Allur leik­skólinn sendur í sótt­kví

Alls eru 88 pláss á leikskólanum sem skiptist í fjórar deildir. Þrátt fyrir aðskildar deildir mat stjórn leikskólans í samráði við rakningarteymi það svo að öll börn og starfsfólk hafi verið útsett fyrir smiti.

„Við höfum farið yfir stöðuna með rakningarteyminu og í ljósi aðstæðna fara öll börn og starfsmenn í sóttkví. Reglur um sóttkví frá rakningateymi má sjá hér fyrir neðan. Erfitt er að halda skólanum alveg hólfa skiptum þar sem aðlögun er að byrja og börnin eru að færast á milli deilda og við að taka inn ný börn,“ segir í tilkynningu sem leikskólastjóri sendi til foreldra.

Að því er fram kemur á vef Ríkisútvarpsins fara öll börnin í sýnatöku á þriðjudag.