Fótbolti

Enginn Dzeko í byrjunarliði Bosníu

Smári Jökull Jónsson skrifar
Flestir áttu von á Edin Dzeko í byrjunarliði Bosníumanna.
Flestir áttu von á Edin Dzeko í byrjunarliði Bosníumanna. Vísir/Getty

Edin Dzeko byrjar á varamannabekk Bosníumanna í kvöld en flestir áttu von á að þessi stærsta stjarna Bosníu yrði í fremstu víglínu í kvöld.

Bosníumenn hafa tilkynnt byrjunarliðið sem mætir Íslandi þar ytra nú í kvöld. Athygli vekur að Edin Dzeko, leikmaður Inter á Ítalíu, er ekki í byrjunarliði bosníska liðsins.

Dzeko hefur leikið 126 leiki fyrir bosníska landsliðið og skorað í þeim 64 mörk. Hann hefur leikið með liðum eins og Roma og Manchester City á sínum ferli og er án nokkurs vafa þekktasti leikmaðurinn í leikmannahópi Bosníu.

Benjamin Tahirovic er í byrjunarliði Bosníu en hann er tvítugur leikmaður Roma.


Tengdar fréttir




Fleiri fréttir

Sjá meira


×