Fjörðurinn Lyngen er vinsælt skíðasvæði. Myndin tengist fréttinni ekki beint.Carlo Morucchio/REDA&CO/Universal Images Group via Getty Images
Þrír eru látnir eftir að snjóflóð féll í firðinum Lyngen í Troms í Noregi í dag.
Fjölmennt björgunarlið var sent á vettvang eftir að útkallið barst, síðdegis í dag.
Hinir látnu voru hluti af níu manna hópi ferðamanna sem var í ferð á svæðinu, sem er vinsæll áfangastaður ferðamanna.
Í frétt á vef VG segir að læknir, sem flogið var með björgunarliði á vettvang, hafi úrskurðað þau þrjú sem lentu í flóðinu látna. Samkvæmt frétt VG er ekki talið að fleiri hafi lent í snjóflóðinu.
Fjöldi snjóflóða hefur fallið í firðinum sem og víðar í Noregi. Einn fórst og fjórir slösuðust í snjóflóði sem féll í Lyngen í síðustu viku. Íslendingur var á meðal þeirra sem slasaðist í því snjóflóði.
Einn fórst og þrír slösuðust í snjóflóði sem féll í firðinum Lyngen í Troms í Noregi um kvöldmatarleytið í gærkvöldi. Um var að ræða hóp erlendra ferðamanna en einn til viðbótar komst úr flóðinu án meiðsla.
Íslenskur ríkisborgari var í hópi þeirra sem slösuðust í snjóflóði í Lyngen í Troms í Noregi í gær. Einn maður fórst og fjórir slösuðust í snjóflóðinu.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
