Ingimar og Kristoffer eru báðir 19 ára gamlir, en KA greindi frá félagsskiptunum á samfélagsmiðlum sínum í dag. Ingimar hefur verið í röðum Viking frá árinu 2020, en þangað fór hann frá Fjölni. Hann skrifar undir þriggja ára samning við KA.

Kristoffer skrifar hins vegar undir lánssamning út næsta tímabil. Hann á að baki tvo leiki fyrir aðallið Viking. Þá hefur hann einnig verið í unglingalandsliðum Noregs og hefur meðal annars leikið fjóra leiki fyrir U18 ára liðið.