Segir kulnun og atgervisflótta í læknastéttinni Hólmfríður Gísladóttir skrifar 22. júní 2021 14:30 „Ekki möguleiki,“ svaraði Theódór spurður að því hvort Landspítalinn gæti annað umframeftirspurn vegna lokunar Domus Medica. „Læknar eru bara orðnir mjög þreyttir. Þeir geta ekki hlaupið hraðar og það er ákveðin kulnun og atgervisflótti í læknastéttinni.“ Þetta segir Theódór Skúli Sigurðarson svæfinga- og gjörgæslulæknir og forsvarsmaður undirskrifasöfnunar meðal lækna. Læknarnir skora á heilbrigðisráðherra að grípa til aðgerða til að bæta stöðuna á Landspítalanum og heilbrigðiskerfinu öllu. Theódór sagði í samtali í Bítínu í morgun að um væri að ræða gamla tuggu en ítrekuð áköll hljómuðu fyrir daufum eyrum. „Nú erum við náttúrulega að koma út úr heimsfaraldri. Þetta er búið að vera erfitt tímabil, það er búið að reyna á alla; alla þjóðina og heilbrigðisstarfsmenn. Og nú þegar við eygjum ljósið í myrkrinu; við erum að komast út úr þessu, þá taka við hinar reglubundnu sparnaðaraðgerðir og krafan um sparnaðaraðgerðir. Aftur á móti eigum við að hlaupa hraðar og bregðast hraðar við og ekkert má fara úrskeðis. Biðlistarnir hafa aldrei verið lengri og einhvern veginn er okkur ekki að takast að vinda ofan af þessu,“ segir Theódór. Hann segir vandann öðrum þræði þann að ítrekað sé ráðist í kerfisbreytingar án samráðs, sem þarf svo átak til að vinda ofan af. „Ég held að maður kæmist miklu lengra ef maður byrjaði strax að tala saman. Ef byrjað væri á samtalinu þá væri allt efektívara og við kæmumst lengra.“ Úr þrettán plássum í tíu fyrir sumarið Theódór sagði skorta á að horft væri lengra fram á veginn og sagði sömuleiðis sakna þess að rætt væri við heilbrigðisstarfsfólk og einnig fólkið í landinu. Yfirgnæfandi meirihluti þjóðarinnar hefði kallað eftir því á sínum tíma að 11 prósentum landsframleiðslunnar yrði varið til heilbrigðismála en það hefði ekki raungerst. Þá sagði hann einnig eitthvað skorta á samskiptin milli forstjóra Landspítala og fjármálaráðherra, þar sem ítrekað væri skorið niður þar sem ekkert mætti útaf bera. „Við getum tekið sem dæmi mitt nærumhverfi, sem er gjörgæslan. Frá því að ég kom heim frá Svíþjóð, ég var þar í tíu ár, búinn að vera hér í fjögur ár á Landspítalanum, hef ég ítrekað talað fyrir því, í gegnum læknaráð sáluga forðum og svo í blöðum og annað, að gjörgæslupláss á Íslandi séu of fá. Við erum sem sagt í neðsta sæti yfir gjörgæslupláss í Evrópu, það er staðreynd,“ segir Theódór. „Við vorum á Landspítalanum með þrettán rými í Covid-faraldrinum og þökk sé sóttvarnaraðgerðum og samhentu átaki almennings þá gátum við haldið utan um þetta. Nú eru það boðin sem berast eftir þetta, inn í sumarið, að við eigum að fara úr þrettán plássum í tíu pláss. Og það er eiginlega óvinnandi vegur. Þessi pláss duga varla til í eðlilegu árferði og núna eru Íslendingar komnir á ferð og landið að fyllast af túristum.“ Eru ekki að sjá meiri pening á gólfinu Theódór segir álagið sýnilegt á gjörgæslunni; bráðalæknar hafi verið að hætta og námslæknar í bráðalækningum að velja sér annað sérnám. Áhuginn á því að snúa aftur heim eftir sérnám erlendis fari minnkandi, enda atvinnumöguleikarnir takmarkaðir. „Sú stefna sem sett er af stjórnmálunum er að sauma að stofurekstri og einkarekstri og miða meira inn á heilbrigðisrekstur hins opinbera. Og þar af leiðandi eru atvinnumöguleikar manna minni,“ segir hann. Spurður að því hvort hann teldi ástandið myndu lagast að einhverju marki með nýjum spítala sagði Theódór ákveðið sinnuleysi hafa ríkt varðandi heilbrigðismálin í marga áratugi. Spítalinn væri að rísa of seint og helsti vandinn, skortur á legurýmum, myndi ekki lagast með tilkomu hans. Hann sagði reynt að sýna fram á það með ýmsum reiknikúnstum að heilbrigðiskerfið væri betur sett en áður. „Á meðan við erum ekki að sjá árangurinn á gólfinu á Landspítalanum þá myndi ég segja að augljóslega erum við ekki að setja nægan pening í kerfið,“ sagði hann. Hitt væri svo annað mál hvort peningunum sem færu í kerfið væri rétt varið. Theódór sagði Íslendinga mega vera stolta af heilbrigðisstarfsfólkinu sínu og að menn hefðu komist langt á því að redda hlutunum. „En stundum er það þannig að við komumst ekkert lengra. Og það er kannski okkar tilfinning að akkúrat núna séum við komin að ákveðnum þolmörkum. En það kann að vera að brestirnir sem voru til staðar hafi komið í ljós núna í kjölfar faraldursins.“ Theódór sagðist telja mögulegt að leysa vandann en til þess þyrfti að eiga samtal um ástandið. Þá þyrftu stjórnmálin að axla pólitíska ábyrgð, rétt eins og læknar öxluðu faglega ábyrgð. Heilbrigðismál Landspítalinn Bítið Vinnumarkaður Mest lesið Sérsveitin skarst í leikinn vegna Kourani á Kleppi Innlent Refsing Kristjáns Markúsar milduð Innlent Bara „random“ að rassskella stjúpdóttur sína og vinkonu hennar Innlent Minnst ellefu hundar drepist við Geirsnef: „Áfall að sjá dýrið sitt hlaupa í dauðann“ Innlent Leikskólagjöld einstæðra foreldra í Reykjavík gætu allt að þrefaldast Innlent Heimilar banatilræði í Venesúela og íhugar árás Erlent Sýrlendingar samþykkja að taka við Kourani Innlent Óttast um geðheilsu foreldra nái breytingarnar fram að ganga Innlent Ítarlegar frásagnir af kynnum við „Andy“ í nýrri bók Giuffre Erlent Títan var hvorki hannaður né smíðaður nógu vel Erlent Fleiri fréttir Sýrlendingar samþykkja að taka við Kourani Ók á brott eftir að hafa keyrt á hjólandi dreng Átta daga seinkun kostar ríkið nítján milljónir Kærastan áfram í farbanni Fjögur hundruð án nettengingar í Norðlingaholti Ný heimildarmynd afhjúpi veikindi vegna flúormengunar og fyrirslátt MAST Annar fundur boðaður í kjaraviðræðum flugumferðarstjóra Vilja úrbætur eftir úttekt á samningum um lokun bensínstöðva Refsing Kristjáns Markúsar milduð Ekkert óeðlilegt að Halla bjóði Xi í heimsókn Segja eins og áður aðeins samið til skamms tíma og leiðrétta ráðherra Bara „random“ að rassskella stjúpdóttur sína og vinkonu hennar Ásýndin að fjölmiðlum hefnist fyrir að gagnrýna ríkisstjórnina Bein útsending: Öryggis- og varnarmál á ráðstefnu almannavarna Ræddi Gasa við Hegseth og bauð honum til Íslands Óttast um geðheilsu foreldra nái breytingarnar fram að ganga Óttast um geðheilsu foreldra og meint aðför stjórnvalda gegn fjölmiðlum Tveir sjúklingar í nánast hverju plássi á bráðamóttökunni Sérsveitin skarst í leikinn vegna Kourani á Kleppi Umboðsmaður snuprar stjórnvöld Einn vistaður vegna slagsmála ungmenna í Breiðholti Leggjast gegn hlutfallslækkun stuðnings við einkarekna fjölmiðla Slökkvistarf stóð yfir í þrettán klukkutíma Leikskólagjöld einstæðra foreldra í Reykjavík gætu allt að þrefaldast Minnst ellefu hundar drepist við Geirsnef: „Áfall að sjá dýrið sitt hlaupa í dauðann“ Við gætum farið að aka Sundabraut eftir sjö ár Þingmenn misvel klæddir þegar þeir voru reknir út Meintur brennuvargur í haldi lögreglu Réðst með hnífi á fanga á Litla-Hrauni Norrænir bankar skoði hvort breyta þurfi skilmálum vegna dómsins Sjá meira
Læknarnir skora á heilbrigðisráðherra að grípa til aðgerða til að bæta stöðuna á Landspítalanum og heilbrigðiskerfinu öllu. Theódór sagði í samtali í Bítínu í morgun að um væri að ræða gamla tuggu en ítrekuð áköll hljómuðu fyrir daufum eyrum. „Nú erum við náttúrulega að koma út úr heimsfaraldri. Þetta er búið að vera erfitt tímabil, það er búið að reyna á alla; alla þjóðina og heilbrigðisstarfsmenn. Og nú þegar við eygjum ljósið í myrkrinu; við erum að komast út úr þessu, þá taka við hinar reglubundnu sparnaðaraðgerðir og krafan um sparnaðaraðgerðir. Aftur á móti eigum við að hlaupa hraðar og bregðast hraðar við og ekkert má fara úrskeðis. Biðlistarnir hafa aldrei verið lengri og einhvern veginn er okkur ekki að takast að vinda ofan af þessu,“ segir Theódór. Hann segir vandann öðrum þræði þann að ítrekað sé ráðist í kerfisbreytingar án samráðs, sem þarf svo átak til að vinda ofan af. „Ég held að maður kæmist miklu lengra ef maður byrjaði strax að tala saman. Ef byrjað væri á samtalinu þá væri allt efektívara og við kæmumst lengra.“ Úr þrettán plássum í tíu fyrir sumarið Theódór sagði skorta á að horft væri lengra fram á veginn og sagði sömuleiðis sakna þess að rætt væri við heilbrigðisstarfsfólk og einnig fólkið í landinu. Yfirgnæfandi meirihluti þjóðarinnar hefði kallað eftir því á sínum tíma að 11 prósentum landsframleiðslunnar yrði varið til heilbrigðismála en það hefði ekki raungerst. Þá sagði hann einnig eitthvað skorta á samskiptin milli forstjóra Landspítala og fjármálaráðherra, þar sem ítrekað væri skorið niður þar sem ekkert mætti útaf bera. „Við getum tekið sem dæmi mitt nærumhverfi, sem er gjörgæslan. Frá því að ég kom heim frá Svíþjóð, ég var þar í tíu ár, búinn að vera hér í fjögur ár á Landspítalanum, hef ég ítrekað talað fyrir því, í gegnum læknaráð sáluga forðum og svo í blöðum og annað, að gjörgæslupláss á Íslandi séu of fá. Við erum sem sagt í neðsta sæti yfir gjörgæslupláss í Evrópu, það er staðreynd,“ segir Theódór. „Við vorum á Landspítalanum með þrettán rými í Covid-faraldrinum og þökk sé sóttvarnaraðgerðum og samhentu átaki almennings þá gátum við haldið utan um þetta. Nú eru það boðin sem berast eftir þetta, inn í sumarið, að við eigum að fara úr þrettán plássum í tíu pláss. Og það er eiginlega óvinnandi vegur. Þessi pláss duga varla til í eðlilegu árferði og núna eru Íslendingar komnir á ferð og landið að fyllast af túristum.“ Eru ekki að sjá meiri pening á gólfinu Theódór segir álagið sýnilegt á gjörgæslunni; bráðalæknar hafi verið að hætta og námslæknar í bráðalækningum að velja sér annað sérnám. Áhuginn á því að snúa aftur heim eftir sérnám erlendis fari minnkandi, enda atvinnumöguleikarnir takmarkaðir. „Sú stefna sem sett er af stjórnmálunum er að sauma að stofurekstri og einkarekstri og miða meira inn á heilbrigðisrekstur hins opinbera. Og þar af leiðandi eru atvinnumöguleikar manna minni,“ segir hann. Spurður að því hvort hann teldi ástandið myndu lagast að einhverju marki með nýjum spítala sagði Theódór ákveðið sinnuleysi hafa ríkt varðandi heilbrigðismálin í marga áratugi. Spítalinn væri að rísa of seint og helsti vandinn, skortur á legurýmum, myndi ekki lagast með tilkomu hans. Hann sagði reynt að sýna fram á það með ýmsum reiknikúnstum að heilbrigðiskerfið væri betur sett en áður. „Á meðan við erum ekki að sjá árangurinn á gólfinu á Landspítalanum þá myndi ég segja að augljóslega erum við ekki að setja nægan pening í kerfið,“ sagði hann. Hitt væri svo annað mál hvort peningunum sem færu í kerfið væri rétt varið. Theódór sagði Íslendinga mega vera stolta af heilbrigðisstarfsfólkinu sínu og að menn hefðu komist langt á því að redda hlutunum. „En stundum er það þannig að við komumst ekkert lengra. Og það er kannski okkar tilfinning að akkúrat núna séum við komin að ákveðnum þolmörkum. En það kann að vera að brestirnir sem voru til staðar hafi komið í ljós núna í kjölfar faraldursins.“ Theódór sagðist telja mögulegt að leysa vandann en til þess þyrfti að eiga samtal um ástandið. Þá þyrftu stjórnmálin að axla pólitíska ábyrgð, rétt eins og læknar öxluðu faglega ábyrgð.
Heilbrigðismál Landspítalinn Bítið Vinnumarkaður Mest lesið Sérsveitin skarst í leikinn vegna Kourani á Kleppi Innlent Refsing Kristjáns Markúsar milduð Innlent Bara „random“ að rassskella stjúpdóttur sína og vinkonu hennar Innlent Minnst ellefu hundar drepist við Geirsnef: „Áfall að sjá dýrið sitt hlaupa í dauðann“ Innlent Leikskólagjöld einstæðra foreldra í Reykjavík gætu allt að þrefaldast Innlent Heimilar banatilræði í Venesúela og íhugar árás Erlent Sýrlendingar samþykkja að taka við Kourani Innlent Óttast um geðheilsu foreldra nái breytingarnar fram að ganga Innlent Ítarlegar frásagnir af kynnum við „Andy“ í nýrri bók Giuffre Erlent Títan var hvorki hannaður né smíðaður nógu vel Erlent Fleiri fréttir Sýrlendingar samþykkja að taka við Kourani Ók á brott eftir að hafa keyrt á hjólandi dreng Átta daga seinkun kostar ríkið nítján milljónir Kærastan áfram í farbanni Fjögur hundruð án nettengingar í Norðlingaholti Ný heimildarmynd afhjúpi veikindi vegna flúormengunar og fyrirslátt MAST Annar fundur boðaður í kjaraviðræðum flugumferðarstjóra Vilja úrbætur eftir úttekt á samningum um lokun bensínstöðva Refsing Kristjáns Markúsar milduð Ekkert óeðlilegt að Halla bjóði Xi í heimsókn Segja eins og áður aðeins samið til skamms tíma og leiðrétta ráðherra Bara „random“ að rassskella stjúpdóttur sína og vinkonu hennar Ásýndin að fjölmiðlum hefnist fyrir að gagnrýna ríkisstjórnina Bein útsending: Öryggis- og varnarmál á ráðstefnu almannavarna Ræddi Gasa við Hegseth og bauð honum til Íslands Óttast um geðheilsu foreldra nái breytingarnar fram að ganga Óttast um geðheilsu foreldra og meint aðför stjórnvalda gegn fjölmiðlum Tveir sjúklingar í nánast hverju plássi á bráðamóttökunni Sérsveitin skarst í leikinn vegna Kourani á Kleppi Umboðsmaður snuprar stjórnvöld Einn vistaður vegna slagsmála ungmenna í Breiðholti Leggjast gegn hlutfallslækkun stuðnings við einkarekna fjölmiðla Slökkvistarf stóð yfir í þrettán klukkutíma Leikskólagjöld einstæðra foreldra í Reykjavík gætu allt að þrefaldast Minnst ellefu hundar drepist við Geirsnef: „Áfall að sjá dýrið sitt hlaupa í dauðann“ Við gætum farið að aka Sundabraut eftir sjö ár Þingmenn misvel klæddir þegar þeir voru reknir út Meintur brennuvargur í haldi lögreglu Réðst með hnífi á fanga á Litla-Hrauni Norrænir bankar skoði hvort breyta þurfi skilmálum vegna dómsins Sjá meira