Innlent

Sjálf­stæðis­flokkur og Fram­sókn bættu við sig eftir endur­talningu

Vésteinn Örn Pétursson skrifar
Tvö atkvæði sem áður höfðu verið talin sem ógild féllu B- og D- listum í skaut eftir endurtalningu.
Tvö atkvæði sem áður höfðu verið talin sem ógild féllu B- og D- listum í skaut eftir endurtalningu. Getty

Endurtalningu atkvæða í sveitarstjórnarkosningunum í Húnaþingi vestra er lokið. Ráðist var í endurtalningu þar sem aðeins munaði tveimur atkvæðum á því að N-listi Nýs afls í Húnaþingi vestra hefði náð inn þriðja manni í sveitarstjórn, á kostnað þriðja manns B-lista Framsóknarflokks og annarra framfarasinna.

Við endurtalningu komu up tvö frávik frá fyrri talningu þar sem tvö áður ógild atkvæði voru talin gild. Annað þeirra féll í skaut D-lista Sjálfstæðismanna og óháðra en hitt var greitt B-lista Framsóknar og annarra framfarasinna í Húnaþingi vestra. Þetta staðfestir Ragnheiður Sveinsdóttir, formaður yfirkjörstjórnar í sveitarfélaginu.

Niðurstaða endurtalningar hafði því ekki áhrif á niðurröðun fulltrúa. Hér að neðan má sjá lokatölur eftir endurtalninguna:

  • B listi Framsóknar og annarra framfarasinna í Húnaþingi vestra 217 atkvæði
  • D listi Sjálfstæðismanna og óháðra 196 atkvæði
  • N listi Nýs afls í Húnaþingi vestra 214 atkvæði
Húnaþing vestra Sveitarstjórnarkosningar 2022 Sjálfstæðisflokkurinn Framsóknarflokkurinn

Tengdar fréttir

Mest lesið


Fleiri fréttir

Sjá meira


×

Mest lesið