Innlent

Kvöld­fréttir Stöðvar 2

Árni Sæberg skrifar
Erla Björg Gunnarsdóttir les fréttir í kvöld.
Erla Björg Gunnarsdóttir les fréttir í kvöld. Vísir

Í kvöldfréttum rýnum við í ágreininginn í viðræðum BSRB og sveitarfélaganna en í morgun sleit sáttasemjari viðræðum fulltrúa þeirra eftir aðeins klukkustundar fund, þar sem ekkert nýtt kom fram. 

Félögin ellefu í BSRB eiga digra verkfallssjóði og gætu því haldið félagsfólki sínu á launum í löngu verkfalli, sem nú þegar hefur valdið mikilli röskun á lífi fjölda fólks. Við heyrum í foreldrum í Hveragerði sem verkfallið hefur bitnað á.

Þúsundir manna eru á flótta frá heimilum sínum í Kherson héraði í Úkraínu eftir að stífla í vatnsaflsvirkjun brast í morgun. Úkraínumenn saka Rússa um að hafa sprengt stífluna en þeir þvertaka fyrir það.

Stjórnarandstaðan gefur lítið fyrir aðgerðir sem ríkisstjórnin kynnti í gær til að vinna gegn verðbólgunni, við heyrum fulltrúa hennar og stjórnarmeirihlutans.

Við skoðum ruslahaug sem samsvarar því magni af sorpi sem hver Íslendingur skilar af sér á hverju ári, sem er hvorki meira né minna en tæplega 670 kíló.

Magnús Hlynur sýnir okkur hrafnsunga sem komst einn af þegar hreiður foreldranna fauk úr tré.

Þetta og fleira á samtengdum rásum Bylgjunnar og Stöðvar 2 klukkan 18:30.

Kvöldfréttir Stöðvar 2
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið