Hermoso meðal tilnefndra sem besti leikmaður heims

Hermoso fékk óumbeðinn rembingskoss frá fyrrverandi dorseta spænska knattspyrnusambandsins, Luis Rubiales, eftir að Spánverjar tryggðu sér sinn fyrsta heimsmeistaratitil í kvennaflokki á dögunum. Málið dró heldur betur dilk á eftir sér og Rubiales hefur nú loks sagt af sér sem forseti sambandsins.

Nú beinist athyglin hins vegar aftur af knattspyrnuhæfileikum hinnar 33 ára gömlu Hermoso frekar en að því sem er að gerast utan vallar. Hermoso er ein af 16 leikmönnum sem tilnefndir eru sem leikmenn ársins hjá FIFA.

Hermoso er ein af fjórum úr heimsmeistaraliði Spánar sem tilnefndar eru, en þar að auki eru þær Aitana Bonmati, Maoi Leon og Salma Paralluelo tilnefndar. Bonmati var valinn leikmaður mótsins á HM og því verður að teljast að hún sé sigurstrangleg.

Þá verður besti þjálfari ársins og besti markvörður ársins einnig valinn, en Jorge Vilda, nú fyrrverandi þjálfari Spánar, er ekki tilnefndur.

Hér fyrir neðan má sjá tilnefningarnar.