Göngumaður sem leitað var að á Seyðisfirði í dag fannst látinn í hlíðum Strandartinds á áttunda tímanum í kvöld. Um erlendan ferðamann er að ræða sem talið er að hafi fallið í klettum.
Þetta kemur fram í tilkynningu frá lögreglunni á Austurlandi sem fer með rannsókn málsins. Embættið hyggst ekki gefa frekari upplýsingar að svo stöddu.
Leit hófst upp úr hádegi í dag eftir að félagar mannsins misstu við hann símasamband en hann var á leið á Strandartind. Minnst sextíu björgunarsveitarmenn af Austurlandi og Norðurlandi eystra tóku þátt í leitinni. Hún náði yfir erfitt svæði sem einkennist af klettum og bröttum hömrum.
Í tilkynningu þakkar lögreglan fyrir aðstoð björgunarsveita sem fór fram við erfiðar aðstæður.
Leit stendur yfir af manni sem lagði af stað í fjallgöngu á Strandatindi á Seyðisfirði í morgun. Maðurinn er einn á ferð en óskað var eftir aðstoð lögreglu þegar félagar hans misstu við hann símasamband um hádegisbil.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
