Nýtt hringtorg við Biskupstungnabraut tekið í notkun

Bjarki Sigurðsson skrifar 7. september 2022 12:05

Nýja hringtorgið við Biskupstungnabraut verður opnað á morgun. Vegagerðin

Nýr kafli Suðurlandsvegar og hringtorg við Biskupstungnabraut verða tekin í notkun á morgun. Framkvæmdir hófust í apríl árið 2020 og er verkefnið annar áfangi breikkunar Suðurlandsvegar.

Í tilkynningu á vef Vegagerðarinnar segir að framkvæmdir hafi gengið vonum framar og séu nokkuð á undan áætlun. Útlit er fyrir að umferð verði hleypt á allan kaflann fyrir árslok en eftir á að steypa brúargólf á tvær brýr, yfir Bakkárholtsá og við Kotströnd.

Kaflinn sem verður opnaður á morgun ásamt hringtorginu er fjögurra kílómetra langur og er frá Biskupstungnabraut í átt að Hveragerði.

Hér sést hvar ekið verður inn á nýja kafla Hringvegarins.Vegagerðin

Unnið er að því að steypa brúargólf í brúna yfir Bakkárholtsá.Vegagerðin

Samgöngur Umferðaröryggi Árborg Ölfus Hveragerði Vegagerð

Tengdar fréttir

Íslenskir aðalverktakar buðu lægst í breikkun hringvegarins um Ölfus

Íslenskir aðalverktakar áttu lægsta boð í breikkun sjö kílómetra kafla Suðurlandsvegar milli Selfoss og Hveragerðis. Tilboðsfrestur í þetta stærsta útboðsverk Vegagerðarinnar á þessu ári rann út í dag.

3. mars 2020 20:20

Breikkun sjö kílómetra kafla milli Selfoss og Hveragerðis boðin út

Vegagerðin hyggst fyrir lok mánaðarins bjóða út stærsta útboðsverk sitt á árinu, breikkun sjö kílómetra kafla Suðurlandsvegar um Ölfus, 2+1 veg með aðskildum akstursstefnum.

12. janúar 2020 22:00

Tilvalið að ráðast í úrbætur nú þegar ferðamenn eru færri

Ráðast ætti í umfangsmiklar úrbætur á vegum landsins nú þegar dregið hefur verulega úr umferð með fækkun ferðamanna. Þetta segir sveitarstjóri Bláskógabyggðar og að þegar sé hafin uppbyggingu á ferðamannastöðum í sveitarfélaginu.

3. maí 2020 10:57

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.