Þetta staðfestir Grímur Grímsson yfirlögregluþjónn hjá miðlægri rannsóknardeild lögreglu í samtali við Vísi. Mbl.is greindi fyrst frá.
Grímur segir upplýst hver aðkoma mannanna sem sleppt var hafi verið að málinu.
„Og ekki talin ástæða til að halda þeim lengur,“ segir Grímur. Hann vildi ekki svara því hvers kyns mennirnir væru. Þeir væru hins vegar allir á þrítugsaldri. „Allt ungt,“ segir Grímur.
Ljóst verður á laugardagsmorgun hvort krafist verði gæsluvarðhalds yfir mönnunum sem enn sitja í haldi.
Grunur er um að árásin í Grafarvogi tengist annarri hnífstunguárás á Litla-Hrauni degi áður. Grímur segir það til skoðunar og samskipti við lögrelguna á Suðurlandi snúi meðal annars að því að upplýsa það.
