Erlent

Hyggjast heimila varðveislu eggja, sæðis og fósturvísa í 55 ár

Hólmfríður Gísladóttir skrifar
Breytingin mun gera konum kleift að frysta egg snemma, jafnvel þótt þær hyggist ekki eignast barn fyrr en eftir mörg ár.
Breytingin mun gera konum kleift að frysta egg snemma, jafnvel þótt þær hyggist ekki eignast barn fyrr en eftir mörg ár.

Til stendur að heimila varðveislu frosinna eggja, sæðis og fósturvísa í allt að 55 ár í Bretlandi. Hingað til hefur hámarks varðveislutíminn verið tíu ár en ráðamenn segja breytinguna munu veita einstaklingum meira val um það hvenær þeir stofna fjölskyldu.

Eins og sakir standa eru reglurnar þannig að þegar tíu ár eru liðin frá því að egg, sæði eða fósturvísar eru frystir þurfa eigendur þeirra að gera upp við sig hvort þeir vilja nota þá eða farga þeim. 

Á þessu eru þó undantekningar, t.d. þegar frumur hafa verið varðveittar vegna þess að viðkomandi hefur gengist undir lyfjameðferð við krabbameini.

Samkvæmt nýja kerfinu yrði fólk innt eftir því á tíu ára fresti hvort það vildi nota frumurnar, láta farga þeim eða varðveita lengur. Sérstakar reglur munu gilda um gjafir frá þriðja aðila og þau tilvik þegar um er að ræða frumur eða fósturvísa einstaklinga sem hafa fallið frá.

Sérfræðingar segja að því fyrr sem kona læstur frysta egg, því meiri líkur séu á því að vel gangi að frjóvga það síðar meir. Umræddar breytingar muni gera það að verkum að konur geta valið að láta frysta egg snemma, jafnvel þótt þær ætli ekki að nota það fyrr en að mörgum árum liðnum.

Bretland Frjósemi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið