Réðust á mann vopnaðir öxi og kúbeini

Óttar Kolbeinsson Proppé skrifar 24. október 2021 17:11

Þóra Jónasdóttir, aðstoðaryfirlögregluþjónn hjá lögreglunni á höfuðborgarsvæðinu. vísir/egill

Lögregla handtók þrjá vegna alvarlegrar líkamsárásar í Reykjavík aðfaranótt laugardags. Mennirnir voru vopnaðir bæði kúbeini og öxi en að sögn Þóru Jónasdóttur, aðstoðaryfirlögregluþjóns á höfuðborgarsvæðinu, er ekki ljóst hvort báðum vopnum hafi verið beitt í árásinni.

Þolandinn var fluttur á slysadeild með áverka á höfði en er að sögn Þóru ekki mjög alvarlega slasaður – að minnsta kosti ekki í lífshættu. RÚV greindi fyrst frá málinu.

Einn árásarmannanna var úrskurðaður í gæsluvarðhald til 2. nóvember. Þóra segir að það sé vegna síbrota.

Lögregla þekki vel til nokkurra þeirra sem áttu hlut að málinu.

Þóra gat ekki sagt meira um málið, til dæmis hver aðdragandi árásarinnar hafi verið. „Þetta er bara í rannsókn eins og stendur. Og rannsókninni miðar vel.“

Lögreglumál Reykjavík

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.