Erlent

Mót­mælendur skvettu súpu á Mónu Lísu

Sólrún Dögg Jósefsdóttir skrifar
Myndband af atvikinu má sjá neðar í fréttinni. 
Myndband af atvikinu má sjá neðar í fréttinni.  Skjáskot

Mótmælendur skvettu súpu á málverk Leonardo Da Vinci, Mona Lisa, á Louvre-safninu í París í dag. 

Málverkið hangir bak við skothelt gler á safninu og var því ekki meint af.

Á myndskeiði sjást tvær konur skvetta súpunni, önnur þeirra í stuttermabol sem á stendur „matarviðbrögð“.

Konurnar virðast hafa verið að mótmæla franska landbúnaðarkerfinu en á myndskeiði standa þær fyrir framan málverkið og segja meðal annars: „Landbúnaðarkerfið okkar er sjúkt“ og „Hvort er mikilvægara? List eða rétturinn til hollra og sjálfbærra matvæla?“

Bændur hafa fjölmennt í höfuðborginni París undanfarna daga og mótmælt háum eldsneytiskostnaði og bágum kjörum bænda. 

Myndskeiðið af atvikinu má sjá hér að neðan.

Frakkland Söfn Landbúnaður Myndlist
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið