Innlent

Stuðningur við ríkis­stjórnina aldrei verið minni

Bjarki Sigurðsson skrifar
Fulltrúar stjórnarflokkanna þriggja fyrir utan Ráðherrabústaðinn við Tjarnargötu. Þórdís Kolbrún Reykfjörð Gylfadóttir, utanríkisráðherra Sjálfstæðisflokksins, Willum Þór Þórsson, heilbrigðisráðherra Framsóknarflokksins, og Katrín Jakobsdóttir, forsætisráðherra Vinstri grænna.
Fulltrúar stjórnarflokkanna þriggja fyrir utan Ráðherrabústaðinn við Tjarnargötu. Þórdís Kolbrún Reykfjörð Gylfadóttir, utanríkisráðherra Sjálfstæðisflokksins, Willum Þór Þórsson, heilbrigðisráðherra Framsóknarflokksins, og Katrín Jakobsdóttir, forsætisráðherra Vinstri grænna. Vísir/Vilhelm

Fylgi ríkisstjórnarinnar minnkar um fjögur prósentustig í nýjum Þjóðarpúlsi Gallup og stendur nú í 42 prósentum. Stuðningur við stjórnarflokkana þrjá mælist fjörutíu prósent og minnkar um tvö prósentustig. 

Þjóðarpúls Gallup er netkönnun sem framkvæmd var dagana 1. til 28. febrúar. Heildarúrtaksstærð var 9.517 manns og var þátttökuhlutfall 49,6 prósent. 

Sá flokkur sem mælist með mesta fylgið er Samfylkingin með 24 prósent. Næst á eftir kemur Sjálfstæðisflokkurinn með 22,5 prósent en báðir flokkar missa fylgi frá síðustu skoðanakönnun, Samfylkingin 1,3 prósentustig og Sjálfstæðisflokkurinn eitt prósentustig. 

Píratar stökkva upp fyrir Framsókn og í þriðja sæti yfir vinsældir stjórnmálaflokka. Þeir mælast með 12,1 prósent fylgi og bæta við sig 1,7 prósentustigum á meðan Framsóknarflokkurinn tapar 0,5 prósentustigi og stendur í 10,8 prósentum. 

Viðreisn mælist með 7,7 prósent, Vinstri græn með 6,8 prósent, Flokkur fólksins með 5,6 prósent, Miðflokkurinn með 5,3 prósent og Sósíalistaflokkurinn með fimm prósent.

Þar með er stuðningur við ríkisstjórnarflokkana í 40,1 prósenti. 42 prósent svarenda sögðust styðja ríkisstjórnina og minnkar stuðningurinn um fjögur prósentustig. 

Skoðanakannanir Samfylkingin Sjálfstæðisflokkurinn Píratar Framsóknarflokkurinn Viðreisn Vinstri græn Flokkur fólksins Miðflokkurinn Sósíalistaflokkurinn Ríkisstjórn Katrínar Jakobsdóttur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið