Risasigur Þjóðverja í riðli Íslands | Króatar skoruðu sjö

Útlitið varð svart fyrir Liechtenstein strax á níundu mínútu gegn Þjóðverjum þegar Jens Hofer fékk dæmda á sig vítaspyrnu fyrir ljótt brot á Leon Goretzka. Brotið var reyndar svo ljótt að Hofer fékk að líta beint rautt spjald og gestirnir þurftu því að spila seinustu 80 mínúturnar manni færri.

Ilkay Gundogan fór á punktinn fyrir Þjóðverja og kom heimamönnum í 1-0. Eftir tuttugu mínútna leik var staðan orðin 2-0 eftir að Daniel Kaufmann varð fyrir því óhappi að setja boltann í eigið net, og þremur mínútum síðar var staðan orðin 4-0 eftir mörk frá Leroy Sane og Marco Reus.

Þannig var staðan í hálfleik, en Leroy Sane bætti við sínu öðru marki á 49. mínútu, áður en Thomas Müller kom Þjóðverjum í 6-0 rúmum tíu mínútum fyrir leikslok. 

Ridle Baku skoraði sjöunda mark Þjóðverja á 80. mínútu og Thomas Müller var svo aftur á ferðinni stuttu fyrir leikslok og breytti stöðunni í 8-0.

Maximilian Goppel gulltryggði svo endanlega 9-0 stórsigur Þjóðverja þegar hann setti boltann í eigið net á 89. mínútu.

Á sama tíma unnu Króatar öruggan 7-1 útisigur gegn Möltu, en gestirnir skoruðu öll mörk leiksins.

Ivan Perisic og Duje Caleta-Car komu Króötum í 2-0 eftir rúmlega tuttugu mínútna leik, áður en Marcelo Brozovic minnkaði muninn fyrir heimamenn með því að setja boltann í eigið net á 32. mínútu.

Mario Pasalic og Luka Modric sáu þó til þess að staðan gestirnir fóru með örugga forystu inn í hálfleikinn með því að koma Króötum í 4-1.

Tvö mörk frá Lovro Majer og eitt frá Andrej Kramaric gerðu svo algjörlega út um leikinn í seinni hálfleik og Króatar fögnuðu því ansi sannfærandi 7-1 sigri.