Blikar tóku forystuna stuttu fyrir hálfleikshléið og staðan var því 1-0 þegar liðin gengu til búningsherbergja. Guðmundur Tyrfingsson jafnaði hins vegar metin fyrir gestina með marki af vítapunktinum eftir rúmlega klukkutíma leik.
Íslandsmeistararnir bættu þó tveimur mörkum við á seinasta stundarfjórðungi leiksins og liðið vann því að lokum góðan 3-1 sigur. Patrik Johannesen skoraði eitt mark fyrir Blika og Stefán Ingi Sigurðarson tvö.
