Innlent

Rennslið náð há­marki og lækkar nú hægt

Vésteinn Örn Pétursson skrifar
Þessi mynd var tekin þegar flogið var yfir Grímsvötn í lok síðasta árs.
Þessi mynd var tekin þegar flogið var yfir Grímsvötn í lok síðasta árs. Vísir/RAX

Rennsli í Gígjukvísl hefur náð hámarki og fer nú hægt lækkandi. Engin merki eru um gosóróa í Grímsvötnum.

Þetta kemur fram á vef Veðurstofu Íslands, en upplýsingar um stöðuna í Gígjukvísl voru síðast uppfærðar klukkan 15. Rennslið náði hámarki í morgun og hefur vatnshæð við brúna á þjóðvegi númer 1 farið hægt lækkandi frá hádegi.

„Samhliða lækkandi vatnshæð hefur rafleiðni í ánni minnkað. Magn hlaupsvatns í ánni fer því minnkandi og ljóst að hlaupið er í rénun,“ segir á vef Veðurstofunnar.

Þar kemur einnig fram að nokkrir jarðskjálftar hafi mælst í Grímsvötnum í gærkvöldi og einn eftir miðnætti. Þrátt fyrir það sjást engin merki um aukna skjálftavirkni eða gosóróa. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.