Það var mikil spenna fyrir leik eins og alltaf þegar að þessi tvö stórlið í handboltanum mætast. Magdeburg taplaust eftir sjö umferðir sem og Kiel sem hafði reyndar gert tvö jafntefli.
Það var Kiel sem byrjaði leikinn betur og komst í 4-1 og síðan í 7-4. Þá tóku leikmenn Magdeburg við sér og jöfnuðu leikinn í 8-8 og komust svo yfir, 8-10. Staðan í hálfleik var svo 15-16 og ljóst að síðari hálfleikurinn yrði afar spennandi.
Þær grunsemdir reyndust algerlega á rökum reystar og leikurinn var í járnum allan tíma, alveg þar til á lokakaflanum að Magdeburg seig framúr og sigraði að lokum með tveimur mörkum, 27-29. Frábær sigur hjá Magdeburg sem er á toppnum með átta sigra í átta leikjum en Kiel er í þriðja sæti deildarinnar. Markahæstur hjá Magdeburg var Ómar Ingi Magnússon með sex mörk. Gísli Þorgeir Kristjánsson skoraði tvö. Markahæstur hjá Kiel var Niclas Ekberg.
