Erlent

Hand­tekin eftir að tveir fundust látnir í íbúð í Sví­þjóð

Atli Ísleifsson skrifar
Ulricehamn er að finna um hundrað kílómetra austur af Gautaborg. Myndin er úr safni.
Ulricehamn er að finna um hundrað kílómetra austur af Gautaborg. Myndin er úr safni. Getty

Lögregla í Svíþjóð hefur handtekið karl og konu eftir að tveir karlmenn fundust látnir í íbúð í sænska bænum Ulricehamn í nótt. Hin handteknu eru grunuð um morð á mönnunum.

Christer Fuxborg, talsmaður lögreglu, segir í samtali við SVT að lögregla sé enn á vettvangi og búið sé að girða af svæði í kringum íbúðina. Enn sé ekki búið að bera kennsl á þá látnu. GP segir að hnífar hafi verið notaðir í árásinni.

Lögregla segir að þegar lögregla hafi mætt á vettvang hafi karl og kona verið í íbúðinni og þau verið handtekin vegna gruns um morð. Að sögn lögreglu séu öll þau sem við sögu koma ung að árum, þar af tvö yngri en átján ára.

Ulricehamn er að finna um hundrað kílómetra austur af Gautaborg.

Svíþjóð
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið