Guðrún Aspelund er starfandi sóttvarnalæknir á meðan Þórólfur Guðnason er í fríi.vísir/arnar
Bólusetning gegn apabólunni hófust í vikunni en aðeins fjörutíu skammtar bóluefnis hafa borist til landsins. Ekkert bóluefni gegn apabólu hefur hlotið markaðsleyfi í Evrópu en bóluefni sem ætlað er gegn bólusótt er talið veita vernd gegn apabólu.
Fjörutíu skammtar af bóluefninu Jynneos voru veittir í vikunni, að því er kemur fram í frétt Morgunblaðins. Þar er haft eftir Guðrúnu Aspelund, starfandi sóttvarnalækni, að von sé á fleiri skömmtum bóluefnis frá Evrópusambandinu. Áður hefur verið greint frá því að alls muni fjórtán hundruð skammtar efnis berast hingað til lands.
Í bréfi til bólusettra, sem lesa má á vef Landlæknis, segir að mælt sé með að fólk í áhættuhópum og útsettir þyggi bólusetningu með Jynneos.
Einn greindist smitaður af apabólunni í gær og nú hafa tíu í heildina greinst smitaðir.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
