Hátt í sjötíu björgunarsveitarmenn leita fjallgöngumanns á Austfjörðum

Eiður Þór Árnason skrifar 2. september 2021 19:21

Maðurinn hóf för sína á Seyðisfirði. Vísir/vilhelm

Leit stendur yfir af manni sem lagði af stað í fjallgöngu á Strandatindi á Seyðisfirði í morgun. Maðurinn er einn á ferð en óskað var eftir aðstoð lögreglu þegar félagar hans misstu við hann símasamband um hádegisbil.

Maðurinn var á leið frá Seyðisfirði á Strandatind og hafa hátt í sjötíu björgunarsveitarmenn tekið þátt í leitinni í dag, að sögn Davíðs Más Bjarnasonar, upplýsingafulltrúa Landsbjargar. Viðbótarmannskapur var kallaður til um klukkan sex sem hefur þjálfun og reynslu af leit í fjalllendi.

Kallar á þrautþjálfað fólk

Svæðið er erfitt yfirferðar og einkennist af klettum og bröttum hömrum. Björgunarsveitir frá Austurlandi og Norðurlandi eystra taka þátt í leitinni.

„Þetta kallar á það að fólk sé vant að vinna í þessum aðstæðum svo það geti tryggt eigið öryggi og annarra,“ segir Davíð.

Líklegast verði leitað fram í myrkur og staðan svo endurmetin í samráði við lögreglu ef ekkert verður búið að breytast.

Björgunarsveitir Múlaþing

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.