Brasilía er áfram á toppi listans og Belgía situr sem fastast í öðru sæti. Eftir slakt gengi í Þjóðadeildinni fellur Frakkland niður í fjórða sæti á kostnað Argentínu. England er svo á sínum stað í fimmta sæti.

Kasakstan er það lið sem tekur hvað stærst stökk en landið fer upp um 11 sæti og situr nú í 114. sæti listans.

Ekki er langt síðan FIFA birti uppfærðan lista hjá landsliðum kvenna og þar fór Ísland upp um eitt sæti. Situr íslenska kvennalandsliðið nú í 17. sæti.