar 2024 11:41

Íbúar munu hafa sex tíma til að athafna sig inni í bænum næstu daga. Vísir/Arnar

Á morgun, þriðjudaginn 6.febrúar, verður aftur farið í fyrra útgefið skipulag þar sem aðgengi að Grindavík verður með þeim hætti að íbúar fá fyrirframskilgreindan dag til að fara til Grindavíkur í lengri tíma en áður.

Þetta segir í fréttatilkynningu frá almannavörnum. Þar segir að skipulagi hafi verið breytt í framhaldi af uppfærðu hættumatskorti Veðurstofunnar þar sem fram hafi komið að líkurnar á kvikuhlaupi og eldgosi hefðu aukist.

Aðkoma að Grindavík næstu daga verði bæði um Suðurstrandarveg og Nesveg en þegar ekið er frá Grindavík verði það um Norðurljósaveg inn á Grindavíkurveg. Á lokunarpóstum verði starfsfólk sem skannar QR kóðann hjá öllum sem fara inn í bæinn, með þeim hætti sé vitað hversu margir eru í Grindavík hverju sinni

Byrjað hafi verið að sinna beiðnum um aðstoð og sú vinna haldi áfram þar til öllum beiðnum hefur verið sinnt. Þegar aðstoð við íbúa, sem hafa óskað efir henni verður veitt þá verði það óháð fyrirframákveðnum tímaáætlunum og hólfaskiptingu. Þegar íbúi fær boð um aðstoð fái hann QR kóða fyrir þann dag.

Kóðarnir virka áfram

Hér að neðan má sjá uppfærða tímaáætlun fyrir næstu daga. Í tilkynningu segir að þeir sem eiga þá tíma sem sjá má hér að neðan geti nýtt þá QR kóða sem þeir hafa þegar fengið.

Vinna við beiðnir fyrirtækja sé einnig í vinnslu en hér að neðan fram hvernig skipulagið er næstu daga.

Þriðjudagur 06.02. kl 09:00-15:00

Einstaklingar og einyrkjar:

V1(Árnastígur og Skipastígur)

V4 (Litluvellir, Hólavellir, Sólvellir, Blómsturvellir og Höskuldavellir)

G2 (Ásabraut 14 og 16, Fornavör, Suðurvör, Norðurvör og Staðarvör)

H1 (Víkurhóp nema númer 24,26 og 28)

I2 (Túngata að frátöldum húsum nr. 23 og 25)

Þórkötlustaðir (A1,2,3 og B1)

Fyrirtæki:

Fyrirtæki í V4 – haft samband við viðkomandi

G5 opið fyrir öll fyrirtæki

S4 opið fyrir fyrirtæki sem ekki eru X merkt á korti

Miðvikudagur 07.02 kl 09:00-15:00

Einstaklingar og einyrkjar:

G4 (Laut, Dalbraut, Víkurbraut 19, 21 og 21a)

V5 (Efstahraun, Gerðavellir 1,3,5,7,9,11,13,15) Iðavellir

L5 ( Borgarhraun, Arnarhraun, Hraunbraut, Skólabraut)

H3 (Norðurhóp, Víkurhóp 24,26 og 28)

I3 (Mánagata 1-15, Marargata, Ránargata og Mánasund)

Fyrirtæki:

I5 og I6

Fimmtudagur 8.02 kl. 09:00-15:00

Einstaklingar og einyrkjar (hólf):

Fyrirtæki – verið að fara yfir beiðnir.

Grindavík Eldgos og jarðhræringar Eldgos á Reykjanesskaga

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir