Foreldrar ekki að missa móðinn

Árni Sæberg og Kristín Ólafsdóttir skrifa 6. september 2022 22:12

Ingi Bekk var meðal þeirra foreldra sem mættu með börn sín á palla ráðhússins í dag. Stöð 2

Í dag komu foreldrar barna, sem ekki fá pláss á leikskólum Reykjavíkurborgar, með börn sín á palla ráðhússins og mótmæltu ástandinu í leikskólamálum. Öllu færri mættu í dag en á fyrri tvö mótmælin sem haldin hafa verið. Foreldrar þvertaka þó fyrir að þeir séu að missa móðinn.

Fyrsti borgarstjórnarfundur eftir sumarfrí borgarstjórnar var haldinn í dag og var friður til fundarhalda rofinn af börnum sem ættu að hafa verið á leikskóla. Það hefur gerst tvisvar áður en í þetta skipti voru færri börn mætt ásamt foreldrum sínum.

Borgarfulltrúar meirihlutans segja að þær tillögur sem kynntar voru í ágúst, til að stemma stigu við leikskólavandanum, séu í vinnslu og gangi raunar vel.

„Það er að saxast á“

„Ég get sagt þér að það eru 200 pláss laus. Þá spyr maður sig, það eru 200 pláss laus en það vantar pláss. 200 pláss eru laus vegna þess að við erum ekki komin með alla vissu um það hverjir ætla að taka pláss og svo er það mönnunarvandi. Þannig það er að saxast á,“ segir Árelía Eydís Guðmundsdóttir, formaður skóla- og frístundaráðs, í samtali við fréttastofu.

Samkvæmt nýjustu tölum frá skóla- og frístundasviði á eftir að ráða í 122 stöðugildi á leikskólum borgarinnar. Mönnum hafi þó ekki áhrif á inntöku nema 45 leikskólabarna.

Öllu fleiri börn bíða í frístundamálunum, þar vantar pláss fyrir 936 grunnskólabörn á frístundaheimili eða sambærilegu úrræði. Því er ljóst að vandinn einskorðast ekki við leikskólana.

Kennir góða veðrinu um

Sem áður segir mættu færri mótmælendur á mótmælin í dag en þegar álíka mótmæli hafa verið haldin undanfarið. En þýðir það að foreldrar séu að missa dampinn eða vandinn sé að leysast?

„Alls ekki,“ segir Ingi Bekk, faðir og mótmælandi í ráðhúsinu. „Ég kenni nú góða veðrinu um til að byrja með en ég veit að það er fullt af foreldrum sem á í þessum vanda. Ef við segjum sem svo að það séu 300 börn á þessum biðlistum þá eru 600 foreldrar sem eiga í þessum vanda. Og við erum ekki að missa móðinn, alls ekki. Heldur algjörlega í hina áttina og ætlum okkur að fjölmenna hérna á pallanna í nánustu framtíð,“ segir Ingi.

Rætt var við þau Árelíu og Inga í lok innslagsins hér að neðan:

Leikskólar Reykjavík Borgarstjórn Skóla - og menntamál

Tengdar fréttir

Segir manneklu í leikskólunum stærsta vandamálið

Það er fyrst og fremst mannekla sem veldur því að ekki er hægt að bjóða fleiri börnum leikskólapláss en raun ber vitni.

29. ágúst 2022 06:51

Langþreyttir foreldrar leikskólabarna í Reykjavík

Til þeirra sem málið varðar. Ég er foreldri tveggja barna á leikskólaaldri. Yngri sonur minn er að hefja skólagöngu sína í leikskóla hjá Reykjavíkurborg núna á föstudaginn, hann er rúmlega tveggja ára. Eldri sonur minn er að hefja síðasta vetur sinn á leikskólanum.

7. september 2021 14:31

Eldræða Kristínar Tómasdóttur: „Þið eruð að pakka þessu inn í óskiljanlegar tölur“

Kristín Tómasdóttir, sem farið hefur fyrir hópi foreldra í mótmælum í ráðhúsi Reykjavíkur vegna neyðarástands sem skapast hefur í leikskólamálum, segir tillögur meirihlutans sem kynntar voru í dag ekki nægja. Þar sé engin svör að fá um hvenær börnin þeirra komist á leikskóla.

18. ágúst 2022 14:42

Kristín komin með vilyrði fyrir leikskólaplássi en það mun ekki þagga niður í henni

Hún fékk nóg af gagnslausum skýringum og sinnuleysi í leikskólamálum og ákvað að taka málin í sínar hendur.

24. ágúst 2022 11:31

Tilkynning um pláss á leikskóla dregin til baka skömmu síðar

Fjölmargir foreldrar héldu að löng bið eftir leikskólaplássi hafi tekið enda í gær er þau fengu tilkynningu frá Ævintýraborgum í Nauthólsvík um að tekið verði á móti börnum viðtakenda í byrjun september.

24. ágúst 2022 11:39

Nemendur Ævintýraborgar þurfa að láta Öskjuhlíðina duga til að byrja með

Öskjuhlíðin verður fyrst um sinn vettvangur útivistar þeirra barna sem innritast í leikskólann Ævintýraborg við Nauthólsveg. Leikskólalóðin mun sitja á hakanum svo klára megi vinni við húsnæðið.

18. ágúst 2022 21:47

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.