Inter styrkti stöðu sína á toppnum

Fyrir leikinn var Inter í efsta sæti deildarinnar með 25 stig á meðan Atalanta var í fimmta sætinu með 19 stig.

Inter náði forystunni undir lok fyrri hálfleiksins þegar liðið fékk víti. Á punktinn steig Tyrkinn Calhanoglu og skoraði af öryggi. Staðan 1-0 í hálfleiknum. 

Lautaro Martinez tvöfaldaði síðan forystu Inter á 57. mínútu og eftir það virtist sigur Inter óumflýjanlegur. 

Atalanta náði þó að klóra í bakkann með marki frá Gianluca Scamacca en nær komust þeir ekki og lokatölur því 2-1 fyrir Inter sem er komið með 28 stig á toppi Serie A.