Hádegisfréttir Bylgjunnar

Þá förum við yfir nýjustu vendingar í Úkraínu. Úkraínumenn undirbúa sig nú undir hörð átök gegn rússneskum hersveitum í austurhluta landsins.

Við ræðum við slökkviliðsmann sem segir okkur frá brunanum í Reykjanesbæ. Enn er unnið að því að slökkva eld sem kom upp í flokkunarhúsi í Helguvík í gær. Húsið brann til grunna en nú logar í timburhrúgu sem var við hlið þess.

Fyrri umferð frönsku forsetakosninganna fer fram í dag. Búist er við því að Emmanuel Macron, sitjandi forseti, og Marine Le Pen, muni kljást um embættið í seinni umferðinni, líkt og þau gerðu árið 2017.

Þetta og margt fleira í hádegisfréttum Bylgjunnar á slaginu klukkan 12.00.