Rúnar kom inn af bekknum og skoraði í tapi

Heimamenn í U Craiova tóku forystuna strax á fjórðu mínútu leiksins og aðeins tíu mínútum síðar var staðan orðin 2-0. Þriðja mark liðsins leit svo dagsins ljós á 21. mínútu og ljóst að brekkan var strax orðin ansi brött fyrir Rúnar og félaga.

Rúnar kom svo inn af varamannabekknum á 69. mínútu leiksins og var aðeins búinn að vera á vellinum í tæpar tíu mínútur þegar hann minnkaði muninn fyrir gestina. Það reyndist þó eina mark Voluntari í leiknum og niðurstaðan varð því 3-1 sigur U Craiova.

Rúnar og félagar sitja í öðru sæti deildarinnar með níu stig eftir fimm leiki, en U Craiova í því áttunda með sex stig.