Hádegisfréttir Bylgjunnar

Elísabet Inga Sigurðardóttir skrifar 5. febrúar 2023 11:37

Óvissustig Almannavarna er í gildi á Vestfjörðum og Norðurlandi vegna veðurs en spár um aftakaveður virðast ætla að ganga eftir. Gert er ráð fyrir hviðum allt að 50 metrum á sekúndu og segir sviðsstjóri Almannavarna nauðsynlegt að fólk haldi sig heima á meðan versta veðrið gengur yfir. Á Vestfjörðum er hætta á ofanflóðum en bæjarstjóri segir þau viðbúin eftir flóðin í janúar.

Rannsókn lögreglunnar í Manchester á máli knattspyrnumannsins Gylfa Þórs Sigurðssonar er lokið. Málið er komið inn á borð saksóknaraembættis bresku krúnunnar og er undir því komið hvort ákært verði í málinu eða það látið niður falla.

Fósturvísum verður ekki eytt sjálfkrafa við skilnað eða andlát ef að frumvarp heilbrigðisráðherra nær fram að ganga. Þingmaður Sjálfstæðisflokksins, sem hafði lagt fram eigið frumvarp, fagnar ákvörðuninni og segir þetta ógeðfellt ákvæði. Hún vildi þó ganga lengra og telur tilefni til að skoða rýmri heimild fyrir því að gefa fósturvísa.

Þá heyrum við í formanni Eflingar, fjöllum um njósnabelginn meinta sem skotinn var niður af Bandaríkjaher í gærkvöld og heyrum í eiganda bíls sem skitið var á í Kópavogi í nótt sem grunar að athæfið tengist nágrannaerjum.

Þetta og fleira í hádegisfréttum Bylgjunnar klukkan 12:00.

Hádegisfréttir Bylgjunnar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.