Innlent

Girða fyrir allar smugur eftir að barn slapp út

Tryggvi Páll Tryggvason skrifar
Lundarsel er meðst fyrir miðju á þessari mynd. Barnið fannst á KA-svæðinu, efst fyrir miðju. Um 200-300 metrar eru frá leikskólanum á íþróttasvæði KA.
Lundarsel er meðst fyrir miðju á þessari mynd. Barnið fannst á KA-svæðinu, efst fyrir miðju. Um 200-300 metrar eru frá leikskólanum á íþróttasvæði KA. Map.is

Gengið verður vel úr skugga um að það endurtaki sig ekki að leikskólabarn sleppi út af leikskólalóð Lundarsels á Akureyri eftir að leikskólabarn slapp út um hlið á leikskólalóðinni í gær. Barnið fannst skömmu eftir að það slapp út á íþróttasvæði KA, skammt frá leikskólanum.

Björg Sigurvinsdóttir, skólastjóri Lundarsels, staðfestir þetta í samtali við Vísi. Segir hún að svo virðist sem að misskilningur hafi orðið í talningu á börnum þegar þau komu inn eftir útiveru sem varð til þess að ekki uppgötvaðist strax að barnið hefði sloppið út. Virðist það hafa sloppið út um hlið sem á, eins og öll hlið á leikskólalóðum, að vera lokað á leikskólatíma.

Segir Björg að allt verði gert til að tryggja að þetta geti ekki endurtekið sig, starfsmenn séu í áfalli en allir séu þakklátir fyrir að barnið hafi ekki farið lengra en út á næsta knattspyrnuvöll, þar sem það fannst, á KA-svæðinu. Leikskólinn er staðsettur um 200-300 metra frá íþróttasvæði KA.

„Þeir [iðnaðarmenn] komu strax og fóru að laga hliðin og ég er búinn að fara í gegnum starfsmannahópinn, í gegnum verklagsreglurnar. Þetta má bara ekki misfarast, að telja börnin inn,“ segir Björg og bætir við að einnig verði farið yfir hlið skólans til að tryggja að þau verði ekki skilin eftir opin, girt verði fyrir allar mögulegar smugur.

„Þetta skal aldrei endurtaka sig þannig að það verður bara gjörsamlega gert þannig að það sé enginn möguleiki að þetta geti gerst.“

Skóla - og menntamál Akureyri Leikskólar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið