Innlent

Fjór­tán hand­teknir og einn látinn laus

Óttar Kolbeinsson Proppé skrifar
Margeir Sveinsson segir að um tíu til fimmtán manna sé enn leitað í tengslum við rannsóknina.
Margeir Sveinsson segir að um tíu til fimmtán manna sé enn leitað í tengslum við rannsóknina. vísir/egill

Lögregla handtók fjóra menn í tengslum við stunguárásina á Bankastræti Club í gærkvöldi og í nótt. Alls hafa nú fjórtán verið handteknir í tengslum við rannsókn málsins og fimm verið úrskurðaðir í gæsluvarðhald. Einum hefur verið sleppt úr haldi og býst lögregla við að fleirum verði sleppt í dag.

Þetta stað­festir Margeir Sveins­son, að­stoðar­yfir­lög­reglu­þjónn á höfuð­borgar­svæðinu, við frétta­stofu.

„Í heildina höfum við farið í fjór­tán hand­tökur. Einn er laus og það má búast við að fleirum verði sleppt í dag því við teljum ekki að þátt þeirra vera það mikinn í þessu,“ segir Margeir.

Alls eru hátt í þrjá­tíu taldir tengjast á­rásinni og leitar lög­regla enn hinna sem hafa ekki verið hand­teknir enn, um tíu til fimm­tán manna.

„Það voru hand­teknir fjórir í gær­kvöldi og í nótt. Einn af þeim gaf sig fram við lög­reglu eftir á­skorun lög­reglu. En það er ekki búið að taka af­stöðu [um gæsluvarðhaldskröfu] til þeirra en það er að fara fram skýrslu­tökur og þá kemur í ljós hvað verður með fram­haldið,“ segir Margeir.

„Við erum enn að leita hinna og við hættum þeirri leit ekkert fyrr en allir eru komnir í hús. Það er bara staðan.“ 

Æddu vopnaðir og grímuklæddir inn

Fimm voru úr­skurðaðir í gæslu­varð­hald í Héraðs­dómi Reykja­víkur í gær­kvöldi. Þrír þeirra voru úr­skurðaðir í tveggja vikna varð­hald en tveir í viku­langt varð­hald.

Mennirnir eru taldir hafa ætt inn grímu­klæddir á skemmti­staðinn Banka­stræti Club síðasta fimmtu­dags­kvöld og ráðist að þremur mönnum á neðri hæð staðarins og stungið þá í­trekað.

Tveir þeirra sem lentu í á­rásinni opnuðu sig um hana í dag:

Hafa náð vel utan um málið

Megináhersla lögreglu hefur verið lögð á að hafa upp á öllum sem taldir eru hafa komið að árásinni. 

„Samhliða höfum við verið að átta okkur á árásinni og hlutverki hvers og eins. En við höfum lagt mikla áherslu á að finna þessa menn og koma þeim hingað í hús. Og það er bara eitthvað sem við höldum áfram með þangað til við erum búin að ná öllum,“ segir Margeir.

Rannsóknin sé á frumstigi en hafi gengið vel. Hann telur ekki tímabært að ræða hvað gæti hafa legið að baki árásinni. 

„Það má segja að málið sé bara rétt á frumstigi þó að við höfum svona verið að ná tiltölulega vel utan um það samt sem áður.“



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.