Enginn lést í árásinni en einn almennur borgari særðist og einhverjar skemmdir urðu, segir innanríkisráðuneyti Kúrda. 

Reuters hefur eftir íröskum embættismanni að sannanir liggi fyrir um að eldflaugarnar hafi verið framleiddar í Íran. Enginn hefur gengist við árásinni en íranskur fréttaritari í Írak segir árásinni hafa verið beint að „leynilegum ísraelskum herstöðvum.“

Utanríkisráðuneyti Bandaríkjanna hefur staðfest árásina en í tilkynningu þess segir að engan Bandaríkjamann hafi sakað og að byggingar Bandaríkjanna í borginni hafi ekki beðið skemmdir.

Myndband sem sagt er sýna öflugar sprengingarnar í Erbil í nótt er í dreifingu á Twitter.