Innlent

Setja 750 milljónir í við­brögð við fé­lags- og heilsu­fars­af­leiðingum Co­vid

Hallgerður Kolbrún E. Jónsdóttir skrifar
Ráðist verður í aðgerðir til að bregðast við félags- og heilsufarslegum áhrifum faraldursins.
Ráðist verður í aðgerðir til að bregðast við félags- og heilsufarslegum áhrifum faraldursins. Vísir/Vilhelm

Stjórnvöld ætla að verja allt að 750 milljónum króna á þessu ári í sértækar aðgerðir til að mæta félags- og heilsufarslegum afleiðingum kórónuveirufaraldursins. Ríkisstjórnin ákvað þetta á síðasta fundi sínum fyrir páska. 

Þetta kemur fram í tilkynningu frá stjórnarráðinu. Þar segir að frá upphafi heimsfaraldurs hafi verið lögð áhersla á að vinna gegn félagslegum og heilsufarslegum áhrifum faraldursins, sérstaklega á viðkvæma hópa og þetta sé liður í þeim aðgerðum. 

Þar að auki hafi aðgengi að geðheilbrigðisþjónustu verið aukið  og framlög til þeirra málefna aukin um tæða 2,2 milljarða á mean faraldurinn stóð sem hæst. Þau framlög muni hækka varanlega í áföngum um 1.650 milljónir til ársins 2025. 

Aðgerðirnar flokkast í níu verkefni sem ráðist verði í til að styðja meðal annars við aldraða, þolendur og gerendur kynferðis- og heimilisofbeldis, fatlaða og börn í viðkvæmri stöðu. Úttektir sem hafi verið geðrar sýni fram á að faraldurinn, sóttvarnaaðgerðir og efnahagslegur samdráttur sem í kjölfarið fylgdi hafi bitnað verst á fólki sem glímdi við erfiðleika eða tilheyrði viðkvæmum hópum. 

Ráðist verður í eftirfarandi verkefni á þessu ári, skipt niður eftir ráðuneytum: 

Félags- og vinnumarkaðsráðuneytið

  • Stuðningur við félagsstarf aldraðra, 60 m.kr.
  • Stuðningur við hópa í viðkvæmri stöðu, 80 m.kr.
  • Úrræði fyrir gerendur og þolendur kynferðis- og heimilisofbeldis, 45 m.kr.
  • Aukið félagsstarf fatlaðs fólks, 95 m.kr.

Mennta- og barnamálaráðuneytið

  • Stuðningur við börn í viðkvæmri stöðu, 130 m.kr.
  • Stytting biðlista vegna nauðsynlegrar þjónustu fyrir börn og barnafjölskyldur, 100 m.kr.

Háskóla-, vísinda- og nýsköpunarráðuneytið

  • Heilbrigðistækni til að auka skilvirkni og bæta þjónustu, 60 m.kr.

Heilbrigðisráðuneytið

  • Barna- og unglingageðdeild Landspítala og barna- og unglingageðteymi Sjúkrahússins á Akureyri, 60 m.kr.
  • Geðheilsuteymi í heilsugæslu, 120 m.kr.

Tengdar fréttir

Ferðamenn streyma til landsins á ný

Mikið líf er í miðbænum um þessar mundir og ferðamenn farnir að streyma til landsins á ný. Sól og blíða var víða á höfuðborgarsvæðinu í dag og ræddi fréttastofa við nokkra ferðamenn í tilefni dagsins.

COVID stærsta ógn sem börn hafa staðið frammi fyrir

Á þriðja ári heimsfaraldurs kórónuveirunnar eru skólar í 23 löndum, með rúmlega 400 milljónir skólabarna, enn ekki starfandi að öllu leyti. Þegar er ljóst að fjölmörg börn snúa ekki aftur til náms. UNICEF, Barnahjálp Sameinuðu þjóðanna, segir í nýrri skýrslu um afleiðingar COVID-19 að börn hafi ekki staðið frammi fyrir stærri ógn í heiminum í 75 ára sögu stofnunarinnar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×